كل دكتوره تعطيني كلام وانا تلخبطت تكفون ساعدوني يا اخواتي
 

حبيباتي

تخيلو كنت اراجع عند الدكتوره سوزان في مستوصف البركه بعنيزه خمس شهور وانا معها وكانت من اول شهر تعطيني كلوميد للعلم ان معي تكيسات مو شويه وكمان حامض الفوليك واسبرين واخر خامس شهر اعطتني ست ابر تنشيط

وكان قبل الحج عندي مراجعه ورحت ماحصلتها كانت رايحه للحج قلت خيره لان من زمان كنت ابغى ادخل عند سهير طبعا بنفس المستوصف

تخيلو دخلت عليها شوي وتنجلط قالت انتي عندك تكيسات بشكل مو طبيعي ابد مره كثيره والي زادها الكلوميد لان غلط تستعملينه خمس شهور متواصلهوقالت ان الفوليك والاسبرين مالهم دخل بحالتي نهائيا ع اي اساس اكلهم قال انا ما ادري صرفتها لي سوزان واكلتها قلت اهي دكتوره وتعرف اكثر مني اكيد

قالت تتركي كل العلاجات الي انتي تاكليها وبرضو سهير اعطتني ست ابر تنشيط و وحده تفجيريه الشهر الي فات وطلبت مني اسوي اشعة الصبغه اذا ماحملت وطبعا نزلت الدورة وانتو بكرمه وجاء موعد الاشعه وماقدرت اسويها لظروف خاصه والحمد لله ماسويتها كانت خيره من رب العباد لاني قريت ان اصلا مايسوي الصبغه الي قد حملت او سوت عمليه وانا لسلي ثلاث سنسن وثلاث شهور مافرحت بكلمة انتي حامل ولاسويت عمليه ابد قلت

انجنيت قلت شلون يعني

واتصلت ع دكتوه هذي ارتاح لها ودايم استشيرها وقلت لها ان دكتورتي اعطتني تنشيط وكلوميد وطلبت مني الصبغه قالت لا اوعي اذا انتي كل شي سليم عندك مره ممكن يكون السبب الانابيب فعادي سويها

قلت لا نعي تكيس كثير قالت ايه كله من التنشيط الي تاخذينه قالت وقفي المنشطات شهرين او ثلاثه وخلي دكتورتك اول شي تعالج التكيس لانه ماراح يحصل حمل وانتي فيك تكيس

للعلم ترا سهير صارفه لي جلوكوفاج حق التكيس الي اهو علاج السكر وقالتلي استعمليه ثلاث شهور واذا حصل حمل اتركيه


ف انا مره تعبت وتعبت نفسيتي مدري من اصدق

غير ام زوجي تقولي سوي عمليه عشان التكيس ورفضت قلت لامابي ودي اصبر

انتو تعرفون كلام النس يتعب ويقتل

تخيلو صرت اميل للعزله والله تعبانه مره وش اسوي تكفون ساعدوني مالي بعد الله الا انتم

رد: كل دكتوره تعطيني كلام وانا تلخبطت تكفون ساعدوني يا اخواتي
 

ربنا يرزقك وبفرح قلبك بالحمل السليم المعافى يارب العالمين يا ارحم الراحمين...

لوترتاحي شوي من المنشطات وتبدأي تستخدمي خلطة العسل مع غذاءالملكات وطلع النخل ترى العسل مذكوربالقران انه شفاء ***وبرضه القسط الهندي بنات كثير ماشاءالله حملوا بالرغم التكيس ***التكيس لايمنع الحمل ولكن ممكن يؤخره بس***فأنتي اجتهدي بالاشياء الطبيعية عالاقل 3شهورمتواصلة بدون توقف والجئي لمن يسمع كلامنا ويرانا اينما كنا ويعلم حوائجنا سبحانه ما اكرمه وماالطفه...يارب ارزقني واخواتي في الله وكل متمنية الحمل بالذرية الصالحة عاجلا غير اجلا

رد: كل دكتوره تعطيني كلام وانا تلخبطت تكفون ساعدوني يا اخواتي
 

الله يجزاك خير ياقلبي ويسعدك ماقصرتي وعسى ربي يرزقنا مانتمنى ياكريم

رد: كل دكتوره تعطيني كلام وانا تلخبطت تكفون ساعدوني يا اخواتي
 

معليش طبيبتك الأولى ماعندها سالفة لأنها أعطتك جرعات كبيرة ومابينها فترة راحة
التكيسات زادت عندك بسبب المنشطات اللي تاخذينها بشكل شهري وكلها منشطات قوية .

حبيبتي بما أن لك(3) سنوات ماحملتي حتى مع التنشيط مافادت بالعقل لازم أشعة الصبغة وهي اللي تبين وضع الأرحام والأنابيب وتكشفلك سبب تأخر الحمل، إذا الانابيب مسدودة تعالجه وتفتحه بنفس الوقت لأن سلامة الأنبوب جداً مهمة عشان يوصل الحيوان المنوي للبويضة ويحصل التلقيح بعدها تنزل للرحم عشان تمسك بجدار الرحم ويحصل الحمل بإنذ الله وطبعاً أذا الانابيب مسدودة مافيه تلقيح.

حاجة ثانية حتى لو صار عندك نشاط بالمبيض والانبوب مسكر وش يصير بالبويضة تنتظر للما تتلقح وإذا ماتلقحت تتحول إلى كيس على المبيض!

وكما تبين إذا عندك مشكلة في الارحام سواءً إلتصاقات، زوائد لحمية أو حتى أورام وهذي كلها تعيق الحمل حتى لو صار الحمل والرحم فيه شي مايتم الحمل سبحان الله.

شفتي وش أهمية أشعة الصبغة الحين.

نصيحتي ريحي نفسك وفكرك أولاً والشهر القادم روحي لمستشفى وليس مستوصف( عشان ماتجلس كل طبيبة تتفلسف عليك) أنا زيك متزوجة لي(3) سنوات ونصف وماغير يعطوني بذا المنشطات وأدوية الأكياس طبعاً اللي عندي أكياس تنزل مع الدورة بس من ثوارتهم كانو يعطوني أدوية لها،

لحد ماطفشت وتعبت نفسياً وقلت الطبيبات الحريم ماعندهم سالفة وربي هههههههههه لاتلوموني كو وحدة رحت لها، ورحت للدكتور بقنة في الحبيب وقررلي أسوي أشعة الصبغة وكانت النتيجة( الانابيب مسدودة، وشاك إن عندي إلتصاقات) بس راح تبين بعد المنظار إن شاء الله.

نصيحتي ياحبيتي توكلي على وسويها لانه لازم تتطمني على سلامة رحمك والانابيب عندك

رد: كل دكتوره تعطيني كلام وانا تلخبطت تكفون ساعدوني يا اخواتي
 

عندي أضافة
بالنسبة للخلطة اللي ذكرتها الاخت ممتازة مرة وتنظم الهرمونات وتزيد نسبة الخصوبة سواء للرجل والمراة.

بس القسط اللي سمعتته يقولون اللي موجود عندنا والسائد هو المغشوش، وحتى جابر القحطاني يقول ويحذر من أخذ الشعبيات الا بمقادير خاصة ومن شخص مختص ، بالنسبة لي جلست سنة كاملة معتمدة على الشعبيات بس لاحظت إن الاكياس ماتروح ! لاني كنت أكشف وكانت تزيد.

وقفتها شهرين الحمدلله راحت الكياس، ولما أخذتها رجعتلي الاكياس !!

الاكياس تجيني من المنشطات والادوية الشعبية فإنتي قبل لاتاخذي شي شعبي تأكدي أنه مايكون مغشوش أولاً وإذا حسيتي بنتائج عكسية بأول شهرين وقفيها.

رد: كل دكتوره تعطيني كلام وانا تلخبطت تكفون ساعدوني يا اخواتي
 

حبيبتي انا مثلك تكيس مبيض بسبب منشطات والبر التفجيرية والان وقفت كل شيء وباخد علاج جديد في تكيسات علاج امريكي وكله عبارة عن فيتامينات وطبيعي ما فيه اي ضرر ونتائجة كويسه وهذا جديد ما دري تم توزيعه في عالم العربي كله ام لا لكن بليبيا هو موجود اسمه w.f.s plus علاج جديد للتكيس اسألي عليه نتائجه مذهله وبالنسبة للعقم عند الرجل اسمه m.f.s plus روعة والله

رد: كل دكتوره تعطيني كلام وانا تلخبطت تكفون ساعدوني يا اخواتي
 

الله يعطيكم العافيه ع الردود بس انا الحين قلت بوقف كل شي لمده شهرين بشوف برتاح شوي لان تخيلو نفسيتي مع العلاجات والابر مره تعبانه وصايره ماتحمل وعصبيه مره بس اكل الحين علاج التكيس جلوكوفاج وبشوف بس بشوف التبويض وماراح اخذ اي شي ثاني وبشوف التكيس اذا خف فراح استعمل التنشيط واذا ماخف بسوي الصبغه انا كذا فكرت وش رايكم

رد: كل دكتوره تعطيني كلام وانا تلخبطت تكفون ساعدوني يا اخواتي
 

بالعكس الصبغة لك مهمه لانك ماحملت منقبل
مثل ماقالت الاخت المفروض بعد المنشطات شهر ماحملتي علي طول تتاكد من سلامة الانابيب
استخير واذا طلعت كويسة اعملها واتكل علي الرحمن لان في ناس بس يسونها الصبغة علي طول يحملون
انا منطلبتها من الدكوتر قالت انت ماتحتجينها لانك حملتي من قبل
ورحت دكتور ثاني وعملتها بس الحمد لله سليمة بس هم ماحملت
دعواتك لي بالحمل السليم

رد: كل دكتوره تعطيني كلام وانا تلخبطت تكفون ساعدوني يا اخواتي
 

ياقلبي الله يرزقنا وكل محرومه بالحمل السليم المعافا ياكريم خلاص ان شاء الله بتكل ع الله واسويها