|
حامل في نهاية الثامن والاستفراغ ذبحني
سلـآم ي حلوين كيفكم ان شـآء الله طيبين الهرجة اني حامل في نهاية الثامن وهذاك اليوم يوم الخميس تعبت وكل ما اكل شي استفرغ وكل ما اكل شي استفرغ المهم وصل 7 مرات مافي ولا شي في بطني ولمن رحت المستشفى اخذت مغذي واعطتني حبوب الغثيان قبل الاكل بنصف ساعه وقالت لي هذا تسمم ولمن رجعت اكل من الحبوب وبعد نص ساعه كل ارجع استغفر المهم وصلت حول 12 مرة استفرغت مافي ولا شي في بطني ومن بوكرا حسيت نفسي طيبة لمن اكل شي ما ارجع استفرغ بس ما اكلت كثثير خايفه لاني من الاستفراغ اليوم اللي بعدوو رجعلي الاستفراغ وكل ما اكل شي يجيني غثيان وما ارتاح الا لمن استفرغ واللي اللي بعدو تمام واليوم نفس الحالة رجعتلي مرة تعبت و كمان نحفت ووزني مرة نقصصص حسيت حاجة وحدة تريحني اللي هيا العسل لمن اكل احس بطني ما تعورني بس مرت اخويا تقولي مو كووويس للحامل لمن تتسمم انا شاكة انو ذا تسمم خايفه تكون جرثومة في المعدة ولا شي ومو خايفه على نفسي انا خايفه على جنيني ما سرت كل وانام بطني تقرصني من الجوع ايش اسوي قولولي العسل مضر ولا لـآ والله تعبت كل لو زاد الحال مرة بروح المستشفى بس ما ادري ودعواتكم لي ربي يشفيني ويسهل ولادتي يارب |
رد: حامل في نهاية الثامن والاستفراغ ذبحني
سلامتك حبيبي ماتشوفي شر وان شاء الله مايكون تسمم ولا شي
|
رد: حامل في نهاية الثامن والاستفراغ ذبحني
الله يعطيك الصحه والعافيه
انتي داومي على الحبوب واذا استفرغتي اكثر من ثلاث مرات روحي يعطونك مغذي واكلي بسكويت وشابورا العسل ماعندي خلفيه صراحه |
رد: حامل في نهاية الثامن والاستفراغ ذبحني
ماتشوفين شر حبيبتي
انا استفرغ في الثامن بس مو مثلك بس لأكلت اشيا ثقيله يجيني حرقان قوي الله يشافيك ويهون عليك وعلينا |
رد: حامل في نهاية الثامن والاستفراغ ذبحني
اممممين يارب
تسلمون يارب طيب محد عندو خلفية عن العسل .؟ |
رد: حامل في نهاية الثامن والاستفراغ ذبحني
عمتى تقول الاستغراغ واحد من علامات الولاده
يمكن انتى كذا والفضل تاكلى فواكه وخضار الفتره هذى |
رد: حامل في نهاية الثامن والاستفراغ ذبحني
شووكرـآ حبيبتي
|
| الساعة الآن 09:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .