المشيمه نازله وانا بالثالث ساعدووني ..
 

السلام عليكم
انا بكريه وبشهري الثالث واليوم كشفت بالسونار تبين ان المشيمه نازله + تجمع دم حول الجنين
انا كان عندي دم حول الجنين قبل شهر بس اختفى وفرحت واللحين رجع من جديد ورجع الخوف لي ..
وربي خايفه ان نزول المشيمه يسبب لي اجهاض .
من حملت اخذ ابر مثبته وتحاميل
.. انا عندي التهاب حاد في البول بس قالت الدكتوره ماله علاقه بالجنين
طمنوني عن نزول المشيمه لاني توي بالشهر الثالث
ورررررررررررربي خااااااااايفه وبس ابكي من جيت
الله يوفقكن ويثبت حملكن ساعدني

رد: المشيمه نازله وانا بالثالث ساعدووني ..
 

شالخربوطه لازم يتعالج الالتهاب .. الالتهاب يساعد الاجهاض لاسمح الله

عندك الام ببطنك؟
وينزل عليك دم؟ وشلونه؟

وضع المشيمه لوحده النازل بالثالث ماله معنى ولاينخاف منه
بسً القضيه بالدم ! من وين؟
لازم الدكتوره تعرف هنا

ادعي حبيبتي واكيد بندعيلك
طمنينا عنك

رد: المشيمه نازله وانا بالثالث ساعدووني ..
 

وضع المشيمه في الشهور الاولى من الطبيعي تكون نازله لاتخوفج الدكتوره مثل ماخوفتني ورحت لدكتوره ثانيه وطمنتني بكلامها قالت ترتفع مع تقدم الاشهر
بس يمكن تقولك نازله تبيك ترتاحين لاتجهدين نفسك بالشغل وتشيلي أشياء ثقيله
وثانيا الاخطر تجمع الدم من فين وش سببه ولابد تعالجه
والله يثبت حملك ويتمم لك على خير يارب

رد: المشيمه نازله وانا بالثالث ساعدووني ..
 

سووا لي مزرعة بول وبعد ثلاث ايام بتعطيني المضاد المناسب للالتهاب ..
اختي حياتو انا كنت مثلك بس قالت ماله علاقه وما اقتنعت بكلامه :(
لا الحمددلله ماعندي الام فبطني والدم كان ينزل شبه يومي ولونه غامق ..
سبب الدم : تقول نقص بهرمون التثبيت عندك وتعطيني تحاميل وابر مثبته
بس تقول لادخلتي الرابع بوقف ابر التثبيت خلاص وانا خايفه لاني مع ابر وتثبيت ينزل دم
شلون لو وقفته .. الله يثبته ..
اختي حياتو وام النجلاء الله لايحرمكم الاجر الله يسعدكم ويفرحكم بشوفة ضناكم ..

رد: المشيمه نازله وانا بالثالث ساعدووني ..
 

الخوات ما قصروا وحاولي ترتاحي وتلتزمي بالعلاج وان شالله تقومي بالسلامه وتشوفي البيبي بحضنك

رد: المشيمه نازله وانا بالثالث ساعدووني ..
 

ام النجلاء كفت ووفت والمشيمه ترتقع مع كبر الجنين بس افضل تراجعي دكتوره ثانيه عشن تطمنى ولاتنسي تطمنينا عليكي

رد: المشيمه نازله وانا بالثالث ساعدووني ..
 

ياحببتي ترى عادي انا نزله معي وكان ينزل معي دم حتى توقعت انو الجنين بيزل بس الحمدلله تقريبا

انا الحين بالخامس لكن ابعدي عن الجماع وريحي ضهرك على طول خلك منسدحه وكولي مثبت وان شاءالله يكتبلك الخير

رد: المشيمه نازله وانا بالثالث ساعدووني ..
 

المشيمه مامنها خوف بس ارتاحي ولا تعملي مجهود وخليج دايما علئ ظهرج ورافعه رجلينج على مخده او مسند

انا كانت نازله عندي من بدايه الحمل ... ارتحت وبدت ترتفع وصارت عندي خلفيه المشيمه .. والحين انا نهايه الثامن وتو عملت سونار وطمني الدكتور وقالي صارت بعيده عن عنق الرحم وراح اولد طبيعي ان سااء الله .. بس عليج بالراحه التامه

رد: المشيمه نازله وانا بالثالث ساعدووني ..
 

الله يوفقكن ويسعدكن ويريح بالكم مثل ماريحتوا بالي ..
وربي ماعندي خوات اشكيلهم زيكم يكفي قلوبنا ع بعص وفاهمين بعض
الله يطمن بالكم على اجنتكم ويفرحكم بشوفتهم ويثبتهم ياكرريم
الف شكر لكل من ساعدتني ..
وماراح انساكم بدعوة في الغيب ..

رد: المشيمه نازله وانا بالثالث ساعدووني ..
 

حبيبتي غيري دكتورتك افضل ، مستحيل يتوقف المثبت على الرابع وهو لسا فيه دم ينزل وموجود حوالين الجنين
المشيمه انسي امرها ، انا كانت نازله واسبوعيا اسافر واداوم ولا ارتحت ابدا
والحمدلله ارتفعت من نفسها
لكن الدم والالتهاب ماينسكت عنه ابدا ، دوري دكتوره شاطره وروحي عندها شوفي ايش قصه حملك
فيه بنات يستمرن على ابر التثبيت او الربط لين الولاده
لان اذا فيه دم ممكن يصير اجهاض مبكر ب الاشهر الوسطى
الالتهاب اشربي عصير برتقال اول ماتصحي من النوم وقبل تنامي والله عجيب يروح الالتهاب وكثري مويه
انا كنت اشرب برتقال الربيع وندى الجركن الكبير ، اخلصه كله بيوم وراح الالتهاب ، لاني مره اكسل اعصر برتقال
لان الادويه مره مافادت معي ، وتعبت من الالتهاب بشكل ، بس مع البرتقال والمويه يارب لك الحمد اختفا نهائي
ماتشوفي شر يارب وتقومي سالمه حبوبه