منتديات حوامل النسائية - موضوع جميل وجديد ومفيد للحوامل كلهم

السلام عليكم
من خلال قرائتي لمواضيع كل العضوات هنا لقيت كتير منها متكرر وكتير بيسالو نفس الاسئله
قعدت افكر كتير اوي وقلت اجمع اكبر عدد من المعلومات ونتكلم فيها مع بعض واكتر الاسئله الشائعه واللي لحظتها خصوصا للي قربو يولدو بالسلامه
طيب تعالو نبتدي من اول الحمل
والسؤال المكرر دايما
1-ازاي اعرف اني حامل قبل معاد الدوره ؟
الاجابة: الطريقة السليمة هو انك تنتظري بعد تاخير الدوره اسبوع علي الاقل وتعملي تحليل دم كل لما تتاخري في التحليل هرمون الحمل بيبان اكتر واهم شيء لزم تهدي اعصابك عشان تعدي المرحله الصعبه دي ..
2- مبروك حامل الحمدلله طيب المغص زي بتاع الدوره ووجع في الصدر؟
الاجابة:المغص دا تجميع الدم زي ما بيقولو وكمان بيكبر البيبي وفي فترة ال3شهور الاولي لزم تمنعي اي مجهود وتاخدي فوليك اسد وفي بعض الحوامل بيحتاجو ياخدو مثبت للحمل وفي الفترة دي بتبقي الحامل في اسواء حالتها النفسية
طيب وجع الصدر دا ليه ؟
عشان بتبدا الغدد اللبنيه اللي بتفرز اللبن بعملها وبيبقي الوجع رهيب معلش استحملي عشان البيبي
السؤال بقي اللي بيتكرر كتير
انا حامل ونزل نقط دم او بقعة دم وقطع؟
الدم دا بيسمي اجهاض منذر ويلزمك الراحة وتاخدي جرعات مكثفة من مثبتات الحمل
3-الحمد لله بدأتي الشهر الرابع وحتي السادس
من الشهر الرابع للسادس دي مرحلة الراحة من القلق وهتبدئي تاخدي الكالسيوم والحديد وبطنك هتداء تبان وتظهر وتوسعي ملابسك وتقللي من لبس الملابس الضيقة والبناطيل
السؤال المتكرر
امتي احس بحركة البيبي؟
الاجابة:البيبي ليه حركات منها اللي ممكن تحسي بيها ومنها اللي مش هتحسي بيها وكل لما تاكلي وتتغذي كويس ابنك يكبر والحركة تبان اكتر وغالبا معظم السيدات بيحسو بالحركة من الاسبوع الاول للثالث من الشهر الرابع في اول حمل اما الحمل الثاني بتكون ميزت الحركة وتحس بيها قبل كدا

المرحله الاخيرة وهي من الشهر السابع للتاسع
تعالي بقي للتغيرات كل اسبوع بطنك وجسمك كلو بيتغير شكلو حتي وشك هيتغير ومن دلوقتي تلبسي واسع وفضفاض علي اد ماتقدري لسه مشيين علي الكالسيوم والحديد حركة البيبي اقوي بيلف ويفضل راكن شوية في جزء من بطنكوتحسي كانو بيزقك برجلو او براسو الحتية اللي تلاقيها شدة كدا طبطبي عليها ودلكيها بشويش هتلاقي ارتاح وخد وضع عادي لايؤلمك
اوقات نروح نعمل السونار نلاقي المشيمة تحت البيبي او نزلة شوية في الوقت دا لزم نريح نفسنا من اي مجهود لحد ما البيبي يلف ويغير وضعو وتتحرك المشيمة من مكنها
في كتير من بيفاجو بالولادة المبكرة يعني البيبي يتولد في الشهر السابع او الثامن ودي بقت كتير وبسمع عنها كتير وبيبقي لزم البيبي يدخل الحضانة ليكتمل نمو ويكمل الجهاز التنفسي ليه
وأحب اقولكم ان الولادة المبكرةمش شرط تبقي بطلق والرحم يفتح
طب تعرفي منين انها ولادة
1-قبلها تلاقي بطنك نزلت من تحت الصدر وحجمها قل
2-تحسي بحاجة سخونة في بطنك وهي المياه بتاعت البيبي
3-نزول مية البيبي ودي ميه تلاقيه دافية اوي وشفافة وفيها لزوجة لحد ما يعني مظفلطة وتندفع وتبقي بكميات كبيرة
4-نزول نقطة دم ودي اخر علامة تشوفيها عشان تتاكدي من انها الولادة
واول ماتلاقي الميه دي تاخدي دش وتحطي اي فوطة صحية وتخد شنطة البيبي ومسلزماتك وتتوكلي علي الله وتولدي بالسلامة
وزي مافي ناس بتولد في السابع بردو في ناس بتولد في الثامن ومتفرقش كتير غير ان كل لما البيبي بيعيش جو الرحم اطول وقت لما بيتولد ما يحتاج للحضانة او مايبقاش في قلق عليه

طب والمشي والتفاسيح بتاعت الولادة والعلاقة الزوجية
نتكلم عن كل نقطة لوحدها النساء اللي بيكملو الشهر التاسع او بيوصلو لأول التاسع والطبيب محدد ليهم ولادة طبيعية بيطلب منها تمشي ساعة كل يوم
طب ليه المشي هقولكم ليه ا المشي من الرياضة للحوض وانها بتساعد علي ان عنق الرحم يفتح تسهيل لولادة
طيب ايه هي التفاسيح دي بتبقي زي مغص البريوت بيجي علي فترات متباعدة والستات بتوع زمان بيقولو البيبي بيلم حاجاتو عشان ينزل وبياخد وضع الولادة
طيب ايه دور العلاقة الزوجية
هنا بقي اقولكم ان كثرتة هذه العمليه بصفة يومية بتساعد وبشكل كبير علي تهئة المكان للولادة
يارب اكون عرفت افدكم بمعلوماتي اتمني ان الموضوع يتثبت لكي تعم الفائدة