منتديات حوامل النسائية - لوووورا رجعت لكم الحمد الله معها خبر يفرح اللي عاشوا ايامي بولادتي بعبودي

السلام عليكم ورحمته الله وبركته

كلكم قريتوا قصتي بولادتي في بنتي الله يشفع فيها توفى وقريتي قصة اجهاضي

بسسسسسسس ابشركم ان ربي عوضني بعبودي ماشاء الله تبارك الرحمن والله ربي يعوض كل شيء فقدنه بدنيتنا

بقوولكم قصة ولادتي

بسم الله نبدأ

رحت للدكتور كالعاده موعد زياره بشهر التاسع كل اسبوع دخلت على الدكتور وانا اخر الاسبوع 39وكنت نفسيتي تعبانه ابي اولد لاني خايفه يصير بحملي شيءوادعي ربي

دخلت على الدكتور وقالي ليش ماولدتي يالووورا انتي خيبتي ضني فيك يحسب الشيء بيديhwaml4

قلت مو بيدي كل شيء سويته ولا ولدت شرربت حلتيته وتبخرت وقاعدة في البانيو وكف مريم كل شيء سويته بس ربي ماكتب سبحانه فعزمت hwaml10 اخذذذذذذذذ طلق صنااااعي مسويه قويهhwaml9قلت لدكتور ولدني بطلق صناعي اترجى الله يوفقك كني اشحد منه يوم قالي خليني اكلم الاستشاريه يمكن توافق لزم نسوي لك تخطيط نتاكد في طلوق سويت وقال راح ندخلك من الفرحه عيوني كذاhwaml03 رحت طلعت لزوجي وقلت مشتهيه من ماكدولدز ابي وجبة اطفال هابي ميل شوفوا البراءه hwaml02

قال فاضيه قلت ان شاء الله تكون اخر وجبه اكلها معك وانا حامل بولدي قال وش قصدك قلت اليوم تنويم hwaml7 فرح بس خاف زياده علي وانا بدا الافلام الهنديه فوق راسي اكيد بموت سويت افلام اكشنhwaml17hwaml16 ههههههههه

المهم رحت شريت خبزت لوزين بالجبن وعصير سيزر المهم ودخلت المستشفى وانا راضيه عل نفسي وصرت ادعي يارب سهل علي بد الرعب يوم راح زوجي دخلني علي الساعه 4 العصر قلت بنام اشبع وري طلق وصرت انام واقوم وانام واقوم من الخوف يوم صارالصباح

جت الاستشاريه معها تحاميل الطلقhwaml10
هنا انا يوم شفت التحاميل توقف قلبي
hwaml93قالت لي ادخلي الحمام عشان ماراح تقومين الا بعد ساعتين وقعدة اصيح بالحمام وانتم بكرامه يوم جت الاستشاريه قالت ليش البكاء مايخوف الاطلق كلهاا كم ساعه وتولدين قلت لا خايفه لاني مجربته قالت راح نفحصك من تحت اذا الرحم مفتوح 2 مايحتاج طلق راح نجرب فيك الجل زي الطلق يوم فحصتني قالت ماشاء الله 2 ونص مايحتاج نبدا بالجل وكل ساعتين راح نجي نسويلك توسيع بالجل الحمد الله الساعه 8 الصباح يوم جت 2 الظهر بدت فيني الطلوق امشي احس يتحجر لااله الا الله كل شوي اقول لا مو هذا الطلق اكيد في شيء اقو ياعمممريhwaml79 واتحمل لحد 5 العصر انا هنا خلاص احس ماقدرسوت لي فحص قالت لي 4 سم يطول الوقت علي قالت خلاص راح نزلك كوشك الولاده حطوني باالعربيه ودونيhwaml16 للكشك واسمع انواع الصرااخ hwaml15وبد الخوووف انواع الاصوات اللي تروع وجاء الدكتور سو لي فحص قالي 5 سم يالله خنقتني العبره وجت وحده بجنبي ماشاء الله اسمع يقولون لها 8 سم وبعدها بدت تدفع ماشاء الله وهي تدعي لها وانا ادعي للجميع بيني وبين نفسي اقول يانذلها انا ادعي للجميع ولها وهي تدعي لنفسسسها بس ربي عطني عل قد نيتي

وفجاءه اسمع صوت بنتها المهم شد معي الالم مره وعطوني ابرة مخدر والله من قوتها صرت اشوف الستاره كانها حريم اسولف مع الستاره احسبها حريم هههههههه وبدا الالم يشد جاءت وحده السعوديه حسبي عليهاتفحصني عشان تفتح المويه والله يابنات كنها تخلط عجينه وانا اصارخ وهي تهوشني تقول لاتصرخين اقولها حرام عليك ماتحمل تصرخ علي تقول اوووصصص hwaml15hwaml79
يوم فتح 6 سم بس سبحان الله ماشاء الله بدا يفتح وكل شوي اشوف جهاز التخطيط عشان خايفه عل نبضات الجنين فجاءه اختفت النبضاتصرخت السستر يالله يالله ولاده لاتدفعين لم ادخل غرفه جو سبحان الله نزل الجنين للحوض وبسرعه سحبتني للغرفه الثانيه صغيره وقالت اذا جت الطلقه ادفعي ياعممري مجهزه نفسي اول طلقه ادفع ادفع تقولي لا غلط واوووووو الدفع هو اشد شيء بالولاده دخل علي الدكتور يضحك علي يقول لووورا تولدين ولا تلعبين بعد علينا وانا ادفع يلطف الجو مسوي خفيف دمhwaml4

فجاءه من قوة الراس مو راضي يطلع عل ان راسي ولدي صغير وجت الطلق وهو واقف يضحك الدكتور صرخت قلت وخر عن وجهي بصوت عالي وكشتي زي هذا hwaml15 معرق راسي مره قعدة نص ساعه ادفع
والحممممدالله سحبت عبودي مني وخرت عيوني خفت اشوف في شيء يخوفني وقالت ماما ولد والله يابناااات احلى لحظه بحياتي من الفرحه عجزت ابكي صرت اقول باعالي صوتي كاني احج الحمد الله الحمد الله بصوت عالي وهي القابله الفلبنيه تردد معي يوم مسحته وجابته علي بطني وربي يارب لك الحمد يارب جعل كل محروم واللي يبغى الاطفال يجربون هذي الحظه وحبيته واخذته مني تلبسه قعدة شوي جت سحبت مني المشيمه وتضغط بطني والحمد الله اقولها ابي جوالي ابي اكلم اهلي وزوجي الله يعافيك وجابت جوالي وكلمت زوجي اه مره مره فرح بدا يصارخ ويحمد ربه ودقيت علي ابوي مايعرف في كوشك الولاده قلت له ابي اطلع من المستشفى مافي ولاده انا اكذب عليه ماابيه يقلق علي قلت يبه ابشرك جاء عبد الله سميكhwaml78

بدا ابوي بصوت عالي ماشاء الله تبارك الرحمن خنته العبره وكلمت امي بشرتها ارتحت اهم شي بحياتي هم 5 دقائق وصار جوالي مايسكت ماشاء الله وجابت ولدي وصرت ابوسه مو مصدقه يارب لك الحمد بنات

(لاتقنطوا من رحمة الله )
نصيحه

والحمد الله وقولي امين الله يفرح كل محروم يارب ولايحرمنا ولايحرمكم ياحق
سبحان الله وبحمدك اشهدان لاله الاانت استغفرك واتوب اليك