|
الكلوميد وهرمون الحمل؟؟
السلام عليكم خواتي عندي استفسار هل الكلوميد يخصه عشان يرفع هرمون الحمل ؟؟؟؟؟ انا كنت حامل وطاح بسبب انخفاض هرمون الحمل.. وبعدها بكم فتره تابعت مع دكتوره وعطتني كلوميد وابره تفجيريه وحملت مره ثانيه وطاح بعدين سوتلي اشعه صبغة وقالتلي عندج تليف صغير خارج الرحم وعندي التصاق فالقناتين.. لكن الحمدالله انفتحو من السائل اللي حطته وقت الاشعه فسالتها قلتلها كييف عندي التصاق وانا حملت من قبل وعندي التبويض جيد جدا..؟؟ قالتلي سبحان الله يصير بعض المرات وفي حاله نفسي حملت وربت ماشالله المهم قالتلي بنعيد مره ثانيه بعطيج كلوميد وابره تفجيريه قلتلها دام تبويضي جيد جدا ليش الكلوميد قالت لي عشان هرمون الحمل يرتفع!!! هل له خص؟؟؟؟ ولو اخذته للمره الثانيه ماراح يزيد من حجم التليف انا خايفه بصراحه وكم الفتره المناسبه عشان اخذ كلوميد مره ثانيه....انا توني معرسه لي 5 شهور مب بدري علي تهلكني الدكتوره بالكلوميد؟ وهل على كل حمل لازم اخذ الكلوميد؟؟؟؟ وهل الفولك اسيد يساعد في ارتفاع الهرمون وبصراحه هذا الكلوميد يجيب الحاله النفسيه ههههه الوزن زااد وحبوب طالعه فوجهي |
رد: الكلوميد وهرمون الحمل؟؟
حبيبتي ماله خص ابدا ابدا ، مدري ايش تحس دكتورتك ؟
ممكن قصدها عشان تظمن ان التلقيح يتم ؟ يعني كلوميد وتكبر البويضات وبعدها الابره عشان تنفجر فتظمن كذا انه بيتم التلقيح بس الكلوميد يسبب الياف واكياس ع المبيض واشياء انتي بغنى عنها وانتي بس خمس شهور وهذا الكورس الثالث ؟ والله حرام انهلكت مبايضك احسن حل ريحي جسمك ٣ شهور وجربي الاناناس البنات يمدحونه جدا بالتبويض واذا ربي ماكتبلك حمل بعد هالكم شهر راجعي من جديد .. خصوصا انك عروسه عيشي حياتك بدري على الخلفه وهي تقولك ان الانابيب فتحت وصارت سالكه ، يعني المفروض تعطيك فتره لتجريب الحمل طبيعي بدون تدخل طبي |
رد: الكلوميد وهرمون الحمل؟؟
لا حبوبه اول مره حملت بدون كلوميد لقطت من العرس على طول
والمره الثانيه اتبعت الكورس والحين تباني اتبع الكورس للمره الثانيه مع انه مثل م قلت التبويض عندي 18 بدون كلوميد ( ماشالله) وقالتلي كمان يومين وبيزيد والحمدالله قنوات فالوب انفتحت الحين اللي مخوفني لما قالت لي اخذ كلوميد مره ثانيه عشان هرمون الحمل يزيد ( وانا ما اريد اخذه) وخايفه من الكلوميد بعد ليكبر عندي التليف خواتي الي تفهم ف هالامور تفهمني جزاهها الله كل الخير وكل اللي تتمناه |
| الساعة الآن 08:13 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .