|
تفضلوا هنا حبوبات شوية استفسارات وفوايد لي ولكم
السلام عليكم بنات...
كيفكم الحمدالله .. رب العالمين .حبيت اقولكم اني الان في السابع الحمدالله.. وجهزت شوية اغراض للبيبي اخذت طقمين حلوه من سنتربوينت لونها كحلي وابيض والثاني احمر وابيض على كحلي ...مع البطانيات واخذت كمان واحده بلو.. .. وطقم ثلاث حبات بربتوزات نيو بورن.. وطقم لفات قطن ثلاث حبات ولبس عادي مقفل من رجوله.لونه اورنج. حبيت اسئلكم وش اجهز بشنطة المستشفى ومتى اجهزها .. وثاني شي وشرايكم .. بدال ما اروح اسوي واشتري طقم مفارش بحول ثلاثه الاف.. اخذ مفرش حلو لونه مناسب.. وبالنسبه للتحضيرات .. للضيوف .. عالقهوه تمر وبسكوت لواكر بالكبتشينو وجوز الهند.. وعالشاي .. ومع العصير معجنات من اي مكان وورق عنب .. وتوزيعات باشتريها جاهزه من النقلي او البستان .. ....... سؤال اخير .. انا ناويه ان شاء الله اولد في مستشفى ابها الخاص.. هل اذا دخلت التاسع اقدر اسوي عمليه علما اني ابي اسويها مو خوف من الطبيعي.. بسبب ظروف زوجي فالعمل تظطره ان يغيب في نهاية شهر اربعه... وشهر اربعه احتمال اولد فيه فوش اسوي .. انا في بداية كل شهر ادخل شهر جديد انتظركم لا تهملوني بليز |
رد: تفضلوا هنا حبوبات شوية استفسارات وفوايد لي ولكم
رفع......
......... |
رد: تفضلوا هنا حبوبات شوية استفسارات وفوايد لي ولكم
وينكم ...
عالاقل اخر سؤال .. |
رد: تفضلوا هنا حبوبات شوية استفسارات وفوايد لي ولكم
اهلين ياعسل ..
الله يتمم لك على خير .. وان شاء الله يلبسهم البيبي بالصحه والعافيه .. لاتكثري نيو بورن .. واتوقع ابها برد.. فحاولي تزيدي من اللبس الخارجي مو صوف بس خذي الافرولات المخمل تدفي.. استخيري واذا كانت العمليه افضل لك فالله بيسهلها لك .. واذا اهلك موجودين بابها .. احس مايحتاج الزوج ..اذا امك او اختك معاكي .. لكن الطبيعي اهون من القيصري بكثير اشياء .. الله يسخرلك وييسرلك امورك .. |
رد: تفضلوا هنا حبوبات شوية استفسارات وفوايد لي ولكم
تسلمين ياقلبي.. الله يسعدك ..
اهو مسكين رغبته يكون موجود .. انا بستخير وان شاء الله ربي يكتب لي مافيه الخير |
رد: تفضلوا هنا حبوبات شوية استفسارات وفوايد لي ولكم
لبى قاوبكم انتظر اقتراحاتكم ونصايحكم
|
رد: تفضلوا هنا حبوبات شوية استفسارات وفوايد لي ولكم
هلا حبيبتي منايا انا مع ليدي الطبيعي افضل من العمليه شرحي لزوجك الموضوع لانه وضعك ماضروري فيه العمليه وادري صعب انه يجي المولود من دون لايشوفه ابوه بس سلامتك اولى عن كل شي وبالنسبه للفواله نحن في بلادنا لنا اجواء ثانيه فد والاهم من هذا كله الله يسهل عليك وتقومي بالسلامه وعلى فكره يالغاليه اشتري ملابس قياس فتره الاربعين لانه بعد الاربعين يحتاج ملابس غير
|
رد: تفضلوا هنا حبوبات شوية استفسارات وفوايد لي ولكم
شوفي حبيبتي حاولي تخلصي امورك يعني عالتاسع تكوني خلللص مجهزه كل شي حتى شنطه المستشفى لان في التاسع ممكن في اي وقت تولدي ونصيحه الطبيعي افضل متى ماجا وقتك اولدي مو انتي تروحي وتقولي يلا ولدوني ترى كل ماجلس الجنين في بطن امه افضل له لوقت يشوفو الدكاتره اذا مثلا طولتي يتطمنو على وضع الجنين وكميه المويه والمشيمه اذا شاخت ولا باقي توكلي على الله ياقلبي ..
بالنسبه للتجهيزات انا غلقت كل اموري في السابع ووقت دخلت الثامن كنت مخلصه الحمد لله يارب باقي بس اجهز شنطه المستشفى جهزيها في نص الثامن ... عندي شنطه صغيره بحط فيها .. قميص قطني - ستيانه رضاعه - سروال قطني طويل - منشفه للاستحمام - مرطب شفايف - شبشب الله يكرمك - مزيل عرق - فرشاه ومعجون .. بالنسبه لملابس النونو المستشفى اللي بولد فيه هم يلبسوه من عندهم بالاول يرفضو ياخذو شي ثاني لوقت الخروج من المستشفى باخذ داخلي وبربتوز ابيض وقبوع وكفوف وكوفله كلها ابيض في ابيض .. تقريبا هذه اللي باخذها او الاصح هذا اللي اتذكره الحين لاني ان شااااء الله بولد طبيعي وشفتي جلوسي بالمستشفى يوم واحد .. بالنسبه للفوط والكلوتات الداخليه اللي استعمال واحد المستشفى يوفروها لك مادام خاص .. خذي ملابس للنونو من 0 الى 3 شهور افضل وبالنسبه للنيوبورن خذي بس ماتكثري مرره يعني 4 قطع كويسه لان ماحد يدري كيف بيكون وزن النونو اختي ولدت على اول التاسع وملابس النيوبورن استخدمتها لوقت صار ولدها عمره شهر ونص تخيلي لانه جا صغيييير عشان كذا ماتدرين كيف بيكون الجنين عرفتي .. بالنسبه لمفرشك انا ما افضل اللي بالالافاااات لان زي ماشفتي المنتديات كلها حتى هنا يعرضون الحريم مفارشهم ويقولو استعمال واحد واللي استعمال اسبوع يعني مايستفيدووون منها ويتندمون وعلى طول يحاولو يبيعوها وفري فلوسك بشي ثاني خذيلك مفرش حلو وحركات افضل ... بالنسبه لتحضيراتك للضيوف حلوة وتمام كذا.. ربي يقومنا جميعا بالسلامه يارب |
رد: تفضلوا هنا حبوبات شوية استفسارات وفوايد لي ولكم
ربي يقومك بالسلامه يا منايا الجنه و يقر عينك بشوفة البيبي بصحه و عافيه و سلامه ...
بالنسبه لولادتك استخيري اذا ودك بالعمليه بس نصيحتي لك خليك طبيعي افضل لك و للبيبي و ان شاء الله ابوه بيشوفه و بيشبع منه بعد لا تحطينها في باله الا ضروري اول ما ينولد ربي ما يحرمكم من بعض .. شنطة المستشفى خذي لك كلوتات استعمال واحد من الصيدليه و فوط كبيره عشان ترتاحين فيها و سروال داخلي 2 و قميص 2 حاولي تاخذين احتياطاتك حتى لو بتولدي في خاص ... ملابس البيبي لا تكثرين نيو بورن و خذي من 0_3 عشان الطفل يتغير بسرعه في بدايته و حجمه يتغير عموما خذي اللي يكفي فترة نفاسك لأنك بتشترين اشياء غيرها بعد فترة النفاس .. و مفرش السرير مثل ما قلتي مرتب و حركات احسن من الطقم الكامل و تستغلينه بعدين .. و تقديمات الضيوف روعه لا تزيدين عليها كفيتي و وفيتي .. ربي يفرحنا فيك و تقومين بالسلامه يالغاليه .. |
رد: تفضلوا هنا حبوبات شوية استفسارات وفوايد لي ولكم
فديتكم الله لا يحرمني منكم وربي ما انسا لكم ردودكم الله يوفقكم ويرزقكم باللي تحبون يارب
|
| الساعة الآن 09:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .