|
الدورة خفيفة ومالها رائحة....شو يعني؟
مرحبا اخواتي الحبيبات
حبيت استفسر بخصوص الدورة صار لي شهرين الدورة تجيني بس يومين ومالها رائحة وتكون كمية الدم اقل عن المعتاد (عذرا على الوصف ) ابصراحة احس بحيرة رغم اني موقفة المنشطات والابر والكلوميد من قبل رمضان ونزلت علي عادي بعد ما وقفت كورس الكلوميد الا الشهرين هالشهر والشهر اللي قبله احسها غريبة الشهر الماضي تأخرت دورتي يومين وعملت تحليل بول وطلع سلبي وبعدها بيوم نزلت الدورة بس استمرت يومين يعني في اليوم الاول نزلت عادي بس بدون رائحة وكمية الدم اقل عن كل مرة واليوم الثاني كانت قليلة وثالث يوم ما كنت اشوف اي شي في الفوطة الااذا مسحت بمديل احصل شوية دم (أسف على الوصف بس عشان اوصل لكم الفكرة) وهالشهر نفس الشي تكرر معي والحين انا في اليوم الثاني من الدورة واحسها موب طبيعية عملت تحليل بول- وانتو بكرامة- استعملت تحليل كلير بلو لما تأخرت الدورة وكل مرة يطلع سلبي صار لي سنة ونص تقريبا متزوجة ولا حملت،، كان عندي تليف في الرحم وعملت عملية جراحية وشالوه هالكلام صار من سنة تقريبا والدكتورة قالت لازم احمل قبل ما اكمل سنة على العملية عشان الحمل يعتبر علاج للتليف واذا ما حملت احتمال يرجع ابصراحة خايفة يكون رجع لي التليف بس انا لما كان معاي التليف كانت الدورة ثقيلة وتم 9 الى 10 ايام موب مثل الحين هل لازم اسوي تحليل دم؟ ابصراحة صار لي سنة اسوي تحليل دم وكله سلبي تحطمت نفسيتي وانا اشوف النتيجة سلبية كل مرة دعواتكم لي...يارب ارزقني واخواتي في المنتدى بالحمل السليم التام الثابت عاجلا غير آجلا يارب |
رد: الدورة خفيفة ومالها رائحة....شو يعني؟
حبيبتي
انا كنت مثلك لما كنت اخذ حبوب تنظيم الدورة وكانت مدتها ثلاث شهور كان دم الدورة جدا قليلة لدرجة اني كنت ما البس شي وتقعد معي ست ايام قعدت على هذا الحال ثلاث شهور ولما انتهيت من العلاج وفي الشهر اللي انتهيت فيه من العلاج رجعت الدورة بالامها وكثافتها حبيبتي ان شاء الله كل شي بيرجع طبيعي تطمني واذا مارجعت انصحك تروحي للمستشفى والله يكتبلك اللي فيه الخير |
رد: الدورة خفيفة ومالها رائحة....شو يعني؟
اقتباس:
مشكورة حبيبتي ابتسامة الامل على مرورج على موضوعي وعلى ردج اللي ريحني من جد كنت متحيرة وخايفة الله يكتب الخير والتوفيق لج ولي لجميع أخواتنا في المنتدى |
رد: الدورة خفيفة ومالها رائحة....شو يعني؟
أخواتي وينكم ممكن تردواوتعطوني رأيكم
حابة استفيد من خبراتكم أنا متزوجة من سنة ونص وكنت اعاني من تليف في الرحم وكان مكانه داخل الرحم في المكان اللي المفروض ينمو فيه الجنين اذا التصق بالرحم بس بسبب وجود التليف كنت اسقط الحمل وهو في الاسبوع الرابع ما يمديه يلصق بالرحم ويطيح ما يثبت ومرتين على هالحالة وخبروني انه السبب هو وجود التليف داخل الرحم وحجمه كبير 6.5 سم المهم انا لما شفت الحالة كذا على طول لما سقط الجنين للمرة الثانية وهو في الاسبوع الرابع قررنا انا وزوجي نروح المستشغى الامريكي في تايلاند وعملت العملية وشلت التليف والدكتورة اللي عملت العملية شاطرة وخبيرة والحمد لله حتى لما رجعت وفحصت في بلدنا بعد 3 شهور من العملية خبروني انها ناجحة والرحم مش متأثرة وان شاء الله أحمل المهم الدكتورة في تايلاند خبرتني انه لازم اصبر 3 شهور بعد العملية بدون حمل عشان الجرح اللي بالرحم يلتئم وعطتني حبوب منع حمل بس اني اعتمدت على المباعدة الطبيعية ومأخذت الحبوب والحمد لله ما صار حمل في ال 3 شهور بعد العملية هذا الكلام كان في نهاية شهر 9 السنة الماضية (اقصد العملية) وصبرت شهر 10 و11 و12 السنة الماضية ما حاولت احمل وبديت اهتم بسالفة الحمل من شهر 1 هالسنة اقصد 2012 رحت للدكتورة وخبرتها بسالفة التليف والعملية وكنت ايامها في ايام التبويض يعني تقريبا في اليوم ال 12 من الدورة وطلبت منها تشوف لي حجم البيويضة وكشفت عليها وحصلت حجمها مناسب جدا وعطتني ابرة تفجير وحددت لي وقت وساعة الجماعة ومشيت على كلامها وما صار حمل ونزلت الدورة هذاك الشهر والحمد لله على كل حال بعدها في شهر فبراير ما رحت اراجع لانه زوجي كان مسافرولا اخذت اي حبوب كلوميد ولا ابر ولا شي وحتى شهر مارس ولا ابريل مارحت لاني خفت من الحبوب والتنشيط وقلت يمكن تسرعت وخليني اجرب احمل طبيعي المهم زوجي ما كان موجود في ايام التبويض في شهر فبراير ولا مارس ولكن في شهر ابريل جاء وكانت محاولتنا بشكل طبيعي يوم لا ويوم ايه واستعملت جهاز كلير بلو حق الاباضة ولما ظهر لي الوجه المبتسم في الجهاز اشتغلنا انا وزوجي بس الله ما كتب لي احمل اذاك الشهر ونزلت الدورة رحت للدكتورة في شهر مايو وكنا متفقين انا وزوجي نجرب بالتنشيط عشانكان خاطرنا في تؤام وبديت كورس الكلوميد من ثاني يوم في الدورة ولمدة 5 ايام وابرة التنشيط في اليوم ال 7 من الدورة وفي اليوم ال 12 رحت عندها عشان ابرة التفجير وفحص البويضات وحصلت بويضتين حجمهم كويس وينفع للتلقيح بس الله ما أراد لي الحمل ونزلت الدورة وكنت مسافرة وما رحت عند الدكتورة عشان اخذ كورس الكلوميد وبكذا مر شهر يونيو وانا ما كملت العلاج رجعت لها شهر يوليو وبديت مرة ثانية نفس الكورس ونفس السالفة مرة ثانية والله ما كتب لي الحمل وكان هالشي قبل شهر رمضان ومن يومها ما مريت على الدكتورة لانه موعد دوامها تغير وصارت بس تداوم فترة الصباح وانا اشتغل في الصباح و مقدر اروح عندها في المستشفى كل مرة في هالمواعيد ثاني يوم الدورة ولا سابع يوم ولا في ايام التبويض ما اقدر استاذن من الدوام كل مرة عشان كذا ما تابعت العلاج معاها رحت عند دكتورة ثانية بس ماارتحت لها وبكذا وقفت محاولات الحمل بتؤام بس لين الحين الله ما كتب لي احمل ولا حتى بجنين واحد الله يكتب لي الخير يارب ولكم اخواتي اللي تتمنون الحمل وفي شهر 8 و9 نزلت الدورة عادية 5 ايام بالرغم اني كنت موقفة الكلوميد في شهر 7 بس اللي مستغربة منه انها في شهر 10 وهالشهر 11 جات يومين وخفيفة ومالها ريحة ابصراحة معرف شو المشكلة هل اروح افحص او لا اخاف الدورة ما قاعدة تنزل وتتجمع في الرحم او هل ممكن يكون حمل غزلاني؟ لانه اختي صار معاها كذا في ولدها البكر الدورة كانت تنزل معاها اول شهرين وهي ما تعرف انها حامل وكمان بنت خالتي 4 اشهر الدورة تنزل وهي حامل وماعندها خبر لين وصلت الشهر الرابع وبعدين عرفت انها حامل خبروني اخواتي هل خوفي في محله ولا السالفة عادية وما يحتاج افحص واصبر للشهر الياي واشوفها؟ ارجو الرد والتفاعل |
رد: الدورة خفيفة ومالها رائحة....شو يعني؟
أسأل الله العظيم رب العرش العظيم أن يرزقكي ذريةً طيبةً عاجلاً غير آجل
|
رد: الدورة خفيفة ومالها رائحة....شو يعني؟
اقتباس:
مشكورة حبيبتي سهام وعسى الله يستجيب لدعائك الله يثبت لج حملج ويرزقج اللي تتمنيه كله يارب ويبارك لك في ذريتج |
| الساعة الآن 06:18 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .