|
ما احس اني عروس
hwaml93hwaml93السلام عليكم
انا يديده في المنتدى وبعد شهر عرسي وما احس اني عروس واللي باخذهه ماحبه ولا يحبني واحس انه ما يباني ولا يهمه العرس تعبت نفسيا صرت ع اي شي تافهه اصيح كل يوم افكر كيف بتكون حياتي معاه وما اتخيل ينقفل علينا باب ريلي اكبرمني ب 9 سنين وامه تباني وريلي يباني عشان امه والحين اشتري اغراض للعرس ومب فرحانه نفس كل البنات لانه ماحس انه يباني واللي يقهر ف الموضوع انه ما دفع فيني شي اهله معطينه الفلوس والفلوس ما تكفي افكر ف الطلاق بس اهلي مب مخليني واهلي قالوا اصبري عليه بسس لين متتتى بصبر لاني تعبت كل يوم صياح وتفكير حتى نزل وزني وايد من الصياح والهم الريال طيب بس ما يسوي لحد سالفة اذا يبون فلوس ما يعطي كرهته وترى نحن ما نكلم بعض بالفون الله يخليكن ابا كل متزوجة ترد علي شسوي معاه hwaml93 |
رد: ما احس اني عروس
وعليكم السلام ورحمة الله وبركاته. واهلين فيك معنا
شوفي يا قلبي قبل كل شيء صليتي صلاة استخاره ؟ صدقيني لو صليتيها ودعيتي بيقين ربي ما يخيبك وكوني واثقه انه اي شيء بيصير بيكون خيره باذن الله وكيف عرفتي انه ما يحبك وانتم ما تكلموا بعض يعني كيف استنتجتي ياقلبي اخوي اكبر من زوجته بعشر سنوات وماشاء الله عايشين تمام يعني العمر مو شرط واذا عالفلوس انا قبل أتزوج ما جاب لي أشياء مثل اللي حولي وتضايقت بس بعد الزواج الحمد لله عايشه احسن عيشه ومرتاحه وكل شيء عندي فلا تحكمي قبل الزواج الا اذا كان مايصلي او يشرب لا سمح الله او راعي صحبه سيئه او علاقات مع بنات اما غير هذا لا دامه كويس فباقي الاشياء تعتدل واذا عالضيق ياقلبي كلنا مرينا بضيق وتوتر قبل الزواج بس بعدين ان شاء الله الامور تزين زي ما قلت لك لا تتضايقي بس صلي استخاره وتوكلي على ربك بيقين لو مو مناسب لك ربي بيختار لك الخير ويصرفه عنك من دون تدخل من اي احد واذا هو خير فبيتم الزواج وربي يبارك لك |
رد: ما احس اني عروس
اختي اشلون حكمتي عليه وانتي ماتكلمينه فوون؟؟ و ثانيا الحياه مو كلها حلوه لازم في نواقص
و هلج مابيقطونج ع اي واحد حيا الله .. الا عارفينه زين مازين هدي بالج و خفي توتر .. و ان شاء الله مايصير الا كل خير .. و الله ايسر امورج .. |
رد: ما احس اني عروس
تسلمين ع هالرد ريحني كلامج وايد بس ريلي طيب ويصلي ويصوم وماعندهه سوالف الشباب بسس ما يهتم انه بيعرس وبتكون له حياه يديده
وريلي خطبني اكثر من مره وارفض وقد صليت استخاره من سنتين مررهه بس ورفضته ورد خطبني وهلي قالوا لي لا تفكرين تاخذين واحد من برا العايله يا تاخذينه ولا ما بنوافق ع حد من برا العايله وقلت خلاص موافقه ةكل يوم افكر اقول ياليت ما انكتب اكتبي عليه لو كنت ما خذه واحد برا العايله كان مهتم بس امه تحبني ودووم تسالني شو تبين احط لغرفتي ما تقصر امه الله يعين |
رد: ما احس اني عروس
و عليكم السسلام
على كلامك ما عرفتي زين و انتي تقولين ما يكلمك فون يعني ما تدرين شنهو في قلبه صبري و ربي كريم و هذا الحياه فيها الحلو و فيها المر |
رد: ما احس اني عروس
صدقيني لو ما يحبك كان ما تقدم لك انتي استأنسي وافرحي ترا بعدين بتندمين ع انك ما فرحتي وانتي تجهزين أغراضك الله يوفقك ولا تشرين هم
|
رد: ما احس اني عروس
اولا انتي بعدك ماتزوجتيه وتفكرين بالطلاق وانتي ماعشتي معاه ولا عارفة اخلاقه
ثانيا انتي ماتتكلمو ع الجوال ثالث شي اي زوجة ف البداية يجيها هالشعور تبكي وكذا لانها راح تفارق اهلها وبتبتدي حياة جديدة بس قلبي الحب بعد الزواج مافي شي اسمه حب قبل الزواج والحب تجي بعد العشرة والمودة خلي عنك هالافكار والوساويس شيلي فكرة الطلاق من بالك وهدي نفسك وفكري بايجابية واهم شي صلي استخارة ربي يوفقكم ويسعدكم يارب ومثل ماقلت لك عيشي معه شهر بس بعد الزواج وراح تشوفين بنفسك كيف راح تحبيه وتتعلقي فيه باذن الله بس بشرط انك تحبيه وتعامليه كويس وتشلي كل هالافكار من بالك |
رد: ما احس اني عروس
ضلي صلي استخارة من هون ليوم العرس كل ليلة
توكلي ع ربنا !!! ازا الك خير معاه رح تكملوا مع بعض وازا شر !! ربنا رح يختارلك الأفضل وييسرلك أمرك !!! توكلي ع ربنا وكوني ع ثقة انو رح يساندك ورح دائما يختارلك الاحسن |
رد: ما احس اني عروس
انا أخذت زوجي بدون ما اعرفه
عرفته بالصدفه وكنت ما احبه وأحس دمه ثقيل مووووت والحين امووووت فيه وهو يموت فيني والحب مع الزواج يكثر ويزيد والله يسعدك يارب وعيشي الجوووو وافرحي انك عرووووووس يسعدك ربي أن شاءالله |
رد: ما احس اني عروس
و لا صارت لكم فرصة تتعرفون على بعض
احنا نعقد عقد الزواج لكن نخليها فترة خطوبة يعني عشان نتعرف على بعض و اذا اتفقنا خلاص تتم أمور الزواج أنا ريلي أكبر مني بـ 8 سنوات و أول ما أخذته كنت متضايقة و لا أحبه حسيت علاقتي معاه مجاملة لكن مع الوقت تعرفت عليه و حبيته الحين ما أتخيل نفسي أخذت واحد غيره أشوفه أحسن واحد في الدنيا |
| الساعة الآن 02:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .