ياليتني أنسحبت من البداية !!
 

السلام عليكم و رحمة الله وبركاته ..

شلونكم بنات عساكم طيبين .. طبعا انا من زمااااااان ودي أكتب لكم هالموضوع بس كنت مترددة وايد !
و كل ما اقول خلاص بكتب .. اكتب سطرين و أهون لأن الآيباد كلش ما يشجع

.×.×.×.×.×.

بنات انا تزوجت عن حب .. و انا ثاني وحدة بحياة زوجي .. يعني كان يحب وحدة قبلي .. و هي بنت جيرانهم و كان يحبها من يوم اهما يهال .. كبروا مع بعض
و لما كنت على علاقة معاه قبل الزواج اكتشفت أكثر من 4 مرات انه يكلمها و مرة ثالي أحبها و من هالكلام .. و بعدين تقدم لي و أهله كلموا اهلي ومشت أمورنا .. و تغير الريال 180 درجة .. صار حنون أكثر و محسسني انه يحبني موت موت مووووووووت .. و انا كنت اعشقه .. طبعا وقتها كان عمري 20 .. ياهل !
لما رحنا لـ فحص قبل الزواج اكتشفنا ان انا و هو حاملين سكلر .. حاملين مو مصابين .. و من الخبال اللي فينا و الغباء قررنا نواصل .. لما دخلونا على دكتورة استشارية قالت لي .. احتمال 50 % اتيبون حامل سكلر .. و 25% سليم .. و 25% مصاب
فـ توكلنا على الله و تمت الملجة ولله الحمد ..
يوم ملجتي كان أحلى يوم بحياتي .. سوينا حفلة بسيطة في بيتنا .. و بعدها طلعنا نتعشى .. و كنا اثنينا ننود .. ( نبي نرقد ) من تعب اليوم اللي مرينا فيه
رجعني بيتنا ورقدت و هو راح بيتهم رقد و كنا لعى اتفاق ان ثاني يوم اروح بيتهم و اسلم و و نروح نزور يدته

طبعا ثاني يوم لما ياني كنت توني قاعدة من النوم .. ياني غرفتي .. قعدنا شوية على ما اقوم مادري شنو ياني و كان تلفونه يمي .. فتحته و ياليتني ما فتحته ....
لقيت مسجات بينهم .. و يقول لها عن كل شي عني !!
قريت 3 مسجات
اول مسج: يوم اللي رحنا الفحص كاتب لها : انا شفت سيارتج بباركات المستشفى قوليلي شفيج ليش بالمستشفى لا تخشين عني .. ( للعلم هي كانت مصابة بالسرطان و تشافت منه بالكيماوي بس بدون عملية لأن توه مكتشفينه كانوا ) و هو كان يحاتيها
ثاني مسج : احنا سوينا فحص و طلعت حامل سكلر و ماتذكر الباقي .. بس كاتب لها عني وايد اشياء ..
ثالث مسج : ترى هي تغار منج .. ( يعني انا اغار منها .. ) تخيلوووووووووووا !!!!


هو كان بالحمام لما رجع شاف علامات صدمة على ويهي .. و على طول سحب مني التلفون و شاف المسج و انصدم و تم يبوس راسي و يقول هذا قبل الملجة و توبة و مادري شنو . احنا اصدقاء مو اكثر ( مادري من قاص عليهم و قايل لهم في صداقة اتيي بعد الحب .. و ان مجتمعنا يتقبل هالنوع من الصداقات )
على طول قلت له اطلع برع و مابي آطلع اليوم
مارضى يطلع و تم معاي يترجاني و يبوس يدي و ريولي عشان اسامحه ..
و اغمى عليه و انا ولا أثر فيني ولا شي
كنت مصدومة ..
اختربت فرحتي وانا عروس .. ماعشت احلى لحظات الزواج و هي بداية الملجة .. للأسف كنت بنفصل عنه و من غبائي قلت لا احبه .. !! حبني برص ..
طبعا هاليوم كان مثل القشة اللي قسمت ظهر البعير !
هالكلام بصير له ثلاث سنوات و انا ليحين ماتعايشت مع الموضوع .. ما سامحته ومانسيت خياناته .. ياما لقيته واقف معاها عند باب بيتهم و لاصق فيها كأنه طيور حب ..
ليتني مشيت بدربي و تركت عني هالخرابيط و الحب و السخافة ..

المهم ..

من 3 سنوات و خوات زوجي كل ما شافني جابوا طاريها جدامي و جدام ريلي .. لدرجة اني لما كنت ساكنة معاهم بنفس البيت كانوا يدخلونها البيت بوجودي و يودونها غرفتهم اللي لاصقة بغرفتي .. و حضرت زواجي مع اني شرطت على زوجي اذا يبي اسامحه .. فلانه ماتجي عرسي .. و اخت زوجي نحاس فيني عزمتها !! و خلتها ترقص جدامي .. :) طبعا كل هذا عناد فيني .. لأسباب تافهه و لأني كنت على خلاف بيني و بين اخته ..
و اخته الثانية كانت كل يوم تقعد معاي و تقولي اخوي كان يتواعد معاها بالمحل الفلاني
و يوم عرسها اخوي زعل و طلع من البيت
و كانت تقولي تفاصيل .. والله والله والله كنت اموت و احترق ألف مرة ..
مادري ليش صبرت و ليش ما انفصلت قبل ما آييب ولدي حبيبي

لين آخر يوم زرت فيه بيت زوجي .. قبل 4 ايام و اخته تييب سوالف عنها .. !
ليــــــــــش كل هـــــــــذا ؟
و انا والله ما نسيت شي .. كل شي كأنه أمس صاير .. حاولت انسى واعيش حياتي بس صعب جدا لأني وثقت فيه و سامحته على خياناته القبلية .. آخر صدمة لي ثاني يوم ملجة ..
حرام اللي صار فيني ..
للعلم زوجي ما يخوني .. و كل شي عنده عالمكشوف .. تلفوناته دايم بيدي و عادي .. و اعرف وين يروح و وين ايي .. بس أعرف ان مستحيل ينساها و هالشي طبيعي هو كبر معاها و عاش كل شي معاها .. لدرجة لما سألنا عنه قبل الزواج قالوا حق امي فلان يحب بنت جيرانهم فلانة و مسومينهم بالفريج روميو و جولييت .. !! و امي قالت لي هالحجي بعد زواجي ..

زوجي يدري اني عايشة معاه عشان ولدي .. ويدري اني متحسفة اني ما انفصلت ..

و يعرف اني ماعدت احبه مثل قبل .. لأنه جرحني حيــــــــــــــل .. و ما اقدر اسامحه ولا اسامح نفسي باللي سويته بروحي !

بنات شلون اتصرف مع اخت زوجي .. ؟
والله مو عارفة مع ان علاقتي فيها صارت عادية .. ومابينا شي .. بس الظاهر هي ليحين ناوية عالشر ..

مابي أطول عليكم أكثر و سامحوني عالموضوع الطويل ..
بس حبيت انصح كل وحدة .. لا تحملين بسرعة قبل ما تتأكدين من مشاعرج تجاه زوجج و مشاعر زوجج تجاهج .. و اذا كان زوجج ردي لا تحلمين بسرعة و يطيح فيها الياهل اللي ماله ذنب !

رد: ياليتني أنسحبت من البداية !!
 

رد: ياليتني أنسحبت من البداية !!
 

حبيبتي

لفت انتباهي جملة ( و لما كنت على علاقة معاه قبل الزواج)

وهل الله سبحانه يرضى بهالشي ؟؟

بديتي حياتك بمعصية

توبي لربك سبحانه

وهو بيصلح امورك مع زوجك

رد: ياليتني أنسحبت من البداية !!
 

حبيبتي انبثاقة امل نورتي موضوعي
مشكورة عالنصايح الحلوة


TooT
لا مايرضي الله و انا الحين زوجته ام عياله اي معصية
هديتي الموضوع كله و دورتي الزلة

رد: ياليتني أنسحبت من البداية !!
 

آآآآهـ بس ,,
الله يعينآآ و يسخــــــر لنآ أزوآجنآ يآرب ...

مآ أزيد على كلآم الأخت " أنبثاقة أمل "
لأن كلامهآ 100% صحيح
الله يعطيهآ العــــــآفيه

رد: ياليتني أنسحبت من البداية !!
 

حبيبتـــي
ماقصرتي :)

رد: ياليتني أنسحبت من البداية !!
 

حببتي لاتقهرين نفسك ولاشيء
اخت زوجك مصيرها تنقلع وتتزوج وترتاحين منها ومن مصاختها

وبالنسبة لحبيبة زوجك. ..وش عندها زود عنك. .اذا ماتنازلتي عن زوجك لها...مصيرها تكون ماضي
دلعي زوجك خصوصا قدام اخته. ..لان شكلها الاخبارية لها...
حاولي تطلعين مع زوجك مطاعم. .تودون ولدكم للملاهي يعني لاتخلين يقعد بالبيت كثير
خليها تمووووت بحرتها تشوفكم دايما طالعين
وغلط تقولين لزوجك ما عاد احبك انتبهي ترى تسهلين له الطريق بكرة ماراح يحس بتانيب ضميري
لو احد حرضه للزواج لاسمح الله..خلي اللي في القلب بالقلب...
شفتي لو جات اخت زوجك وحاولت تضايقك خلي ردة فعلك باردة ومعها بوسة كبيرة على خد زوجك وقدامها قولي الله لايحرمني منك ياحلالي يابو ولدي يا يا يا
وراح تنشوي على نار صدقيني...
لاتصيرين هبلة وكل ماجابوا طاريها تغارين ووو
بالماضي كانت البنت و زوجك روميو وجوليت

لكن انتي بطريقتك خليهم صباح الخير ياجاري انت بحالك وانا بحالي. ..
وسدي عليها كل الطرق

وانتي وزوجك خليكم روميو وجوليت النسخة الاصلية الجديدة. ..

رد: ياليتني أنسحبت من البداية !!
 

اهم شي عندك وحطي هدف قدامك لي هو زوجك ثم زوجك

والبقيه خليهم اخر همك بعرف صعب شوي

ل تكوني مفكرة انو بس زوجك لي كان بيجب بنت قبلك م كل العالم حبت وانحبت بس خليكي واتقة من حالك

والله ييسرك

رد: ياليتني أنسحبت من البداية !!
 

هم أهل الزوج يأذونك بتعليقاتهم على كل صغيرة و كبيرة كيف لو بعد في سالفة يتكلمون فيها خلاص ما يسكتون
أنا أخت زوجي ما صارت لي مشاكل معاها بس ما كانت علاقتي فيها ذاك الزود يعني ما تستلطفني و أنا نفس الشي و كل ما قعدنا في اجتماع و خصوصا مع بنات من برا العيلة يعني صديقاتنا تقعد تقول احنا كنا بنخطب فلانة لأخوي و ما عجبه طولها عاد هم ما خلو وحدة ما سألوا عنها و انا كنت انقهر منها بس ما أطلع الحرة قدام الناس لما نرجع البيت اطلعها فيها بس كانت تسبب لي احراج لسانها طويل
و مرة من المرات ما ادري شنو جاب الطاري الا تقول و الله لو يخيرون اخوي بينك و بيني يختارني لأن الأخت ما تتعوض بس نقدر نلاقي مرة ثانية هني ما سكتت لها قلت لها الحين اذا رجعنا ساليه و نشوف بكل ثقة و انطمت
لكن الأسلوب اللي قالت أم ريتان عجبني طبقيه
و اخت زوجك قولي لها هذيك ماضي و أنا حاضر و مستقبل لو يحبها من جد كان ما أختارني الظاهر انها كانت مراهقة و ما حب يتزوج على حب مراهقة تزوج على حب عقل و نضوج

رد: ياليتني أنسحبت من البداية !!
 

اختي انتي الاصل وباقي تقليد حياتي واخت زوجك خليها تموت من غيره دلعي زوجك والحب قبل زواج شي جميل ونا تزوجت عن حب الله يسمحنا ونا كنت اردد اللهم بدلني الحرام حلال لاتخلو حبه خبه اختكم من صومال