زوجي والحبوب
 

بسم الله الرحمن الرحيم
في البداية حبيت اعرض مشكلتي وان شاء الله تساعدوني
والله ان نفسيتي تعبت ودائماً ابكي
وهي مشكلة زوجي وحبوب ابو ملف او كبتاجون هو بصراحة مو مدمن بس كل بين
فترة يشرب في الشهر مره والحمد لله مايدخن ويصلي
بس الا انا مستغربه انه يشرب هالحبوب خوفي يصير مدمن وغير كذا عنده مشكلة
بالانجاب .... واذا تكلمت له ان يتركها يتضايق مني ويعصب ومايحب افتح له هالموضوع
واخر مره عرفت ان شرب زعلت عليه بس ماطق لي خبر
شوروا علي شسوي له

رد: زوجي والحبوب
 

وش هالحبوب ؟؟؟

رد: زوجي والحبوب
 

اهلين حبيبتي ،
الكبتاجون اذا استخدمها الشخص بدون لا يخلط معها اشياء ثانيه مثل الحشيش او الهرويين وغيرهم ماراح تضر عقله ب اذن الله
وزوجك استعماله منتظم يعني بالشهر مره ، اكيد انه مرتاح فيهم وهي تعتبر حبوب مسهره واذا اكلهم راح تكشفينه بسهوله
يعني لو اكل حبه بيقعد مسنتر عليك وسهران يومين وبعدها راح ينام يومين !
الخوف لو زوجك مر بنفسيه خايسه وراح اخذله حبه وبعدها ادمنها وصارت يوميا ، وقتها جدا راح يتغير زوجك وتتحول حياتك لجحيم
ادعي لزوجك وحاولي فيه باللين والطيب لعل وعسى والحمدلله هو يصلي ولا يدخن يعني شي طيب ومبشر بالخير
الكبتاجون مالها شغل ابدا ب الانجاب يعني لاتربطين بين الحبوب وبين الانجاب ماله شغل ابدا
تابعي عند دكتورتك وخليه يتابع وربي يرزقكم الذريه الصالحه
اهم شي لا تعايرينه او تذكرينه بالحبوب ابدا ! ولا تخبرين احد ابدا استري عليه حبيبتي
وانتي اكيد تعرفين مداخل زوجك وكيف تتفاهمين معه ، وبتعرفين تبعدينه عن هالاشياء
بس تاكدي من اللي يجيبله هالسم ؟ يمكن اخ او صديق او قريب ، وحاولي تبعدينه عن هالشلل الفاشله هي السبب بالضايع
الله يسهلك يارب

رد: زوجي والحبوب
 

ادعيله ربي يعفو عليه

رد: زوجي والحبوب
 

مشكورين ماقصرتوا والله

والله اني تعبت تعب مايعلم فيه غير رب العالمين بموووت

الوضع تطور عنده صار يوما ً يشرب قبل لا يداوم يشرب له حبه ولما يذاكر يشرب اخرتها بيصير لي مدمن ولما اكلمه يزعل ويحلف على القران ان ماشرب
انا اشوف الكيس كل يوم ينقص وخوفي اشيله ويجيب غيره يخبيه في مكان ثاني

ساعدوني بلييييز ,,,, ساتر الله نهايتي في مستشفى المجانين

رد: زوجي والحبوب
 

طيب انتي ليش ساكتة دخلي احد من اهلك وليش تستعجلين بالحمل دام هذا وضع زوجك

رد: زوجي والحبوب
 

كلميه وانصحيه كل مرة

ولاتنسين الدعاء والاستغفار

عسى ربي يوفقكم ويسعدكم ويهديه وييسر كل اموركم يارب

رد: زوجي والحبوب
 

اذا تحبينه ادعي له بسسسسسسس
وانصحك لا احد يدري بأي شي

البيوت اسرار

رد: زوجي والحبوب
 

والله الحبوب المسهره خطيره خصوصا لو ارمن عليها


ماابي اخوفك بس وربي اعرف واحد قتل زوجته بسببها لا تتساهلي

رد: زوجي والحبوب
 

حبيبتي اول شي الله يعينك ويهديه
ثانياً تعرفين لو احد اكتشف زوجك اش بيصير له
تعرفين ان عقوبتها السجن وانا ما اتمسخر هنا والا امزح
الكبتاجون حبوب مخدره وومنوعه في البلد واللي يجيبها له مهرب
انتبهي لزوجك
اذا زوجك عسكري لو يحللون له ينفصل ويروح فيها
الحبوب هذي ممنوعه مو بس في الدوله .. لا دولياً ممنوعه
انصحيه بس نصح مو هواش وسب وتأمر اذا مشى معاك صح والاروحي لبيت اهلك بدون ماتعلمينهم السبب
يعني يكون بينك وبينه
اذا شاريك يتركها واذا شاري هوا نفسه يبيعك
انا اقول لك الصراحه وانتي استخيري
بكره اذا ادمن عليها انتي تندمييين