منتديات حوامل النسائية - قصة ولادتي + قصة انفكاك الخياطه + نصائحي لكم

بنات منتدى حوامل الرااااائع
السلام عليكم ورحمة الله وبركاته

اولا اسئل الله العلي القدير ان يسهل ولادتكن ياحبيباتي
واللي ولدت وخلصت اسئله يهون عليها نفاسها ويسعد قلبها
واللي لسا مارزقها الله ان شااااءالله يرزقها بأقرب وقتوالله اني قريت تعلقاتكن على قصة حملي بعدما كانو يسموني من وراي بالعقيم ودعيت لكل وحده بأسمها

من اول ماولدت وانا افكر بكتابة تجربتي الشخصيه لكم خاصه اني بكريه
وعارفه زين ان البكريات الان حايسات ومرعوبات ومن موضوع لموضوع
يقرأون عن الولاده

تعالووو اقولكم شيء مهم عن الولاده
انا اولا لاني بكريه قالو طبيعي تدخلين العاشر وتتأخر ولادتك وفعلا
جلست اسبوع ونص ولو مارحت للمستشفى وولدتني الطبيبه بالطلق الصناعي
كان كملت العاشر بالراحه

اولا لاتصدقون اللي يخوفونكم بألم الولاده ويسوون دراما عليكم
الحمدلله انا دخلت الطواري ومنه للقسم وانا مستعده لأي ألم وكنت اقول
لنفسي كل نساء العالم يولدون ولاماتو ولاصار فيهم شيء وراح اتحمل
الوجع
وجلست اشجع نفسي والحمدلله
الخطأ اللي حصل معي ان الطبيبه اللي مسكت حالتي صارت تعطيني تحاميل
الطلق على نص نص
وهذا علشان يلين عنق الرحم ويتوسع لاني سبحان الله كان مغلق وقاسي
بس طالت المده وثاني يوم الظهر انفك وانفتح كيس ماء الجنين وانهبلت خفت على الطفل وقعدت انادي كل شوي على الطبيبه وهي تقول تطمني الان نتابع نبضاته وبعد انفكاك الماء بتجيك طلوق طبيعيه
في نفس اليله مسكت غرفة الولاده والقسم طبيبه باكستانيه شاطره ويوم عرفت انه انفك الماء
اعطتني تحميله كامله وقالت انتي بكريه وطبيعي يصير كذا مع عنق الرحم
والفجر ان شاءالله اكون ولدتك
اول رفضت وحبيت اكمل على نص تحميله بس قعدت تقنعني الله يجزاها كل خير والله انها عملت فيني معروف
وفعلا ششششششدت معي الطلوق بعد نص ساعه وقعدت ادعي واستغفر كل ماجتني الطلقه
ونصيحه يابنات لاتصارخووون واستغلو الطلقه بالدفع والدعاء
انا تراني حييييل مااتحمل بس والله فاجئت امي بهدوئي وكنت اتشهد
وادعي واحاول اركز عقلي على شيء او موضوع واتخيل اي شيئ
بس اشتت تركيزي عن ألم الطلقه لين تعدي ونجح معي الموضوع
hwaml7 تراها اكتشاف نفسي قرأته اثناء بحثي عن مسهلات الولاده

دخلت الكشك الساعه 1 وولدت الساعه 4 ونص ولله الحمد والمنه
الألم قوي بس ينتحمل واثناء الولاده خلتني امسك افخاذي بيديني وادفع
وهذا ساعدني على سرعة الولاده مع ان المويه نزلت من الظهر بدري والمجرى شبه
ناشف بس الله تعالى سهل طلوعه

طبعا حتى اسرع الولاده ايام اكتمال الشهر التاسع ماخليت شيء
ماأكلته
الا المشي صراحه كنت امشي قليل

الخياطه طبعا عذبتني وياااااحليل الولاده عندها

جلست اعاني لين الاربعين والسبب اني اثناء الخياطه صار معاي
نزيف وكانت الطبيبه ماتعرف مصدره وفكت الغرز ورجعت تخيط
بنفس الوقت وخيطتني من كل جهه داخليا حتى تظمن تسكير النزف اللي ماتدري
من وين بس بعدييييين جلست اعاني من المخايط الداخليه لانه ماذابت
وهم يقولون بعد عشرين يوم تذوب
والله اني اضطريت اروح لمستوصف خاص واشيلها كلها حتى الطبيبه
انفجعت تقول وليش كل هذا وقلت لها اني نزفت والطبيبه خاطت كل جهه
وارتحت رااااح بعدما شلتها
يالله

بالنسبه للعنايه بالجرح :

اولا حابه اقولكم ان غرزه انفكت منهم بالعشرين ومن عطسه : (

ماابي اخوفكن بس لازم اقولكن كل شيء وانصحكم

انفكت الغرزه لاني ماكنت أتغذى زين
ماكان الجرح ملتأم

بحكم اني جالسه عند امي وزوجة اخوي الشكوى لله جلست اعاني
من هالمسئله واكيد فاهمات كيف الوضع

وإرتعبت ورحت للطواري
وقال الطبيب المناوب بسيطه وراح تلتأم بس عجزت اتطمن ولانمت
لين رحت ثاني يوم لطبيبه بخاص وقالت انتظري اسبوع ان ماإلتئمت اخيطك ولاتقلقين
وحافظي ع البيتادين والفيوسدين ورفضت استخدم كريم ميبو
وانا إلتزمت ورحت اخذت من الصيدليه فيتامين C وفيتامين A وحاولت احسن اكلي
بس الخوف ماسك رجليني

تصدقون حطيت قريب مني خبز توست بر وكرتون كب كيك لوزين
وعسل مخلوط حبوب القاح وغذاء الملكات وحبه سوداء
وحليب السعوديه
اكل خبز التوست بالعسل اذا جوعت واشرب حليب السعوديه
وش اسوي هذا اللي اقدر عليه
لين تصحي زوجة اخوي وتسوي الفطور

والحمدلله إلتئمت

ولااشرب الا حلب مع الحليب
انسى باقي الاعشاب

بس جابت لي خالتي تمر معجون بحلب ومحلب وكمون وفلفل اسود وشوي قرفه
ورشاد واحس نفعتني كثير
لان الدم وقف من عشر ايام النفاس والخلطه هذي رجعته وكأنها تنظف الرحم

استخدمت للجرح :

كريم فيوسدين اللي من الصيدليه مو حق المستشفى ترا ماينفع
+
البيتادين كمطهر
اشتريت اللي على شكل مرش يعني ترشي منه على الجرح بعدما تغسلينه

بعدين تجففي كوووووويس بالمناديل الرول الكبيره مو اي مناديل

انا اشتريتها من الصيدليه برضو

بعد ماتجففي الجرح تحطي الكريم

ماأستخدمت اي شيء ثاااااااني

واعتقد والعلم عند الله ان كريم ميبو ماينفع من بداية العلاج
اظن نفعه بعد العشرين يوم مو بالاول

والحمدلله مع مواظبتي على هالطريقه إلتأم الجرح والغرزه اللي انفكت

كان بالسطح وجلست تشرح لي الطبيبه انه مع الفيتامينات والغذاء والتعقيم
راح يطيب وفعلا الحمدلله

انا طبعا ماتركت الكالسيوم والفيتامينات وصرت اخلط فيتامين c من العصير
لاني مااحب طعمه ومااااازلت مع العسل طبعا

عانيت من ألم ظهري وهذا طبيعي من نقص الكالسيوم بس الان تم لي شهرين ونص والده والحمممممممدلله راح ألم ظهري وتعدلت مشيتي هههههه

سامحوني طولت عليكم بس ان شاءالله اكون افدتكم خاصه البكريات واي سؤال
انا جاهزه

هذي مواضيعي اللي كتبتها ايام ولادتي
ونفاسي بمعرف اسمهان الله يجزاها خير

ولدت كرومي بعد انغلاق الرحم وانفكت غرزه من خياطتي !!
http://forum.hwaml.com/t184279.html

حملت بمنشطات ودخلت العاشر بعذااااب تكفون انصحوني
http://forum.hwaml.com/t179944.html

دعواتكم لي تكفون بنات
محتاجه لقلوب صادقه تدعي لي