|
ياريت تساعدوني ما بعرف ولا اشي
مرحبا بنات كيفكم ؟؟
انا جديدة بالمنتدى وانا متلكم حابة انو ربنا يرزقني الخلفة الصالحة وان شاء الله بيرزقني اياها واياكم يارب انا متزوجة من 7 شهور يعني لسة جديدة بس ما بعرف لهلا ما صار حمل عندي وانا وزوجي كتير حابين أحمل ونجيب بيبي وعم ناخد كل النصائح وبنعمل كل اشي وحتن رحت ع دكتورة وما فيني شي لا انا ولا زوجي ما عنا ولا اشي الحمد الله وكل شهر بستنى اللي بعده وبعرف انو كتير بكير وانا معكم بس مش عارفة بيجيني شك وخوف انو ما رح يكون عندي بيبي وتقريبا كل البنات اللي تزوجوا معي حوامل هلا الله يطرحلهم البركة ويهنيهم ف ب شو ممكن تنصحوني وتفيدوني انا رحت ع الدكتورة وئالتلي ارجع تاني يوم الدورة ورجعت واعطتني دوا متل الكلوميد منشط وئالتلي ارجع 12 الدورة بس ما بعرف ليش ؟؟ عندكم فكرة شكرا الكم :) والله يرزقنا جميعا الخلفة الصالحة ياااااااااااااارب قولوا اميييييييين |
رد: ياريت تساعدوني ما بعرف ولا اشي
يمكن لحتى تزيد نشاط التبويض
عليكي بالصبر و الدعاء و الاستغفار الله يرزقك الحمل السليم المعافى |
رد: ياريت تساعدوني ما بعرف ولا اشي
حبيبتي طالما كل شي ممتاز ليه تعطيك منشط تو الناس يالغاليه
عموما احسبي طول دورتك وايام تبويضك وانت وزوجك شدوا الهمه في تلك الايام واكثري من الدعاء في جوف الليل والصلاه علي الحبيب والاستغفاااااااار فههو سحرررر |
رد: ياريت تساعدوني ما بعرف ولا اشي
عطتك كلوميد من دون ما تقلك شو مشكلتك ؟؟؟
الكلوميد بينعطى بحالات ضعف التبويض ، وبتعطى الجرعة حسب مستوى الضعف عندك حبة او حبتين او تلات من تاني او ثالث يوم الدورة ، في اليوم 12 بتراجعي الدكتورة لتشوف حجم البويضة ، اذا مناسب بتحددلك ايام للجماع ، اذا مو مناسب ممكن تعطيكي مهله كمان تلات او اربع ايام وترجعي عليها تشوفلك حجمها ، وتحددلك ايام طبعا انا بحكي عن خبرة لاني هالشهر والشهر اللي قبله عملت هالشي ، ولسا ماصار حمل الحمد لله لهيك بدها تزيدلي جرعة الكلوميد وممكن احتاج ابر ، طبعا انا دكتورتي شرحتلي سبب الضعف واللي هو التكيس ، لما تروحي ع موعد دكتورتك ، خليها تشرحلك بالزبط شو سبب الضعف اللي عندك بتمنى اكون افدتك ، وع فكرة نفس تفكيكرك بالحمل ، انا صارلي 10 شهور متزوجه :) وسلامتك حبيبتي ، وان شاء الله انا وانتي من حوامل هالشهر يارب |
رد: ياريت تساعدوني ما بعرف ولا اشي
ان شاء الله يارب كلنا شكرا الكم كتير
انتي عارفة شو اخت حيفا هي ما حكتلي انو عندي ضعف بالتبويض اصلا !!! قالتلي انو كل شي عندي كتير منيح واعطتني هادا الدوا اوفا ميت اسمو اخدتو تاني يوم الدورة حبيتين كل يوم !!! انا رح اروح واشوف وان شاء الله خير وان شاء الله كلياتنا هادا الشهر بنكون حواااااااااامل وما يضل ولا وحدة بنفسها البيبي ان شاء الله يارب |
رد: ياريت تساعدوني ما بعرف ولا اشي
رحت اليوم وفعلا اعطتني ابرة تفجير للبويضة وان شاء الله خير
ئالتلي انو اموري تمام وفيه بويضة جاهزة عندي وان شاء الله يارب هادا الشهر اتمني حامل :) وما اشوف خلقة الدورة يااااااااااااااااااااارب انا وانتو طبعا يارب يارب يارب |
رد: ياريت تساعدوني ما بعرف ولا اشي
طلبت منك انك تيجي بيوم 13 من الدورة عشان تشوفلك التبويض وحجم البويضة
وشي طبيعي هالتاخير عبال ما تاخد الاجسام ع بعض ومبااااارك ياعروسة |
| الساعة الآن 04:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .