|
وين القى شنط مواليد
مرحبا صبايا hwaml7 بنات ساعدوني ابي شنط ماركه اصليه للمواليد ولااعرف وين احصلها بالرياض توني اول حمل لي جهزت كل شي بس باقي الشنطه ماعرفت وين احصلها :( لاتقولون مذركير ولاسنتر بوينت :) وسؤال ثاني الحين التوزيعات للمواليد لازم او خلاص بطلوها الناس مره محتاره اسسوي او لا بنات يقولون خلاص محد يسويها والحين الضيوف يشوفون كيف التقديم وايش قدمتي لهم وبنات العكس يقولون سويها عشان اول مولود لك وابي رايكم اللي ولدت قريب او حامل تفيديني لو سمحتوو انا باالتاسع ودي اخلص قبل الولاده :( وبسس :) |
رد: وين القى شنط مواليد
اشوف تاجرات يبيعونها ابحثي وشوفي
و بالنسبه لتوزيعات احنا عندنا بطلوها بس اذا حابه سوي بس لا تتكلفين فيها والله يتتم لي وياكك وجميع المسلمات الحمل ويقومنا بالسلامه :) * |
رد: وين القى شنط مواليد
اختي لو حابه ماركه اطلب لك عادي ارسلي ايميلك وارسل لك الموديلات
|
رد: وين القى شنط مواليد
دخلي مواقع الماركات و تحصلين كل شي
احنا في الدوحه في ناس مايوزعون خلاص بس انا حامل وفي التاسع نفسج بس واح اوزع عطورات مع جوكلت لاسيقال و اكيد الضيافه راح اسوي شي مرتب الله يهون عليج |
رد: وين القى شنط مواليد
هي صح قديمه بس انا سويتها لاني بكريه وابي شي يذكرهم فيني واول فرحتي
والشنط ادخلي النت مواقع الماركات وتحصلي بربري وفندي وهالطقه |
رد: وين القى شنط مواليد
شوفي موقع تشلدرن صالون فيه شنط ماركات حتى تحت كل شنطة اسم ماركتها
وهذا الرابط , (اذا مافتح بس انتظري 20 ثانية شوفي تحت فيه عد تنازلي استنيه لين ما يوصل الـ 0 وراح يفتح لك ) Designer Baby Bags, Baby Bottle Bag, Baby Changing Bags, Cooling Bag | Childrensalon وعن التجربة جربت الطلب منه وكان يحتاج الشحن للرياض 4 ايام تقريبا , وكانت قيمة الشحن تقريبا 48 او 49 ما اذكر والله , وخامات منتجاته جميلة جداااا . واتمنى اني افدتك ولا تنسي التقييم |
رد: وين القى شنط مواليد
الشنطه انا شريتها من سنتر بوينت اخذتها مقسمه وكبيره شوي عشان المستشفى وبصير استخدمها لملابس النونو اذا سافرنا والصغيره قلت اذا طلعت من الاربعين اخذها لاني مجهزه بس حق الاربعين وعندك محلات كثيييييير بالرياض تبيع شنط بس انت ماحددتي ليه ماتبين سنتر يحني تبين افخم او تبين احلا او تبين ارخص عشان نقدر نساعدك ومانقولك اقعدي لفلفي بالرياض
والتوزيعات انا سويتها لاني بكر وابي اعبر عن فرحتي حتى سويت نوعين نوع سويت فيه تولت عذر وثلاث حبات عود ونوع حطيت فيهم ميداليه كنها عروسه وحبة شوكلت العطر كتبت معها كرت بأسم زوجي وكأنها هديه منه حسيتها حركه جديده وحقتي كنت بحط مرايات صغيره بس مادخلت فالعلب وكلها تلاقينها بشارع السويلم التوزيعات والعطور بسوق المعيقليه مقابل اوشيقر بسعر الجمله وممكن تحطين شوكلت من جهينه لانه حلو واسعاره معقوله ولا تكثررين بس وانا لان كلن بيجيب شوكلت فحبيت اتميز شوي ، والله يسهلك ويهون عليك عاد بالتاسع صعبه تلفين المحلات بي الله يعينك ويهون عليك |
رد: وين القى شنط مواليد
اختي ماقلتي ليه ماتبين سنتربوينت ومذركير عشان مانعطيك محلات مشابهه
عندك جاكازي واوركسترا مره راقين وحلوين التوزيعات ياقلبي سوي اللي يعجبك ناس بطلوها وناس يتفننوا فيها وعلى حسب كل وحده انا سويت لاني بكريه ومن فرحتي فيها ابي اوزع كل شي . سويت شغلات بسيطه نعومه شغل يدي تعبيرا عن فرحتي :) موفقه يارب وربي يسهل عليك ويقومك بالسلامه انتي والنونو |
رد: وين القى شنط مواليد
مشكوووورين يعطيكم العافيه ماقصرتووو :) امين يارب الله يسمع منكم والله يهون ع كل حامل ويسهل عليها :) |
| الساعة الآن 04:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .