منتديات حوامل النسائية - علاج الربو نهائيا باذن الله

منتديات حوامل النسائية (https://naqatube.com/index.php)

- منتدى الصحة الغذائية والطب البديل (https://naqatube.com/forumdisplay.php?f=53)

- - علاج الربو نهائيا باذن الله (https://naqatube.com/showthread.php?t=200817)

علاج الربو نهائيا باذن الله

بســـًم الله الرحـمــن الرحيــــــــــــــــــــم
السلام عليكم ورحمة الله وباكاته
كيفكم خواتي بدون كثر كلام بادخل في الموضوع مباشره
مع دخول البرد والشتاء وكثر الامراض والبذات الربو جبت لكم عشبه مجربه
وباذن الواحد الاحد انها تعالج الربو نهائي وجربنها على امي الله يطول بعمرها
بعد ماعانت اكثر من تسع سنين من الربو ويوم من الايام جتنا حرمه الله يجزاها خير اعطتنا عشبه
والله استخدمتها امي والحمد لله تعافت من الربو وراح منها بلا رجعه ماشاء الله
تبارك الله والله ان المستشفى قالو اشرو لها
اسطوانه اكسجين لانه البخاخات مع تنفع معها والله العظيم انها من بعد ماستخدمتها
ماعاد تعبت صارت ماشاء الله تبخر
وتتعطر وتشب الحطب واذا جاء الغبار مع تتاثر ومن اول كانت تموت علينا ماننقلها
الا شايلينها عشان تاخذ اكسجين المهم انا قلت باعطيكم هذي العشبه ولنزلها هنا عشان
الكل يستفيد ومابغى منكم غير انكم تدعون لي ولوالدي وزوجي ووالدي ززوحي الله يرحمهم
وعيالي وان الله ييسر
امورنا ويحقق اللي في بالي
اول شي قبل انزل الصوره باعطيكم طريقة استعمالها لازم تتبعون الطريقه صح وباذن الله
ترتحون من مرض الربو نهائيا
اللي نستخدمها هي الاوراق فقط ولا تستخدمون العشبه الا وانتم تعبانيين يعني من يوم
يجيك الربو تستخدمينها ولاتتركين علاجك استخدمي علاجك والعشبه عادي ماياثر
المهم تاخذين على الريق من ثلاث الى خمس ورقات والعصر ثلاث ورقات وقبل النوم ثلاث
ورقات واذا زادت عليك الكتمه خذي مجموعه من الورق واطبخيها في قدر واستنشقي البخار
حطي المنشفه طبعا عشان تستفيدين وتشربين من نفس المويه فنجان شاي بس وترا طعمها مر وحار
هذي طريقة امي والحمد لله حمدا كثير والله يمد في عمرها ويعطيها الصحه والعافيه
ولاتكثرون منها لان الشي لوزاد عن حده ينقلب ضده انتبهو كل اللي استخدموها بنفس الطريقه
لازادو لا نقصو وامي استخدمتها تقريبا من اسبوع الى عشر ايام بس والحمد لله تحسنت
وكثيرين استخدموها والله انهم تعافو من الربو نهائيا وكانهم ماكانو يعنون منه اول
وبس والله يجعلها صدقه عني وعن والدي واهل زوجي وزوجي واولادي
وانا احطها في ذمتكم اللي تستخدمها وتنفع معها وتتعافى تقول تجربتها عشان غيرها يستفيد
واسمها( اللصف ) هذا الاسم قالته لنا الحرمه اللي جابتها ويمكن يكون لها اسم ثاني بس ماعرفه
وهي تنوجد في الجبال وانا اعرف انها تنوجد في الجنوب
وفي الرياض في وادي لبن اوظهرة لبن نسيت اسمه *وعلى فكر الورقه يجي في اعلاها شوكه شيلي الشوك
وكليها والعشبه كها شوك انتبهو تجرحكم واي سوال انا حاضره باللي اقدر عليه

وهذي الصوره
http://forum.hwaml.com/attachment.ph...1&d=1354045747

http://forum.hwaml.com/attachment.ph...1&d=1354045747