السلام عليكم ..

بنات انا تعبت نفسياً مع اني للحين أعتبر حالي في بداية العلاج ولكن محتاره كثير بأمور ودي أخذ رايكم فيها بصدق..

أنا ماقدر أستشير أحد يفهم بهالامور غيركم .. لان ماعندي خوات ..وامي الله يخليها لي.. لو بقولها شي بتروح تسويه خبر عاجل لكل خواتها.. من باب تشاركهم التفكير.وانا مابي احد يدري عن مشاكلي ..

..
مشكلتي ببساطة كنت بداية زواجي اخذ حبوب منتع الحمل والمشكله انها بإستتاره طبيه ووقفتها لان صار عندي قرحه في عنق الرحم ..والحمدلله كويتها وكل شي تمام التمام..
..
الان لي اسبوعين اراجع عند مستوصف قريب من بيتي ..واول شي سوت لي تحاليل للغدة الدرقيه وكشفت علي سونار عالمبايض وتحليل لهرمون الحليب .. وتقولي كل شي تمام ماعدى هرمون الحليب..واصل 47..وهو اكيد سبب تأخر حملك..

وقالت لي خذي حبوب اسمها نوربرولاك نص حبه قبل النوم لمدة يومين وبعدين حبه كل يوم قبل النوم ..وحبوب ثانيه اسمها دوفاستون.. حبتين مره صباحا ومره مساء وقالت هذي تهيء جدار الرحم للتبويض ..

المهم قالت لي بعد اسبوع تعالي وجيتها اليوم وقالت لازم نسوي تحليل عشان نشوف فيه حمل او لا ..وبعدها نتكلم ..وانا متأكده مافيه حمل .. لان موعد دورتي اليوم اللي هو الثلاثاء وفوق كل هذا ماحصل جماع الا مرتين بعد مابديت اخذ الحبوب ..
..
انا محتاره بشغله الحين التحليل هذا اللي راح تطلع نتيجته اليوم الثلاثاء ايش فايدته؟؟
..

وشي ثاني مهم .. لما كشفت علي قالت لي ان رحمك راجع لورى شوي وعادي يحصل حمل لكن خلي وضعية الجماع وانتي ساجده ..
..

بنات انا قريت بأكثر من منتدى ان اللي رحمها كذا لازم تمريخ .. وان ماعرف احد بهالسوالف ..

هل تنصحوني ألجأ للتمريخ او استمر بس على حبوب خفض هرمون الحليب وبعدين اشوف ..

تكفون انا محتاره وجد ماني عارفه وش اسوي .. ونفسيتي جدا تعبت خصوصا اليوم حسيت انها تستغلني وبس .. للحين مو مقتنعه بالتحليل اللي سويته اليوم ..؟؟ ولاادري وش النتيجة

نصيحتكم الله يرزقني ويرزقكم كل خيررررررررررررر