منتديات حوامل النسائية - خايفة البيريود ما تجيش زي المره اللي فاتت :(

http://forum.hwaml.com/imgcache2/hwa...181227_708.gif

صباح الخيرات يا بنات
معلش انا عارفة اني عماله اعمل مواضيع بس والله ماليش حد اسأله غيركو خصوصاً اني في الغربة ومش بحب اقول لماما عشان هي بتقلق عليا عشان انا بعيده عنها ... فماليش غيركو معلش استحملوني وربنا يجازيكو خير ويرزقكو الذرية الصالحة السليمة المعافاة ياااااااارب

دلوقتي انا قلقانه مووووووت ... وحاسه اني بقيت موسوسه ..... كنت كتبت موضوع قبل كده ان يوم 23 /11 نزلت 3 نقط بنية فاتحه مايله للصفار وانا البيريود بتاعتي منتظمة والمفروض انها كانت تيجي يوم 27 بس لحد انهارده ماجتش .... انا شهر 6/ 2012 ماجتليش من غير سبب وكشفت وعملت كل التحاليل وكانت سليمة فالدكتور قال يمكن عشان شهر قبليها اخدت منشط تبع دكتوره تانيه وده عملي لخبطة .

انا ما اخدتش منشطات تاني من ساعتها ولا اي حاجة والشهر اللي فات عملت كل التحاليل حتي الاشعة بالصبغة وكله طلع تمام بس البويضة ماكنتش كبيره في اليوم ال11 للبيريود فالدكتور قالي ناخد منشطات الشهر ده .... انا مستنيه البيريود تيجي بفروغ الصبر بس خايفة يحصل تاني زي اللي حصل المره اللي فاتت وماتجيش من غير سبب .... مش عارفه اعمل ايه بجد وخايفة ليكون في حاجة ... مع العلم انا معنديش اعراض حمل واضحة كده كل اللي عندي اعراض ممكن تكون حاجات عابره يعني .... بحس ان معدتي مقلوبه كده ... وبنام كتييييييير اوي بجد وده جوزي لاحظه ... وعلي طول جعانه وبفكر في الاكل بشكل غريب كأني مفجوعه :( وبفكر في اكلات غريبه مش حلقيها غير في مصر ... وعلي طول مصدعة وحاسه اني مكسره كده وهمدانه ...... اللي بقوله ده ممكن يكون اعراض برد عشان انا البرد بيجي معايا بالاعراض دي ... وده اللي مخليني مش شاكه اني حامل الحقيقه

انا اسفه اني طولت عليكو بس معلش انتو زي اخواتي والله ..... فيدوني اعمل ايه؟؟؟