|
اريد الحل تعبت مره
السلام عليكم كيفكم ان شاءالله تمام
انا طبعا مطلقه فتره زواجي كانت 3 شهور بس انا عمري 22 سنه انا نفسيتي مره تعبانه صح اهلي مو مقصرين علي بس كل مااتذكر طليقي اموت من القهر هو ظلمني وطلقني من غير ذنب طلقني وانا في عز حاجتي له والحين هو عايش حياته وماكمل شهرين من طلاقي الا تزوج مررره نفسيتي تعبانه الحمدلله اصلي وادعي واملي بربي كبير بس تجربتي خلتني خايفه من كل شي تقدملي رجل ملتزم بس صرت خايفه وماعندي ثقه في اي رجل بنات ابي نصايحكم تجاربكم ابي انسى كل شي يتعلق في طليقي انا حبيته بس هو ماقدر كيف اقدر انساه وافكر بمستقبلي صرت هالايام احلم فيه .. ابي انسى طلاقي انسى ذكرياتي مع طليقي ابي اعيش حياتي انا صرت اشوف كل شي بنظره سوداويه احس كل شي ماله طعم في الحياه |
رد: اريد الحل تعبت مره
والله ياحبيبتي استخيري وادعي ربك وماتدرين يمكن اللي تقدم لك افضل مت طليقك ميه مره وهو اللي بيحبك ويعزك ويقدرك لاتخلين تجربه وحده تاثر فيك. ..يا مالك من مصاعب هالدنيا بس لازم ناخذ الامور صح انتي اذا مرتاحه للي تقدم لك خلاص وافقي. ...
|
رد: اريد الحل تعبت مره
اول شيء تقومي تسوينه
الحين تتوضي وتصلي ركعتين وتحمدي الله وتشكرينه لأن الله أختار لكِ الأفضل والأضمن للمستقبل قال تعالى (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) صدق الله العظيم ماكان لكِ نصيب لمشاكل لا يعلمها الا الله انتي أخذتي درس وتجربه وصار عندك معلومات عن الزواج والعلاقه بين الزوجين وهذا شيء جميل وينفعك ان شاء الله انسي طليقك ولا تفكري فيه ابد واشغلي نفسك بأشياء تحبينها وتأكدي وتأكدي وتأكدي ان ربك راح يعوضك خير ادعي بصلاتك بسجووووووووووودك اللهم آجرني في مصيبتي واخلف لي خيرا منها وربي بيعوضك ويوفقك من حب الله لكِ يسر لكِ وصرف عنك هذا الرجل لأنه مو نصفك الثاني ولا قدرك الله يوفقك ويسعدك ويزيل همك وثقي بالله لأنه يعلم ما لا نعلم |
رد: اريد الحل تعبت مره
نفس حالتي بس اللهم ماتزوج واكيد بتزوج
ولو اسمع منه اي خبر خصوص طليقي والله بقول في حريقه تحرقه اقوله وبكل قهر فيني من جد بس احمد الله وأشكره ان رزقني بولد يخفف عني ألمي وحزني وأسال الله ان يعوضني خيرى ويرزقني بزوج صالح اللي يحبني ويحب ولدي ويقدرني ويحترمني فعلا والحمدالله كلما ضاق صدري اصلي ركعتين وادعي ربي بكل الخير في حياتي قد ايش انا حزنت في بدايه وانقهرت بس حسبي الله ونعم الوكيل اللي كان السبب الله ينتقم لي من كل ظالم وظالمه ........ وانتي ياليه يادنيا ابد قولي لهم حسبي الله ونعم الوكيل فيكم وكرريها عليهم احرقي قلبهم بدعوه مثل ماقهروك وظلم والله يعوضك بااللي احسن منه وتفائلي باالخير وانا متفائله ان شآء الله يجيني الاحسن منووو واحسن من طليقي وظلمه فيني انا ولدي يقول رسول صلى الله عليه وسلم انا عند حسن ظن عبدي بي بمعنى الحديث انتي تفائلي واحسني بظن الله عز وجل لعل الله يخلف عليك بااللي افضل منه انا وانتي الله يوفقك يارب |
رد: اريد الحل تعبت مره
نفس الحااااااله
بس ربي قاااادر على كل شي والله انا ماني قادرة انساه مع العلم انا الي طلبت الطلاق بس عشان ارتااااح بس هي الدنياء كذا اسال الله يجبر خااااطري وخااااطر كل من انكسر وكل ما تالمتي رددي حسبي اللع ونعم الوكيل اللهم اجرني في مصاااااابي وتوكيلي على الله وماااازلات الدنياء بخير واهموشي احسني ظنك بربك |
رد: اريد الحل تعبت مره
البنات ما قصروا
بزيد عليهم كلمتين المرأة فينا اذا تزوجت تشوف زوجها كل حياتها و تنسى نفسها و اذا ما تزوجت تقعد تحاتي متى تتزوج بس عشان كلام الناس و اذا تطلقت بعد تحاتي كلام الناس و نظراتهم و لو تفكر ما أحد بيفيدها غير نفسها يعني الزوج في يوم من الأيام ممكن يتركك لأي سبب و أولادك بيتزوجون و بيعيشون حياتهم و بتظل المرأة تشوف أنها ضيعت عمرها عليهم و بالأخير صارت وحيدة يعني تزوجتي أو تطلقتي أو ما تزوجتي اهتمي بنفسك أولا و أخيرا ما أحد بيتعب غيرك و لا أحد من الناس بينفعك كملي دراسة و اشتغلي و اطلعي وين ما تبين و اصرفي على نفسك و تكشخي بالطقاق اللي يطق الرجال اللي بيخلي حياتي جحيم |
رد: اريد الحل تعبت مره
انا اكتر وحدة ممكن تفهمك لاني سني مثل سنك ومتزوجة وقريبا رح انفصل بس ممكن اقلك انو انا حاسة نفسي حطلق قريب جدا انا عيز اقلك جملة مفيدة عارفة ليه الرجال ديما ناجحين فحياتهم حتى فاسوء الضروف لانهم بيفكرو بعقل وبيفكرو فنفسهم بس اما نحنا النسون فكل قراراتنا بالعاطفة وبنفكر فالاهل والجيران والعالم والمجتمع بعدين بنفكر فنفسنا فمنقطي كل عمرنا عم نرضي المجتمع ونغني على الاطلال وهم بيستمرو فتقدم شوفي طليقك شو عمل صراحة برفو رح تزوج ونساكي وعايش مرتاااح حتى مابيفتكر وشك كيف كان بس انتي شو عم تعملي قاعدة وغرقانا فدكريات واول مرة شفتيه وشو قالك وكيف كانت حياتكم مع بعض والوقت عم يمر وانتي فمكانك مع دكرياتك لغبية اسفة بس كلام يبكيك احسن من كلام مايفيدك قومي ورجعي لحياتك رجع لدراستك او ادرسي شئ على الاقل حتى لو ماعرفتي تدرسي شئ مهم ادرسي مديلست يعني تصميم ازياء وحولي تنجحي لتورجيه انك قوية ورجعي لحياتك قبل زواج وانسي انك مطلقا مشان العالم ينساكي ولا يشفق عليكي وصلي وقري قران بس كمان عيشي الله قال اسعى يعبدي وانا سعى معاك بس ادا مفكر انو تقعدي بالبيت وتقابلي سجادة وبرامج داعيات ورح تتزوجي تاني وخلاص فانتي غلطانة كتيييييييييييييييييييرررررررررر قومي من احلامك سوداء ولا تسمحي لاي احد كيف ماكان يشفق عليكي وكانك عاملة جريما شوفي الممثلات والمطربات والاغنياء بيتزوجو ويطلقو كل يوم وعايشين وماحدا بيطلعلو يشفق عليهم قوة شخصية انا حبيت افوقك لان في عندي قريبتي كن بندرس مع بعض 4سنين وتزوجت قبلي ب3سنين زوجها مدام الى 4شهور وطلقها بسبب تافه لان امها صعبة المهم زوجها بعد الطلاق على طول تزوج وعاش حياتو وهي قعدت تبكي وحبست نفسها فالبيت حتى النور شمس مبتشوفو ومابتحب تشوف الناس عشان بتخجل ومفكرى انو ممكن يرجع لها او تتجوز وقعدت على الحال دة سنتين وفيوم قررت تخرج وتكمل درستها واشترت سيارة وقدمت دورات اعلميات وتعالي شفيها دلوقتي مشاء الله شخصيتها قوية وتغيرت ومحدش يطلعلو يكلمها عن زواج او طلقها الكل بيحترمها وبتسافر وعيشة بما يرضي الله بس عيشة مش محبوسة فحبس طلاق انا اسفة بس حبيت اساعد
|
رد: اريد الحل تعبت مره
الله يسعدكم دنيا واخره
الله يفرج همنا ويجبر كسر قلوبنا ويعوضنا بالازواج الصالحين وينتقم من اللي ظلمونا |
رد: اريد الحل تعبت مره
الله يفرج كربك يارب عليكي بقيام الليل والدعاءوربي مارح ينساكي
|
رد: اريد الحل تعبت مره
سبحــــــــــــــــــــــان الله
|
| الساعة الآن 07:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .