سلااااام ...
انا ماشفت موضوع بهالخصوص فقلت اجيب لكم.............. (ياخوفي يطلع موجود وانا مفهيه)


في مواقع شكثر تساعد على حساب اشهر الحمل وتطورات الجنين فحبيت اجيب لكم هالمواقع وياريت كل وحده عندها تضيف بعد .. عموما شكثر منكم مخلينه توقيع لهم


اول شي بشرح لطريقة حق الــ Pregnancy Tickers ..
في قسمين تحطون فيهم تواريخ (واحد منهم) ... اول واحد first day of your last mentrual period وهي تخلين فيه تاريخ اول يوم من اخر دورة نزلت عليج
واهو لموقع سيده بسوي حسبته وحسابه مثل مال المركز لصحي

اما لخانه الثانيه baby due date هي حق اللي اوردي تعرف التاريخ سيده تخليه
وعقب اما لموقع منه ومن نفسه يغير او ان تضغطين على get my pragnancy ticker


انا عندي 3 مواقع كل ادخلهم
الموقع الاول ::: هذا متنوع فيه حتى يراويج حجم بطنج .. وفي ان يراوي حجم الجنين باي حجم فاكهه او خضار وووو حتى فيه حساب اشهر البيبي بعد الولادة
Pregnancy Ticker - Baby Tickers




الموقع الثاني :: هذا يسوي لج فيديو بسيط (فلاش) عن حجم وشكل البيبي ويخلونه يتحرك في داخل لمشيمه .. حده روعه .. ولاتنسين تخلين اسمج باول خانه .. وحتى في ان تحددين ادا حامل بتوم او لا .. هههههه ضروري تشوفون شلون اذا توم حتى لو مافيكم توووم ..
المهم ونسخي واحد من الروابط اللي تحت الصوره وخليها بصفحة جديدة عشان تطلع لج كبيرة
Baby Ticker - The Baby Countdown Pregnancy Ticker



الموقع الثالث :: هذا معروف جدا .. وفيه ان يراويج شهر واسبوع لبيبي مع تطوراته وتقدرين تختارين اللون سواء ازرق او وردي او قوس قزح
Baby Gaga




ان شاء الله استفدتوووو ............ واللي عندها مواقع زوووود تضيفهم
وهذي حسبة الاشهر والاسابيع اللي تعتمد عليها المستشفيات والمواقع اللي خليتهم
الشهر الثاني
4اسابيع و 4 ايام تدخلين الشهر الثاني

الشهر الثالث
9 اسابيع كاملة تدخلين الشهر الثالث

الشهر الرابع
13 اسبوع و 3 ايام تدخلين الشهر الرابع

الشهر الخامس
17 اسبوع و 6 ايام تدخلين الشهر الخامس

الشهر السادس
22 اسبوع و 2 يوم تدخلين الشهر السادس

الشهر السابع
26 اسبوع و 5 ايام تدخلين الشهر السابع

الشهر الثامن
31 اسبوع و 1 يوم تدخلين الشهر الثامن

الشهر التاسع
35 اسبوع 4 ايام تدخلين الشهر التاسع