|
انا تعيسة
السلام عليكم ورحمة الله وبركاته مشكلتي مع زوجي . زوجي ما يعطيني اهتمام ولا يحسسني انه يحبني
يطلع بروحه واصدقائه أنا جالسة فالبيت اتخيلوا ليوم ياخذ مديره يمشيه ولا مهتم فيني أتمنى يحبني يحس فيني أنا حلوة والحمدالله بس ليش يعاملني اني أنا ولا شي . بنات انصحوني اطنش ولا اشوفه عليه بس .. هو يقول أنا أحب اطلع ما أحب اجلس فالبيت . بنات ساعدوني حالتي النفسية تعبانة ومنكم الاجر |
رد: انا تعيسة
شوفي حبيبتي ترى مشوارك طويل ...عشان تغيرينه يعني لازم تكووووني صبوره لاتستعجلي ع النتايج
انا اقترح انك تحسسينه انك مره مشتاقه له وماتقدرين تفارقينه وقت طويل مثلا لما تكونون بالفراش وينتهي من حاجته ضميه وقولي له بطلبك طلب لاتتطول علي اذا طلعت لانك ماتعرفين وش يصير فيني .. طبعا لاتقولين لاتطلع لااا قولي لاتطول علي ... وقولي بعد فتره نفسي نتمشى مع بعض واطلع معك ولو ع كيفي ماتطلع الا معي من كثر حبي اهم شي لاتصيرين رومانسيه مره وحده يستغرب شوي شوي ... اذا طلع عطيه دمعه صغييييره قولي بشتاقلك ... بهدوء لان شكل زوجك صعب شووي ..واذا قال انا احب اطلع قولي حتى انا احب الطلعات وياليت اذا شفتي تحححسن تخبرينا بالتوفيق |
رد: انا تعيسة
ياقلبي كلمتك انا تعيسه حتى لو منتي تعيسه غصب بتنعكس على نفسيتك
خليك متفائله رددي انا احسن من غيري انا مرتاحه زوجي يحبني يعني كلامك السلبي يرجع على نفسيتك خلك إيجابيه في افكارك عيشي حياتك أغلبيت الرجال مايحبون يجلسو في البيت ويحبون يطلعون مع رجال زيهم هاذي طبيعتهم انتي حاولي بهدوء انك تغيري ولو شي بسيط فيه بس بالتدريج مو بالعناد واللوم الله يسعدك ويرزقك باللي يونس وحدتك ويسخر لك زوجك |
رد: انا تعيسة
زوجك نفس زوجي مايحب جلسة البيت ومايطلعني وانا دائما جالسه في البيت لحالي احيانا اكلمه واحيانا اتعب واطنش واسكت وهذي حالتي
|
رد: انا تعيسة
شكرا حبيباتي جزاكم ألف خير
|
رد: انا تعيسة
يا اختي هيك كل الرجال
عادي رح تتعودي مع الايام ا |
رد: انا تعيسة
لا تتضايقي ولاتزعلي نفسك زوجك نسخةمنزوجي انا ليا معاه 9 سنوات والين دحين ماتغير مرةاتكلمي معاه ومرةطنشي وربنا يهديه ويهدي زوجي
|
رد: انا تعيسة
اكيد انك بداية زواجك
نفس طباع زوجي مايجلس بالبيت ابد في البدايه كنت ازعل واعصب وصار يطلع اكثر واذا جاء صار معصب علي وزعلان وما يعطيني وجه تعبت مره اول سنه كان يسولف مع امه وخواته قدامي ويضحك وانااذا سولف معاي رسمي مره وبدون ضحك اعلمك لييييييييييييش بصراحه لاني كنت شويه هاديه استحي منه والرجال مايحبوا اللي تستحي يحبوا الجريئه اللي بس تسولف وتنكت وتضحك اللي دمها خفيف هي اللي تجذيهم اما الساكته يكرهونها وكمان اللي تتمشكل معاه وين رايح ويش سويت مين كلمت ؟....مايحبوا للي تسأل عن اشيائهم الخاصه انا بعلمك ايش تعملين. 1- اذا طلع زوجك كملي شغل البيت وبخريه ورتبيه واذا قرب يرجع شغلي شموع او فواحه 2- اتوضي وصلي ركعتين وادعي فيها بكل اللي تبغينه ...مافي زي الدعاء عن تجربه مني شخصيا 3-استغفري وانتي تشتغلي باليبت وسبحي وانتي تكوي وتطبخي ....الخ 4- اذا جاء طالع ودعيه وروحي الى عند الباب وبوسيه وقولي احبك .وقفلي الباب 5- ابدا لايشوفك زعلانه اذا رجع ابتسمي وقولي اشتقت لك. 6- لاتقولي طولت علي ولاتقولي وين كنت اسأليه بطريق غير مباشر 7-دائما البسي وتكشخي وتعطري خلي ريحتك دائما حلوه 8-نوعي في الاكل 9- خذي مويه زمزم اوعاديه واقرأي فيها الفاتحه 7 مرات وبداية البقره ونهايتها واية الكرسي والمعوذات ...واذا عندك الرقيه الشرعيه اقرأيها كلها ودائما اعطيه منها وسوي القهوه والشاي منها . --الصبر الصبر لانه يبغاله فتره حتى تتعودوا انتي وهوه على بعض والله يا اختي زوجي الحمدلله تغير شويه كان طول الوقت برا الحين بس يطلع في العصر ويرجع المغرب اوالعشاء وبعدين يطلع الساعه 11 ويرجع 2او 3 ومرات 4 hwaml4 لكن عادي اتعودت اجلس على النت مشتركه في المنتديات اوصلي واكمل شغلي احيان اذا ماعندي شغل اسوي حلى اومعجنات يعني زي كذا حياتي ومشيها لان الدنيا مافيها احد سعيد100بالميه والله العظيم مافي احد كامل كلما سألت اخواتي خالاتي صحباتي واخواتهم وقريباتهم كلهم عندهم مشاكل بس تختلف عن بعض بالاخير ايقنت ان الله خلقنا لعبادته فقط ويختبرنا بالاشياء الثانيه حتى يشوف احنا نصبر وننال الاجر ام لأ (ولقد خلقنا الانسان في كبد) اتمنى تقرأي مشاركتي بتدبر وتفهميها كويس وتصبري وتصبري وتصبري والله يالف بين قلوبكم استودعك الله اذا تبغي اي شي راسليني على الخاص اختك في الله اريج |
رد: انا تعيسة
في قصة بشريط (( رحلة مع القران )) للشيخ عبد المحسن الأحمد ..
رااااااائع جدا ً يقول الشيـــخ: إحدى محارمي تشتكي لي من زوجها تقول والله مابقي شئ في خدمته.. في خدمة اولاده.. في بيته إلا فعلته!! تقول وسبحان الله ما في شئ يملى عينه ودائما ً ً في سخط علي تقول مابقى شئ استنفذت كل شئ احرقت نفسي حرق تقول حتى إني في صلاتي افكر كيف أرضيه!! قلت ولن ترضي ولن يرضى عنك مادام انك حتى وانتي بين يدي ربي العالمين وتقرأين كتاب رب العالمين تفكرين كيف ترضينه!! لن ترضين ولن يرضى عنك قالت والحل؟؟ قلت الحل : ما مطلوب منك ترضين الناس كلها تحرقين نفسك كل ساعه قالت كل الساعات قلت ابغى ساعه في ثلثي الليل الأخر تقولين (يا ربي لا أسألك إلا رضاك) وتبدأين تسعين كله بس عشان يرضى سبحانه اذا رضي يرضي الكل حتى الملائكة يرضيهم عنك حتى جبريل ملائكة يطوفون سبعين الف في البيت المعمور يدعون لك قالت وغيره قلت مافي غيره قالت طيب في دليل من القرآن قلت يقول الله عز وجل: { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} من اللي جعل بيننا مودة ورحمة هو والا احنا اللي بتعاملنا لاااااااااا وجعل هو اذا ماجعل هو والله لو ازعل ليل نهار ما يصلح مسائل القلوب لا يملكها الا الله قلت القضيه عند رب العالمين انتي ارضيه يرضيك الله عز وجل في كل شئ راحت بعد شهر هي من محارمي إلا تجي وتقبل رأسي انا ناسي الموضوع قالت :اقسم بالله اني ما أسوي 20 % من اللي كنت اسويه اول واقسم بالله انه صار يسوي لي اكثر من اللي كنت اسوي له بأضعاف تقول صار عندي هم ان ارضي رب العالمين ما شاء الله تبارك الله الله يزيدهم في معادلة في القران قال تعالى (رَضِيَ اللَّهُ عَنْهُمْ وَرَضُوا عَنْهُ) ووردت هذه الآيه في كتاب الله سبحانه وتعالى أربعة مرات: سورة المائده آيه 119 التوبه آيه 100 المجادله آيه 22 والبينه آيه 8 سبحان الله سبحان الله نقدر نوصل لحاجات ماكنا نقدر نوصلها اذا طبقنا مافي هذه الآيه وصلّ الله على سيدنا محمد |
رد: انا تعيسة
اريج يعطيك العافيه كلامك افادنا كلنا
فائق الشكر |
| الساعة الآن 11:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .