|
اهل زوجي !!
السلام عليكم
شلونكم بنات عندي مشكلة وباخذ رايكم الي سويته غلط ولا لا لي متزوجة سنه وشوي وعندي بنت الله يحفظها اهل زوجي ماعندهم الا هو مقتدر عشان يعيلهم واخوانه الثلاث اكبر منه عاطلين واخواته 2 كبار مو متزوجات وامه وابوه بيتهم صغير جدا واحنا ساكنين بمنطقة غير الي هم فيها بس تخيلو ان العزبة كل شهر 1500 ريال اخوه العاطل الاكبر ماخذ له سيارة قرض ب 70 الف ريال واخوه الثاني كل يوم يبي كمبيوترات وجوالات واخته كذالك رحنا الحج ذي السنه خمهم معانا كلفته حول50 الف ريال وبنفس السنه سافرنا برضو وخذهم معانا حول 25 الف. . السفرة الوحيدة لحالنا هي شهر العسل تتتتتتعبت منهم لاعت كبدي ميب حالة معاهممن يجي طاريهم ولا اتصال منهم لازم وراها زعله الموهيم اني كتبت له مجلد كامل بالي خاطري فيع ووجهة نظري في اهله ومصاريفهم وارسلته خايفة من ردت الفعل الصراحة انتو شرايكم هل يستدعي الموضضوع اني افتحه معاه والله حرام محنا عايشين حياتنا زي مانبي مخاسير مخاسير شيرو علي |
رد: اهل زوجي !!
شوفي يالغاليه المفروض تفرحين بالي يسويه زوجك الي مافيه خير لاهله مافيه خير لبنت الناس...
حرام عليك بدل ماتساعدينه تزيدينها عليه هذولي اهله واذا هو مقتدر مافيها شي يصرف عليهم يمكن ربي يزيد برزقه بسسب صرفه ع اهله ... اذا هو مقصر عليك وعلى بنتك اقول معك حق بس مو مقصر عليك ... وان شاء الله بكرا يتوضفوا اخوانه ويتزوجو خواته ويصير كل الي تعيشينه الحين مجرد سوالف... اصبري عليه اذا هو يعاملك زين ولا هو مقصر بحقك .. والله يفرجها عليك ويرزقكم بالرزق الحلال |
رد: اهل زوجي !!
ماشاءالله المستحيله ماخلت لي شيء
اتمنى ليكي الحياه السعيده .. اختك لمار |
رد: اهل زوجي !!
طيب أخواته وأمه وأبوه مجبور فيهم**
بس ماقلتيلنا أخوانه شفيهم..؟؟ مرضى..معاقين..في شي يمنعهم مايتوضفون.؟ إذا لا مو من حق أخوانه يطالبونه بالمصروف...ومو لازم يتكلف أكثر من طاقته** المهم إنتي لاتحطين نفسك بوجه المدفع وتصيرين بجبهة مع زوجك** خليك ذراعه اليمين >>>مثل المستشار المالي وإنصحيه بالشي إللي فصالحه من غير ضغوط** حتى لو مامشى معاك بشورك **إتركيه للزمن يعلمه** والله يصلحكم ويهديكم...... |
رد: اهل زوجي !!
والله شقولكم
انا ماعندي مشكلة يصرف عليهم بمأكل ومشرب بس اخوانه بعد عاطلين باطلين ويتطلبون اجهزة وجوالات وسيارات والله شي يقهر يا ام اصيل اخوانهىمافيهم الا العافية بس مافيه شهادات ومايبون يتوظفون الا على مكتب زوجي مقتدر لحد ما يعني مب قاعد على بنك الراجحي شوفي هالحين مفلس ماغير الف ريال وينتظر ينزل الراتب !!! |
رد: اهل زوجي !!
بالنسبة الي بنصحك انو ما تدخلي بمصاريف زوجك لأهلو خاصة ازا كان مو مقصر عليكي بشي
بس معك حق انو تنزعجي بانو كل سفرة لازم معكم بس احمدي ربك و شكريه انو ساكنة لحالك و الك حياتك الخاصة غيرك ساكنين مع اهل زوجن و شايفين نجوم الظهر و ساكتين |
رد: اهل زوجي !!
أنا رأيي من رأي ام أصيل
أمه و أبوه على العين و الراس خواته ما لهم أحد يصرف عليهم قلنا ما عليه بس اخوانه ليش ما يتوظفون و يشاركون في المصروف و ما عندهم شهادات و يبون مكاتب و يتطلبون سيارات و جوالات و لابتوبات شنو هالاحساس المعدوم ان شاء الله اذا بيتزوجون بعد بيتكفل بحريمهم و عيالهم شوفي أنا أقولك كلام الحق و يمكن ما يعجب الناس بس الحق ما يزعل طالما هم رجال و قوتهم عندهم يروحون يشتغلون بدل ما هم قاعدين عالة على أخوهم لازم يفتح معاهم نقاش في الموضوع و لا اذا هو ساكت بيظلون ينامون لحد الساعة 12 الظهر و المصروف يجيهم لمكانهم زي الأطفال يعني طالما في أحد يشيل الحمل عنهم ما بيتحركون لكن اذا حسوا انهم بيخسرون هذا المصروف اللي يجيهم كل شهر بيتحركون |
رد: اهل زوجي !!
أنتي قولي له شرايك تجرب معاهم هالطريقة تقولهم أنا اخذت قرض و أبي أحد يشاركني في مصروف البيت لأن ما بعد القرض ما أقدر أعطي زي قبل
|
رد: اهل زوجي !!
نصيحة مني ياسميتي دام زوجك ماشاءالله مقتدر خليه براحته وانتي حفزية على هالشي لانك اولا حتكبري في عين زوجك وبيرضى عليك وثانيا اهله راح يحترمونك ويحبونك يعني لاتقولي له اهلك واهلك وربي انا لي متزوجه اقل من سنه وزوجي ماديته وسط وربي انا دةم اقوله جيب لاهلك وودي ويقولي انتي تحبي اهلي اكثر مني وربي انا حامل دحين بالثامن ولسا ماكملت اغراضي اهم شي مابيه يقصر ع اهله لاني ابي رضا زوجي
|
رد: اهل زوجي !!
استغفرالله العظيم
والله انهم عالة على قلبي تحملتهم وضغطت على نفسي بس احس اني انفجرت خلاص ام رضا .. المشكلة ان ماخذ سيارة لاخوه بقرض على انه بيسدد مدري متى وشلون وهو بلا وظيفة ! يلعبون علي بيرو .. صدقيني يمكن انتي ماجربتي الي انا فيه ههههه ولاكان غيرتي رايك الي مثل حمياني يحلق شواربه احسن له ^_^ واخته الكبيرة ماتستحي تتطلب والله اني قبل اتزوج 10 ريال ماعرف شلون اقول لاخوي عطني الله المسسسستعان |
| الساعة الآن 02:41 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .