|
هل كل الامهات مثلي والا بس انا ...يارب عونك
السلام عليكم حبيباتي
خصوصا الامهات البكريات مثلي الحمد لله ولدت قبل شهرين تقريبا بقيصري ووليدي الله يحفظه ماكمل التسع شهور بس الحمد لله صحته مستقرة ولو اني اشوفه صغون مررة من فرحتي بيه ودي اشتريله اغلى شي واحلى شي واوفرله احسن عيشة بالكون صرت اخاف عليه من الهوا واحبه اكثر من اللزوم لدرجة اني مو مصدقة اني انا ولدته شريتله اغلى ماركات الشامبوهات والكريمات حق الاطفال من الصيدلية ولما اوديه يتطعم اموووت بكا هو يبكي وانا ابكي معاه ههههه ادا فيه شي فخشمو ومضايقو اشيله له عشان مايختنق واقعد ادور اي شي لازق فجسمو عشان اشيلو حتى مؤخرا لما شفت قشرة الراس بغيت اشيلها بزيت بس صار المكان فيه احمرار وطاحت مع القشرة شوية شعيرات وقفت على طول وقعدت ابكي من اللي سويته الحين ما المس راسه بس صارت الفروة اللي تحت القشرة لونها وردي كثير وكانها صارت تحكه صار فيه بقع بيضاء فرقبته ووديته تلات دكاترة يقولون عادي وانا خايفة منها لانهم ماعطوني سببها ولا علاج فعال لها امي وزوجي يقولون لاتوسوسي كثير لانك بتتعبي وتتعبيه معاكي اكثر من كثر حرصك عليه حتى فالطلعات ما اخلي حد يشوفه ابدا اطلع خشمه من البطانية عشانية يتنفس وبسسسس ودي ما يصيبه شي وماينقص عليه شي وماودي يتالم من شي اااااه يا احساس الامومة هل هالشي طبيعي والا كيف؟ اللي عندها اقتراحات للحاجات اللي صارت براسه تفيدني الله يرحم والديكم وشي ثاني ابوه مصر يختنه هالفترة وانا مرةةةة خايفة عليه لانه بنظري صغير ويمكن مايتحمل الم مابعد الختان لانه على اي شي بسيط يصرخ لو نحط له مرهم بارد يفز ويخاف هههه فديته ربي يحفظه فمابالكم بالختان وهو احيانا يبكي ويصير يكح من البكا قلبه رهيف مثل ميمته هههههه ساعدوني ياحبيباتي بتفاعلكم واقتراحاتكم او اي شي يفيدني ويفيد اللي مثل حالاتي الله يسعدكم ويحفظلكم عيالكم ويرزقكم الذرية الصالحة امين |
رد: هل كل الامهات مثلي والا بس انا ...يارب عونك
مرحبا خيتو
كلنا اكيد بنخاف عاطفالنا وخصوصا اول طفل بالنسبة للقشرة بتروح لوحدها مافي داعي تحطيله شي اما الختان فالمفترض تختن من زمان، مابصير هيك كلما كبر الطفل زاد احساسو بالالم فالافضل تعجلو بتختينو خصوصا انو كل ما كبر بتزيد حركتو وبتقل فترات نومو الله يخليلك ياه ويحفظو |
رد: هل كل الامهات مثلي والا بس انا ...يارب عونك
حبيبتي اول حاجه اللف مبروووك والله يفرحك فيه ويقر عينك يارب ،،
بسألك سؤل لو الله يكفينا الشر انمرض بالزكام بتحميه من الزكام بتحميه من الكحه بتحميه من العطسه ؟؟ طبعا لا لانها امور بيد ربي سبحانه وتعالى لاكن احنا نفعل الاسباب ونتوكل على الله حبيبتي من كلمك لاحظة انك مااتكلتي على الله حق توكله طبيعي الام تطالع جنينها وتأكله وتغطيه وتحضنه وتبكي لبكاه وتفرح لفرحته بس لازم يكون عندك يقيني بان الحامي ربي لازم اظهر طفلي للحياة عشان يعيشها انتي كذا اسمحيلي بتفسدين تربيته بيكون اتكالي بالدرجه الأولى بيكون خواف انتي الان بنظرك توه ونونو ومايتحمل ولا يقدر بتكل على نفسه صح معاك حق بس ماتوصل اغطيه عن الناس اقرائي عليه الورد وحصنيه وربي بيحميه وتوكلي على الله دائم رددي اللهم اني استودعتك اياه فحفظه اتخيلك ماتخلينه يبكي دقيقه وهذا غلط الطفل مايكبر لو مايبكي انتي تتضايقين وتحتاجين تبكين نفس الشي الطفل يتضايق ويبكي من غير سبب لبسيه واعتني فيه من ناحية الاكل والشرب والحمايه المعقوله من البرد والحر والاشيا المضره واتكلي على ربك سبحانه وتعالى الختان حبيبتي كل ماكبر يضره ماينفعه ويتألم اكثر من الان الحين لسى لحمة طري مااشتد ويعور وبعدين يصير يعرف الجرح والدم ويرتاع اللحين لسى مايعرف هالامور القشره والاحمرار اللي حواليه طبيعي جدا بس دهنيه بزيت زيتون الله يحفظه ويخليه لك ويقر عينك ببقيت اخوانه يارب ويفرحك فيه معرس |
رد: هل كل الامهات مثلي والا بس انا ...يارب عونك
حبيبتي اسمحيلي اقولك اللي تسوينه مو طبيعي ابدا !
تضرين نفسك قبل تضرين طفلك ، ليش كل ذا ليش ؟ مثل ماقالت الاخت مشاعل استودعي طفلك وراعيه واهتمي فيه اهتمام طبيعي الطفل لازم لازم يبكي ، اذا مابكا صدره بيصير ضيق مستقبلا ومايقدر يستحمل شي ابدا الطفل لازم ينمرض ، اذا مانمرض تصير مناعته قليله بس يكبر ويصير اتفه شي يتعبه اذا مرض الطفل كريات الدم البيضا تتكاثر وجهاز المناعه يتعود ويقوا الطفل لازم الناس تشوفه ، تخيلي فجاه يشوفونه كبير ويمشي ؟ بيقولون متا كبر ومتا مشي الخ الاهتمام الزايد نفس الاهمال ، الشي اذا زاد عن حده انقلب ضده للاسف ولدك بكرا بيكون اتكالي جدا ، ومايعرف يسوي شي بحياته ويعتمد عليكم .. جالسه تخربينه من هو بيبي سويله كل شي .. رضعيه ودفيه وحطيه بسريره او عربانته ، لو بكا دلع خليه يبكي عادي يوسع صدره وتروح الضيقه مثل مانتي لما تبكين ترتاحين هو بعد مثلك لازم يمارس الظاهر الطبيعيه لكونه انسان بشري بالنسبه للقشره ، احلقي شعره على الصفر وارتاحي ، بالنسبه للختان ؟ ترا اذا كبر الم الختان ماراح ينساه ولا راح ينفعك خوفك عليه حرام الطفل يتختن من اسبوعه ليش تاركته .. لازم يتختن .. كل يوم زياده يكبر وتقسا المنطقه عنده عكس لما يكون مولود ناعمه ومرنه كثير ربي يعينك حبيبتي ويحفظه لك |
رد: هل كل الامهات مثلي والا بس انا ...يارب عونك
ههههههههههههه فديييييييتك ..
مررره عليكي احساااااس وخووووف .. الله يحفظه لك ويبعده من كل ششر .. حبيبتي استووودعيه اللي خلقه وباالنسبه للختان ضروووري الحين قبل يكبر عشاان كل ماااكبر توووجع اكثر ومبروووووووووووووووك مقدما |
رد: هل كل الامهات مثلي والا بس انا ...يارب عونك
نفس حالتي اختي الله يهديكم في رب يحفظه من كل شر اتكلي على الله وخليك من وسوسه الشيطان
|
رد: هل كل الامهات مثلي والا بس انا ...يارب عونك
لبى ى ى ى الامهههااات ..
ياخخوفيي اصير مثلكك بسس hwaml02 هووو الاهتمام ححلو و مهم .. بس كل شي يزيد عن حدو ينقلب ضدو .. لاتهمليه .. اهتمي بيه في حدود المعقول :) والختاان مرا ضرورري من البدايه .. لان نومو يكون طويل و مابيحس بالالم .. الافضل تستعجلي و تتوكلي على الله hwaml7 |
| الساعة الآن 02:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .