منتديات حوامل النسائية - تجربتي مع الأناناس وعين الجمل في تنشيط التبويض

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

تجربتي مع الأناناس وعين الجمل في تنشيط التبويض

مساء الخير

بنات انا كتبت تجربة حملي الشبه مستحيله ولامستحيل وقنوط من رحمة الله
الحمدله دائما وأبدآ

كانت دورتي طويله مدتها 33 يوم واحيانآ 34 يوم وكنت كل ماتابعت التبويض
تصدمني الطبيبه ان حجم البويضه صغير باليوم العاشر وتعطيني موعد الشهر اللي بعده

ومو فاهمه ان دورتي طويله وطبيعي يتأخر التبويض وهذا اللي فهمته من نفسي
من خلال قرائتي عن حالتي

وفعلا اخررر شهر رحت اتابع
وطلع حجم البويضه باليوم ال 11 من الدوره 12 ونص
(على ماأذكر ) المهم اني تجاهلت احباط الطبيبه لي وتميت على الاناناس والمكسرات وخاصه عين الجمل وخلطة وادي النحل للعسل
ورجعت الاسبوع اللي بعده اشوف حجمها طلعت تنمو الحمدلله وماتوقف نموها زي مافهمتني هي والطبيبه اللي قبلها
ووصلت ل17 وحملت ذاك الشهر بفضل الله

الفائده اللي حبيت افهمك يابنات ان اللي دورتها مثلي طويله طبيعي يتأخر تبويضها
ونمو البويضات

الشيء الثاني والمهم ان الله نفعني بالأناناس وعين الجمل والعسل
لان طلع لي 3 بويضات اثنين من مبيض حجمهم 16 ووحده من المبيض الثاني بحجم 17
وكان ممكن احمل بتوأم بس مشيئة الله حملت بولدي الله يخليه لي

وطريقتي بالاناناس أشتريت 3حبات وقطعتهم وفرزتهم بحيث قسمت كل وجبه بعلبه
حتى مايخرب كل ماطلعته واخذت منه وكان ايامها صيف وتثليجه لذيذ

وكل مااشتهيت بارد اخذ علبه او كيس من الوجبات

وكل ماجلست على الأنترنت اجيب المكسرات وعين الجمل وآكل منهم

ترا اخذت مكسرات غير مملحه عاد انتم وذوقكم

وكمان جبت ربع كيلو عين جمل وطحنتها وصرت كل صبح اشرب كوب حليب مخلوط
بملعقة عين جمل وآكل ملعقة من العسل المخلوط بغذاء الملكات علبتين + حبوب اللقاح + طلع النخيل + حبه سوداء
ومو شرط على الريق بس افضل للفائده

والحمدلله تعدلت هرموناتي وصار التبويض عندي تماااااام والبويضات ناضجات

وهالشي ترا جلست عليه ثلاث شهور الشهرين الاولات ماكنت ملتزمه بهالنظام
بس الشهر اللي حملت فيه كنت مجتهده ومتواصله واخذت كمان الدفستون شهرين من اليوم العاشر للدوره لين موعد الدوره الجايه لان من خصائصه يقوي بطانة الرحم حتى تلتصق فيها البويضه الملقحه وتثبت

اتمنى اكون استفدوت من تجربتي الله يرزق كل من دخلت هنا عاجلا غير آجل
يارب العالمين

لاتنسوني من دعائكم
أسئل الله العظيم أن يرزقني التوأم ويقر عيني بهم