الحمدالله ولدت
 

الحمدالله ابشركم ولدت وصار لي الحين اسبوعين وطبعا مافي ولادة من غير تعب ولدت قيصري بس طبعا عذبوني بالكشف انا تنومت يوم الاثنين لأني تعبت وتنزل علي مويه ولا رحت المستشفى قالو مو مويه بس افرازات والله يابنات انها موية بس مدري ليش اذا رحت قالو افرازات المهم تعبت وهم كل ماشافوني يهاوشوني ليش تجين انتي ماعندك ولادة بس افرازات واتنوم الاثنين وكل اشوي كشفيه والثلاثاء قالو خروج ماعندك ولادة وانا عندي طلق بس اذا رحت غرفة الولادة يختفي من الخرعه المهم جيت بطلع من المستشفى والقى الدكتورة بوجهي قالت لا مافي خروج لازم نسعفك بدم الدم عندك 6 المهم وارجع ويسعفوني بدم واقعد الين 12 بالليل واحس ان المويه تنزل بكثرة واروح الحمام وانتو بكرامه وانصدم انها مو مويه دم كثير واقعد اصيح وانادي الممرضه ونادو الدكتورة قالت اذا جت الساعه 2 ماوقف النزيف دخلوها العمليات المهم واقعد لين الساعه 6 الصباح وانا انزف وجت الدكتورة هاوشت الممرضات تقول اشلون تخلونها كذا تنزف لو صار لها انفجار بالرحم وعلى طول غرفة العمليات وادخل غرفه العمليات يابنات ويجيني ذاك الخوف واتعوذ من الشيطان كل همي اني كان ودي اظم ولدي قبل ادخل العمليات وكل مااتذكره اقعد اصيح وخدروني بس صحيت بنص العملية مامسك التخدير فيني زين والالم فظيع اللة لايوريكم كنت افكر نفسي اقدر اتكلم اقولهم خلاص بس ماقدرت احرك حتى طرف اصبعي وقعد اقرا قران وادعي ربي الين ربي يسر لي وخلصو ويوم جو يصحوني قلت لدكتور التخدير تراني صاحية مايحتاج تصحيني ويقعد يضحك كرهته من قلب واطلع من غرفه العمليات والالم فظيع واناديهم يعطوني مسكن ولا منوم ابغى ارتاح من الالم بس مافي فايدة بس انام اشوي ويرجع الالم نفس الشي واقعد اسبوع على هالحاله المهم جبت بنوته والحمدالله على كل حال بعا انا عندي ولد حتى هو بقيصريه وهذي قصة ولادتي والله الله بالردود ياحبايب

رد: الحمدالله ولدت
 

الف مبرووووووووووووووووووووووك

والحمدلله على سلامتك

واذا على التعب يهون

وتتربى بعزكم القمر

تقومين ان شالله بالسلامه

رد: الحمدالله ولدت
 

تسلمين ياقلبي الحمدالله كل شي بأجرة ربي يسعدك

رد: الحمدالله ولدت
 

ياقلبي تعذبتي في ولادتك كله أجر بأذن الله
وألف الحمدالله على سلامتك
وألف مبرووووووك عالبنوته تتربى بعزكم إنشاء الله
وش سميتيها...

رد: الحمدالله ولدت
 

تسلمين ياجوهرة المملكه الله يسعدك سميتها رهف

رد: الحمدالله ولدت
 

الف مبروووووك ياغاليه تتربى بعزك وتشوفيها عروس ان شاءالله

والله يكتبلك الاجر على كل لحظه تعب مريتي فيها يارب

رد: الحمدالله ولدت
 

رد: الحمدالله ولدت
 

رد: الحمدالله ولدت
 

الحمدلله على سلامتك حبيبتي
والله يخليلك بنوتك حبيبتي

رد: الحمدالله ولدت
 

الحمدالله ع السلامه يالغلاااااااا وقصتك تعور القلب اهئ

الله يسهل علينا بس