|
أرجوكم الله ايخليكم ابي احمل بولد
كثرت الموضوعات في القسم بهذه الصورة وبهذه العناوين أوكي اتمنى احمل بولد ربي يرزقكم الولد لكن ما تكتبون كلام داخل يرفع الضغط
وحدة كاتبة " البنات اللي جربوا هذه الطريقة بائت بالفشل " ايش البنات فشل عيل اللي ما تحمل كلش محاولتها كانت ايش؟؟؟؟؟ والثانية كاتبة "في مأكولات اتساعد على الحمل للأتوام لكن لللأسف يستخدمونها للحمل ببنت" وليش متأسفة انج حملتي ببنت الماما لما جابتج تحسفت أو تأسفت والا افرحت لو رب العالمين خلاج تتأحسفين وما تحملين ابداً ما بتتمنين أي طفل ايجيج ولد أو بنت طبعاً ما بتحسون بهذا الشئ الا لما اتجربونه انا جربته وندمت والحين اتمنى الطفل كامل الخلقة من ربي اختاروا الفاظكم للكلام واللي كاتبه رب العالمين وهو خير لج بيصير بس أهم شي نؤمن بهذا الكلام بالعمل مب بس بالقول ما اتعرفين لو رب العالمين ارزقج ولد ايش بيصير ؟؟؟؟؟؟؟ |
رد: أرجوكم الله ايخليكم ابي احمل بولد
كلامك صحيح يا توتا بس كل وحدة وكيف بيجرها الحنين لنوع البيبي اللي تحلم بيه
بس و الله البنات نعمة من رب العالمين فحراااااااااااااااااااام يا بنات تتكدروووووووووووو لو عرفتو انكم حوامل ببنوتة ربي يرزقنا برهم يا رب |
رد: أرجوكم الله ايخليكم ابي احمل بولد
صح كلامك ياأختي انا كنت نفس كذا كنت ادعوا ربي قبل لا احمل انه يرزقني بولد لان عندي من قبل
بنوته واتمنى يكون عندي الجنسين وحاطه امل كبير اني بجيب ولد وبعد ماكشفت بالسونارر قالت لي الدكتوره بنوته وزعلت وبعدين استغفرت ربي وفكررت وقلت في نفسي هذي نعمه من ربي غيري محروم منها المفروض اني احمد ربي وادعوه انها تكون سليمه ويجعلها من عباده الصالحين وحلفت اني اشتري لها احلى لبس واسوي لها احلى سابع وربي اني انتظرها تجي وأفرح فيها والبنت هي اللي بتنفعني هي اللي بتسأل عني وبتحن علي الله يخليهم لي ويحفظهم من كل شر |
رد: أرجوكم الله ايخليكم ابي احمل بولد
مشكووورة حبيبتي على الموضوع
الله يرزقنا الذرية الصالحة المعافاة دون زيادة أو نقصان و يرزق كل محرومة يا رب |
رد: أرجوكم الله ايخليكم ابي احمل بولد
معاك حق في كلامك
مو عيب الواحد يتمنى الولد بس البعض يقهر انه يتاسف او يقولون له بنت وتظل تبحث وتدور ع اي احد يقول لها فيك ولد طيب خلاص حمدي ربك والحمد لله الله رزقك في بنت ماتدرين المره الجايه ممكن يرزقك بولد الله يرزقنا الذريه الصالحه يارب معافاه من كل سوء تام الخلقه |
رد: أرجوكم الله ايخليكم ابي احمل بولد
اكيد انا مب ضد ان الانسان يتمنى انا ايكون عنده شي اهو محروم منه لكن الالفاظ والكلمات اللي مالها داعي هذا اللي انا معترضه عليه وكأنها ذنب ما كانها نعمه وفضل من رب العالمين
|
رد: أرجوكم الله ايخليكم ابي احمل بولد
العتب مو على الأم
العتب ع المجتمع والزوج اللي يسبب للزوجة ضغط نفسي رهيب ليش جابت بنت رغم انه متعلم ومثقف وعارف ان النطف الذكورية او الانثوية منه المجتمع مايرحم اخختي لذلك اعذر كل من تسأل عن طريقة الحمل بولد الله يرزق كل واحدة مننا بالجنسين يارب |
رد: أرجوكم الله ايخليكم ابي احمل بولد
مشكوره اختي على موضوعك وفعلا موعييب ان الوحده يكون عندها بنات وتتمنى تشوف الولد من ذريتها ويكون سند لها ولخواته
بس انا ضد العمليات الي يسونها علشان يصير ولد وضد مراجعه الطبيب حتى احدد نسلي تاركه هالشيء لرب العالمين وانا من الناس الي ادعي ربي يعطيني ولد وعندي بنتين هم اغلى شيء بحياتي واحيهم بشكل كبير وحتى لو جتهم اخت راح احبها مثلهم ويمكن زود فديتهم هم كل حياتي والله يكتبنا الي فيه الخير |
رد: أرجوكم الله ايخليكم ابي احمل بولد
انا نفسي بولد يااااااااااااارب ترزقني بالولد البار وتصلح ماعندي
|
رد: أرجوكم الله ايخليكم ابي احمل بولد
هي صدقتي و أنا تعبت وأنا أرد على مثل هالمواضيع المتخلفه وبصراحه في أمهات هم إلي يطلع منهم هالكلام والزوج ما همه بنت أو ولد بس هم تفكيرهم جذيه يبالهم غسل بالمخ والمخيخ و إتقبلوا رأيي لإنه ها اقل شي أكتبه على هالاشكال المريضه...
وتسلمين توته عالموضوع.... |
| الساعة الآن 09:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .