|
جهاز الاباضة( حيرني!)
بنوتات حبايبي
حيرني جهاز الاباضة انا دورتي مل 28 يوم والمفروض ابدا بالجهاز من اليوم 11 لكن بس شفت افرازات قليلة قلت بجربه بدات فيه من اليوم العاشر للدورة واعطاني هابي فيس(وصار جماع) واليوم الحادي عشر واعطاني كمان هابي فيس وخط اغمق من قبل اليوم فاجاني وحيرني اعطاني وجه بلا ملامح يعني ما في تبويض والخط مثل امس خفيف ما فهمت عنجد شو اللي صار؟! مع اني سويته بنفس الوقت والتزمت بالتعليمات وامس الساعة 10 المساء شعرت بالام التبويض نغز بالمبيض الايسر وزيادة افرازات لكن امس ما صار جماع لاني مقررة يوم اه يوم لاء صار لقاء باليوم السادس والثامن والعاشر للدورة واليوم ان شالله بصير ،، شو رايكم هل ممكن تبويضي انتهى بهالسرعة ؟؟؟ او بكرا ممكن الجهاز يرجع يعطيني نتيجة ايجابية الي مجربينه قبل بليز يخبروني لاني محتارة بكمل خطتي بالجماع او خلص التبويض وما بقى يفيد ! |
رد: جهاز الاباضة( حيرني!)
ممكن يكون الشريط هادا خربان جربي واحد تاني
وممكن يكون تبويضك كان بدري هادا الشهر بس انت كملي خطتك للجماع وماتوقفي والله يرزقنا |
رد: جهاز الاباضة( حيرني!)
اقتباس:
ابدا ما اتوقعتها المشكلة مضطرة استنى لبكرا واسويه بنفس الوقت لحتى يعطيني نتيجة سليمة شربكلي راسي اليوم ما فاهمة الي صار طيب اذا اتحررت البويضة امس خلااص ما بقى تفيد؟؟ ولا بصير حمل اذا اتحررت ؟ |
رد: جهاز الاباضة( حيرني!)
تبو .الصدق.احنا.جسمنا.وايد يحير.فيه شربكه(خخخخ)
يبيله صبر صراحه هالشي وقوة اراده وتحمل اذا الوحده خاطرها تحمل انا قبل عن اتزوج كنت افكر العمليه سهله مافيها تعقيد لكن الحين حسيت بالمعاناه ربك كريم يا صافو يمكن يكون الجهاز خرف انتي حاولي ولا تفكري وتيأسي انا اليوم لما سويت الاختبار وماطلع لي الهبي فيس قلت في خاطري يووووووه بدينا عااااااد بالتشأؤم لسه اليوم نقول يا هادي خخخخ اسفه طولت بالحكي بس حبيت اطري الجو ان شاء الله كل امورك تكون في السليم يااااارب |
رد: جهاز الاباضة( حيرني!)
هههههه معاكي حق حبيبتي فردوس
جنني هالجهاز اليوم لكن الظاهر اتححرت البويضة عندي بدري ونزلت سبحان الله فعلا التبويض ماله وقت حتى لو دورتك منتظمة وانا كل شهر احس بتحرير البويضة بيوم 11 من الدورة والساعة 10 مساء بنفس التوقيت سبحان الله وكنت فكر انه بدا عندي التبويض ! لكن اكتشفت انه يوم تحرير البويضة بس المشكلة خايفة ما تتلقح هالبويضة هههههه لانها بس تتحرر تبقى 12 او 24 ساعة بس صالحة للتلقيح هلاء بقولو سائل الرجل بيبقى يومين برحم المراة يعني اول امس صار جماع ممكن يكون لسه باقي يا رب الله كريم .. وانتي يا البي لا تتشائمي من اول يوم بكرا او بعده بيعطيكي هابي فيس ان شالله |
رد: جهاز الاباضة( حيرني!)
هلأ لما يعطيكي الجهاز نتيجه ايجابيه معناها انه البويضه رح تتحرر خلال 24 الى 48 ساعه
يعني احسبي من بعد النتيجه بيوم او يومين لحتى تطلع هالبويضه اللي حتجننا ههههه لو في اختراع اني امسك هالبويضه والقحها انا وارجعها دغري واخلص بقى هههههههههههه الله كريم ان شاء الله .. في شغله بدي قللك هي اذا كان الرجال عنده ضعف فالافضل يصير الجماع يوم ورا يوم بس اذا ما عنده ضعف فخليه يوميا يصير الجماع اذا بتقدري من بعد ما تطلع النتيجه تبعت التبويض ايجابيه واتوكلي على الله الله ما يضيع تعبك يارب |
رد: جهاز الاباضة( حيرني!)
نسيت قللك كمان في موقع كتيييييير حلو رح يساعدك بالايام اللي لازم يصير فيها الجماع
وبيعطيكي نسبة نجاح الحمل على هالاساس اذا بدك ابعتيلي عالخاص وبخبرك عنه |
رد: جهاز الاباضة( حيرني!)
طيب.حطي.الموقع.هناعشان.الكل. يستفيد
|
رد: جهاز الاباضة( حيرني!)
صافو اذا البويضه اتحررت لازم يتم جماع خلال 12ساعه
وعادي ممكن يكون حيوانات منويه باقيه من اخر جماع بس قوليلي انت افرزاتك شنو اخبارها لسه فيه ولا جفاف انا هالشهر بدات الافرازات من اليوم السابع الي اليوم 13 وده تقريبا جاني فيه شد فالمبايض يعني تحررت ومن اليوم 14 ماعاد في اي فرازات نهائيا |
رد: جهاز الاباضة( حيرني!)
اقتباس:
انا الحمدلله زوجي ما عنده مشاكل وسبق وجبنا اولاد وما في مشاكل جنسية ابدا بل العكس .. الجهاز اعطاني نتيجة ايجابية باليوم العاشر وصار جماع لكن امس ما صار وباليل يعني باليوم 11 من الدورة حسيت ب الم وثقل بالمبيض الايسر وزيادة افرازات واستمر معي للضهر ثاني يوم يعني يوم 12 وصار جماع.اليوم ...ما بعرف اذا لحقتها للبويضة هههه وبعدني لهلاء عندي وجع خفيف بضهري وافرازات يلا الي بكاتبه الله بصير الحمدلله على نعمته |
| الساعة الآن 04:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .