|
ساعدوني .. الجراحة التجميلية !
سلام عليكم
بنات انا حامل بالثاني و لله الحمد بولادتي الأولى ولدت بمستشفى خاص عند دكتورة هندية الله يسامحها .. ولدت بطريقة الجلوس ( مثل الحمام العربي ) و و لما احتجت للتوسعة ما شقتني بمقص .. !! خلتني اتوسع بروحي .. و تمت توسعني بإيدها hwaml15 و الجرح وصل لـ فتحة الشرج ( الله يعزكم ) hwaml15 و ما يحتاج أوصف لكم المعاناة طبعا .. لأن الجرح ما كان مرتب فـ صعب يلتأم بسرعه و بسهولة .. و بعد خروجي من النفاس اكتشفت اني لما ادخل الحمام حق أي غرض .. تحت ينتفخ لي كاااااااااااااااامل .. و ألم مو طبيعي حتى لو كنت بس ( أبول ) ( الله يعزكم ) حتى لما انام مع زوجي ينتفخ لي من ورى لي قدام كااااااااااااااااامل .. و ألم مو طبيعي كأن الدورة بتنزل علي لما شرحت للدكتورة قالت هذا كله بسبب وضعية الولادة أول مرة .. و في حريم يناسبهم الولادة بهالطريقة و حريم لا .. و الأكيد اني من الحريم اللي ما ناسبتهم هالطريقة بالولادة و قررت لي اني بعد الولادة بشهر .. راح احتاج لعملية تجميلية .. يعني شق من جديد و جراحة داخلية و خارجية .. و طبعا قريت كثير مواضيع يشرحون فيها الألــــم اللي بعد هذي الجراحة و انها مؤلمــــــــة جــــــــــدا جـــــــــــدا hwaml15 طبعا نفسيتي تعبانة و انا بحال ما يعلم فيه الا رب العالمين hwaml93 و للعلم .. أن انا ما تنفست .. يعني ما خذيت ادوية و أكل خاص .. لأني كنت بكرية و ماكان عندي أحد يعرف ينفس .. لا امي و لا احد hwaml93 |
رد: ساعدوني .. الجراحة التجميلية !
مادري شقولك بس كان اخذتى ادويه بسيطه حلبه عشر ايام مطحونه ثم بايام الاخيره حبه سوداء مع كمون وحلوه مطحونين وشوى فلفل وقرنفل(وسوي تمر مع زبده ورشاد شوى )
واشربي شاى كمون وقرفه.وقشر وحطى فلفل ابيض بحليبك..وعسل واكلى لحم وخضار ..ومضاد ومسكنات بنسبه للعمليه سويهاا بس عند طبيبه جيده وخبره .. ادعي لي ربي يسخر لى زوجى ويرزقنى ذريه طيبه ويسهل ولادتى .خايفه |
رد: ساعدوني .. الجراحة التجميلية !
انا دايم اسويها بعد الولاده والحمدالله مشاءالله تبارك الرحمن
كل ولاداتي طبيعيه يعني الي تقول بعدها لازم تولدي عمليه قيصريه تسمحلي اقولها كذابه هي تفضلها لك الدكتوره عشان مايخرب المكان وتعيديك نفس الخياطه بس انا اولد طبيعي واعيد نفس الخياطه عادي تولدي طبيعي وترجع تخيط نفس الخياطه الاوليه تجميليه والمها نفس الخياطه العاديه بس تطول في انها تلتائم لانها خياطه من جوه ومن براء وما اعتقد المها زي الم الخياط الي سويتها بسبب تشقق المكان لوحده >> كلامي من تجربه شخصيه ونصيحه سويها ولا تخافين عشان تحافظي على زوجك وانتي ادرى بنفسك اذا الحمام ووصفك كذا اجل كيف يحس زوجك |
رد: ساعدوني .. الجراحة التجميلية !
برااااافوووووو ملكتني بهمسك
انا والله اايدها مليون بالميه وانا مجربتها نفس الم الخياطه العاديه بس تطول اكثر انا مع رايها لازم تحافظي على زوجك |
رد: ساعدوني .. الجراحة التجميلية !
من قالك انه مؤلمه ومدري ايش
يااااا سبحان الله يا البنات فاضياااااات استغفر الله انا عندي اربع اطفال وبكل ولاده سويته والله ما توجع ولا تحسين فيها تره اسمه يخوف ولا هي عادية 😆 اهم شي لمدة اسبوعين بعد الولادة ما تمشين كثير ولا تفتحين رجولك طول وقتك لامه فخوذك علا بعض ولا تنسي ابددددددد علاجات الشعبيه مثل الحلب وغيره ونصيحه 👆 لا تولدين في مشفي كل الي فيه هنديات !! المشفي الي فيه فلبينيات ازين لأهم يرحمونك وحنونين مو مثل الهنديات اعوذ بالله قاسيات الله يفكنه من شرهم |
رد: ساعدوني .. الجراحة التجميلية !
حبايبي بنات ماقصرتوا
ريحتوني الله يريحكم دنيا و اخرة و الله يسخر لكم ازواجكم و يرزقكم الذرية الصالحة |
رد: ساعدوني .. الجراحة التجميلية !
حبيبتي البنات ردو بمايكفي خصوصا ملكتني
فانتي مدامك حامل سهل الان ان شاء الله انك تسويها وتزبطي نفسك لم تيجي تولدي ع خير اطلبي من الدكتورة تسويلك تجميل وتضييق وكمان خياطة داخليه ماتحسي بالخيوط ولاا الغرز بس تحسي المكان منفخ ومدري كيف لكن لمن تلتام الخياطة ترجعي طبيعيه الحمدلله كانك ماولدتي انا ولادتي الاولى سويت الداخليه صحيح تعذبت لان تعسرت ولادتي اصلا وحالتي حاله والخياطة اخدت قريب 25 عشان تهدا وتلتام انتي اتفقي مع دكتورتك ووقت تدخلي ولادة اكدي عليها طلبك |
رد: ساعدوني .. الجراحة التجميلية !
قلت للدكتورة ليش ما تسوينها وقت الولادة عشان مرة وحدة الألم واحد ..
قالت لي صعب جدا لأن الرحم يكون تعبان و اللحم متورم من الولادة .. فـ تخاف ! |
رد: ساعدوني .. الجراحة التجميلية !
الله يسهلك حبيبتي...
|
رد: ساعدوني .. الجراحة التجميلية !
ايه عرفتها الدكتورة الهندية ههههههههه بس تحملي تعيدينها هاذي مينونة!! على كل التطور في العلاجات وأساليب التوليد توسعج بيدها؟! الله مسهّل لنا وكل شي متوفر لنا وهاذي مصرة تتبع الأساليب البدائية.. صج مب صاحية الله يغربل ابليسها!!
ولدي ولادة طبيعية عادية.. أنا ولدت في الكندي ولدتني دكتورة مصرية (شيرين حماد) .. والحمد لله كل شي ممتاز واهتمامهم ممتاز الحمد لله رب العالمين.. أنصحج تتابعين عندها وتولدين هناك.. إذا عندج أي استفسار راسليني وما يصير خاطرج إلا طيب.. |
| الساعة الآن 12:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .