|
وش تسوين لو كنت مكاني (وحدة تخطب زوجك)
السلام عليكم
بقولكم سالفة صارت لي قبل أيام وأنا قاعدة أسولف مع زوجي طلع جواله وقالي جاني رسايل غريبة اليوم بغيت أمسحها بس قلت لا لازم تشوفينها قبل لأني ما أحب أغبي عنك شيء تخيلو وحده تخطب زوجي وتمدحه وتقول إنها معجبه فيه وفي أخلاقه ودينه وكلااااااام كثير حوالي 12 رسالة ورا بعض طبعا أول رسالة قالت بكلمك بموضوع بس لايكون عندك أحد لا زوجتك ولا اخوانك طبعا الرسايل هذي كلها باسم شخص آخر يتكلم (هي منتحلة شخصية شاب غير معروف من الجماعة يمدح هذي المرأة لزوجي ) بس أنا على طول شكيت في هذي الإنسانه بصراحة أنا رسلت على طول من جوالي أدعي عليها وأتحسب عليها وقلت لها إننا عرفناك يا اللي ماتستحين على وجهك ... بصراحة ماتوقعت إنها غبية لهالدرجة رسلت بعد ساعات تقول لا تظلميني أنا جاني رسايل إن واحد يمدحني لزوجك وأنا مالي ذنب و ,,و ,,, وكلام كثير المهم صارت هي المرسلة ........... طبعا هي رافضة تعترف .. المهم قالت في النهاية أرجوك ماأبي أحد يعرف بأمر الرسايل ولا خواتي .. بصراحة كنت في البداية مولعة ونويت على الشر فيها وفي خواتها ... بس تعوذت من الشيطان وما جبت سيرة لأحد ,, وقلت أهم شيء إنها طاحت من عين زوجي واحتقرها لو كنت مكاني وش ردة فعلك؟ |
رد: وش تسوين لو كنت مكاني (وحدة تخطب زوجك)
عادي اهم شي عندك ثقه فزوجك طنشي ولا تحكي معو كتير بها الموضوع
|
رد: وش تسوين لو كنت مكاني (وحدة تخطب زوجك)
الحمدلله انك كشفتيها
|
رد: وش تسوين لو كنت مكاني (وحدة تخطب زوجك)
زوجك انسان طيب لانه ماخبى عنك شئ والحرمه احمدي ربك انك عرفتيها واستري عليها وفي نفس الوقت كوني حذره منها
|
رد: وش تسوين لو كنت مكاني (وحدة تخطب زوجك)
ياساتر
انتبهي منها يالغالية وتحرصي ترى ماتسوي هالعمايل إلا إنسانة خبيثة وقليلة الحياء الحمد لله إن زوجك ماشاء الله تبارك الله قال لك بالسالفة خلي هالثفة دائما بينك وبينه والحمد لله إنك كشفتيها بس هدديها بإن لو تكرر هالموضوع ولاشئ إنك تفضحيها عند كل أهلها وش هذي ماتستحي على نفسها لاحول ولاقوة إلا بالله وانتبهي على حالك ولاتمدحين زوجك عند أحد عشان مايحسدوك الحريم والبنات اللي عيونهن زايغه مثل هالبنت الله يلهمك الصبر من عنده ويخلي لك زوجك أبد الدهر ولايفرق بينكم يارب.. |
رد: وش تسوين لو كنت مكاني (وحدة تخطب زوجك)
حسبي الله عليها ونعم الوكيل
الله يكفيك شرها يارب والله يخليكم لبعض انتي وزوجك يارب |
رد: وش تسوين لو كنت مكاني (وحدة تخطب زوجك)
حلو كشفتيها واهم شي زوجك مومهتم لها
او لومهتم بها كان الله يعينك بس لوانا مكانك هالبنت خلاص احتقرها ومااكلمها |
رد: وش تسوين لو كنت مكاني (وحدة تخطب زوجك)
اعوذ بالله من جد وقاحه ما لك الا تتجاهلينها واهم شي انو انتي واثقه من زوجك
|
رد: وش تسوين لو كنت مكاني (وحدة تخطب زوجك)
مشكورات يا حلوات (مروة أم تركي ملكة القلوب طيف يارب أكون حامل (وأنا بعد) أميرة بدنيتي الود طبعي )على ردودكم الطيبة
الله يسعدكم دنيا و آخرة ويكفيني وياكم شر الأشرار وحقد الحاقدين آمين |
رد: وش تسوين لو كنت مكاني (وحدة تخطب زوجك)
الله يحفضلك زوجك
اختي انصحك لا تتكلمي عن زوجك او تمدحيه عند احد خصوصا الاقارب والله يا اختي العالم صايرررره تحسد على كل شي الله يسعدك ويهديهااا ويرزقهااا بزوج يشغلها عنك |
| الساعة الآن 08:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .