|
ساااااعدوني من اليوم ابكي
السلام عليكم
بنات تكفون ابي مساعدتكم من اليوم دموعي اربع اربع بقولكم بالتفصيل صاحباتي كلهم مسجلين فالتويتر وكل وحده زوجها عندها في التويتر وزوجي مسجل فيه قلت له سجلني في التويتر كل صاحباتي مسجلات قال لا الا البرامج الاجتماعيه كلها خراب قلت طيب انت بتكون عندي وانا اعرف الصح من الغلط مو راضي يقتنع ورفض طبعاً هذي السالفه لها اكثر من اسبوعين واليوم صاحبتي تسولف معاي وقالت لي التويتر عندي انقليزي ومااعرف له قلت اللي عندي عربي بس انا مو مسجله فيه قالت بالله بعطيك حقي ورقم السري وادخلي منه وصوري الملف التعريف عشان اعرف الخيارات قلت اوك ودخلت وجيت بصور الشاشه الا الجرس يدق وفتحت الباب وطلع زوجي وعادي شاف الجوال وفتحه اول مافتح الجوال الا على طول صفحة التويتر وطالع فيني نظرات زعل يعني كنه يقول سويتيها من وراي وحاولت افهمه واحلف له مو راضي يصدق مازال زعلان دخلت على صديقتي ووريته المحادثه وقال خلاص لاتكلميني ولا توريني شي انتي كسرتي كلامي ودخلتي فيني الشك ومدري كيف وكلام كثير يابنات جرحني مو راضي يصدق وزعل مررره رسلت له عالواتس عن الزعل واني احبك ورد علي قال شكرا وبعد كم ساعه كذا قال من اليوم ورايح راح اناديك ام تويتر بنات بالله تشوفوني غلطانه ولا كيف ؟ انا وش ذنبي الدنيا تسكرت بوجهي منا شايله هم امي وقلقانه عليها لان في صدرها ورم والنتايج التحاليل تطلع السبت ومنا زوجي زعلان علي والله من اليوم ابكي دعواتكم لماما وش اسوي لزوجي عشان يرضى عنيييد هو اخاف يشك فيني وانا مالي ذنب مالي غيركم من بعد الله |
رد: ساااااعدوني من اليوم ابكي
الله يشرح صدرك ويطمنك على أمك يارب ويعافيها لكم يارب العالمين. .
انتي متوتره على أمك. . أقولك نصيحه اجلسي استغفري وقولي يارب وكلتها لك يارب انك تجبر كسري وضعفي مع زوجي. . صدقيني باذن الله هو بيراضيك. . وانتي بعد حسسيه انك متضايقه وزعلانه انه يشك فيك والمفروض يكون واثق منك وانك تحترمين كلامه حتى لو ما اقتنعتي. . والله يشرح صدرك ويفرج همك ولاتبكين ،، |
رد: ساااااعدوني من اليوم ابكي
أنا أحس إنه مصدقك بس يبي يزعل نفسه ويعطيك درس انك ما تكررينها مرة ثانية وتكسرين كلامه
بعدين انت مو وريتيه صفحة صديقتك؟ ماشاف اسمها؟ ماشاف المحادثة؟ اذا شاف كل هذا زين معناها صدقك واقتنع بس يتدلل شوي وانت عاد مو مرة بتموتين دامه سوء تفاهم وانت بريئة وواثقة من نفسك يكفي التوضيح والاعتذار الأولي والوعد انك ما تكررينها وخلاص اكثر من كذا يصير أوفر يعني بتصيرين له مداس علشان يرتاح؟؟خليكي قوية وقد نفسك مو اي كلمة تصيحك وتقهرك الموضوع يبيله شوية وقت وبس وانت يعني مقدر اقول غلط غلط هو نصف ربع غلط هههههه لأن زوجك نبّه عليك ما تسجلين في الموقع وانت ما سجلتي بس حبيتي تساعدين صديقتك عادي ياقلبي مافيها شي وسعي صدرك الموضوع مو مستاهل الله يخليكم لبعض ويهنيكم |
رد: ساااااعدوني من اليوم ابكي
ههههههههه
شبك انتي ليش كل هالشي مكبرة المواضيع و الدنيا تسكرت بوشك خير ليش شو صار موقف عادي كتير .. فيكي تقولي موقف محرج بس اما تسكرت الدنيا بوشك .. لا مو لهالدرجة .. بس يروء بتحكيلو شو صار معك و هو ع الاغلب بيعرف شوفي عندو و ما شك فيكي و لا شي بس يمكن حابب يعطيكي درس |
رد: ساااااعدوني من اليوم ابكي
شوغي دامك تاسفتي له وحاولتي تبرري موقفك خلاص بيرضى من نفسه لاتهينين كرامتك انتي سويتي الي عليك والباقي على الله
|
رد: ساااااعدوني من اليوم ابكي
ياحياااااتي بسيطه ان شاااء الله وسعي خاطرگوالله يهديه بس عمومااااا طنشي وبس وكنه ماصاااارشي
وهوبيرجع لك انتي لاتترجيه نهااايآوالله يسخره لك |
رد: ساااااعدوني من اليوم ابكي
حلوه ذي ام توتيتر سلامات ... توتير ولاغغيره فيه الناس الراقيه وفيه الناس زباله ...
انتي من حقك تسجلين باي موقع تبيه .. اذا انتي مو قاعده تسوين شي غلط .. هو منعك بس انتي بدخلك ودك لانه ممنوع لو قالك سجلي .. ممكن ماسجلتي .. او ممكن زوجك مايبي يفتحك على أمور هو بغنا عنها ..أنتي مقنعه أنك مو مسويه غلط وصاحبتك طلبت منك هشي وضحتي له كافي سكري الموضوع ... |
رد: ساااااعدوني من اليوم ابكي
الله يهديكم ويصلح اموركم
للأسف اختي وحبيبتي انتي استعجلتي مع صاحبتك كان المفروض انك تقولي لزوجك الموضوع هذا تتصلي عليه او تكلميه اذا عندك تقوليله في وحده صاحبتي كذا كذا كذا كذا ووقتها ماراح يزعل اكيد لأنه فاهم الحين المطلوب منه كالتالي تجيبي ورقه وقلم وتكتبي فيها مقدمه حبيبي ويازوجي ونصفي الثاني يادنيتي وعزوتي وناسي ياقلبي وكل احساسي صدقني اني احبك ومستحيل اعصي لك امر والموضوع انه كذا كذا كذا كذا واعتذري منه واكتبيله المفروض اني كنت اسألك قبل اخدمها لكن سامحني حبيبي وأنت عارف ضروفي وضروف امي الله يشفيها سامحني حبيبي واوعدك مرة ثانية اسألك وأستشيرك احبك زوجتك ................. ولو تقدري تخلي اخوانك يجيبون لك ورده حمره وتحطيها مع الرساله وما سألتيني وين تخليها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا اقولك روحي غرفة النوم وروحي للجهة اللي ينام فيها زوجك وأكشفي البطانية وحطيها تحتها يعني قدام المخده وأول ما يكشف البطانية علشان ينسدح راح يشوفها وراح يقراها ويسامحك ويجي يحضنك ويقولك وانا احبك ولا تسويها مره ثانية وينتهي خلافكم في دقايق سويها ياقلبي ورديلي خبر الله يصلحكم |
رد: ساااااعدوني من اليوم ابكي
عطي الموضوع حجمه المناسب:
انتي ما سويتي شي غلط.. أثبتــّي هذا الشيء لزوجج.. شرحتي له.. رويتيه الدليل.. انتهى الموضوع.. ليش القلق والبكاااء؟ على فكرة في تويتر ممكن تخلين حسابك خاص يعني بس تضيفين الناس الي تعرفينهم ومحد يقدر يقرا الي تكتبينه غيرهم. والبرنامج عاادي جداً لا مشاكل ولا شي مثل ما زوجج يظن.. |
رد: ساااااعدوني من اليوم ابكي
مشكورين عالردود طمنوتوني جد انا احس الموضوع عادي مايستاهل بس اكثر شي مقلقني انه بيشك فيني بيقول سويتي هذا من وراي اكيد فيه اعظم وانا مو ناقصه يشك فيني عشان اشياء تافه
والحمدلله رضى ونسى اللي صار بس على قولة وحده فيكم انه يحاول يتغلى عشان مااكررها وهذا اللي لاحظته بعدين |
| الساعة الآن 06:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .