|
طفلي بغى يروح من ايدي لكن الله سبحانه لطف بحالنا
السلام عليكم
صباحكم رضا وخير وسعاده خواتي طفلي وانا اعطيه الرضعه استفرغ ونتم ابكرامه وطلع الاستفراغ من انفه وبعدها انكتم ماقدريتنفس وانا مت من الخوف وبعدها صار يبكي وش اقدر اسوي فيه لو سمح الله رجع وانكتم تكفون دلوني والله أني احسبه خلاص راح افقده الله يحفظه لي |
رد: طفلي بغى يروح من ايدي لكن الله سبحانه لطف بحالنا
الحمد لله ع سلامته
انتبهي لازم يكون مجنوب يعني نوميه على جنبه عشان لو استفرغ مايرجع في انفه ومنطقت مابين الحواجب اذا شرق مشي اصبعك بينها ويرجع له نفسه بإذن الله |
رد: طفلي بغى يروح من ايدي لكن الله سبحانه لطف بحالنا
والله يا اختي نفس المشكله كل ما انكتم ولدي اصيح واولول
بس ربك كريم الله لا يورينا فيهم مكرووه ومثل ما قالت الاخت حاولي ترضعيه ع جنب وحتى لو نام خليه ع جنب وان شاء الله يخليه لك وتفرحي فيه ... وحصنيه واستودعيه الله .. |
رد: طفلي بغى يروح من ايدي لكن الله سبحانه لطف بحالنا
مشكوورين
لانه عندي نفس لسؤال |
رد: طفلي بغى يروح من ايدي لكن الله سبحانه لطف بحالنا
والله ياحبيبتي نفس الموقف صار معاي وانا بالمستشفى كنت ارضع بنتي وشرقت ورجعت من انفها وفمها
وناديت الممرضه لان بنتي ماتقدر تتنفس اخذت شفاط الانف وقعدتها وشفطت من انفها زي هذا http://forum.hwaml.com/imgcache2/hwa...701939_927.jpg والحمدالله بنتي رد نفسها والله يصبرك لانه من جد شعور مرعب جربته واذا ترضعينه صناعي تاكدي ان الرضعه مقاس سمول اصغر مقاس الله يحميلنا ياهم يارب |
رد: طفلي بغى يروح من ايدي لكن الله سبحانه لطف بحالنا
صباح الخير
الله يسعدكم ويطمنً بالكم وشكراًع مروركمً الكريم وردكم الذوق |
رد: طفلي بغى يروح من ايدي لكن الله سبحانه لطف بحالنا
حبيبتي عشان انتي ام جديده ارتعبتي وخفتي ، والخوف والرعب مو حل ممكن جد ينكتم ويروح منك لا سمح الله
اولا طريقه رضاعتك للاسف غلط ، اكيد تحطينه بحضنك او بسريره وترضعيه وراسه نازل ؟ بالطريقه ذي الحليب ينزل للاذن ويسببله التهاب ب اذنه والتهاب الاذن خطير لدرجه الامهات غافلات عنها ، التهاب الاذن الوسطى يسبب جلطه اعوذ بالله منها ، ف انتي لازم ترضعينه بطريقه صحيحه يا انك تحطينه ف حضنك وتحطين يدك تحته وترفعين مستوى الراس عن باقي الجسم وتبدين الرضاعه او انك تحطينه ف سريره تحت وساده اعلى من مفرش سريره بحيث يكون راسه ارفع من باقي جسمه وتبدين ترضعينه بالطريقه ذي ينزل الحليب من الفم للمعده دايركت ، ماراح ينزل لا للاذن ولا للانف .. بالنسبه لو انكتم طفلك ايش تسوين ، اول شي تسوينه تقلبينه على الجنب طوالي وتقفلين خشمه لين يطلع الحليب من فمه او يصيح يعني تقفيله الخشم ثواني بس ، والجسم بطريقه لا اراديه راح يجبر الطفل يتنفس من فمه بعد حركه المسح من بين الحواجب صحيحه لكن تقفيله الخشم ممتازه وسريعه وتنقذ الطفل بعدها خبطي على ظهره عشان لو شرق او شي يكمل استفراغه .. شي ثاني راقبي المولود وقت رضاعته ، راح تلاحظين بدايه الشرقه عنده ، راح يبدا يكح وقفي الرضاعه وحاولي تكريعه عشان الهوا احيانا هو سبب المشاكل بعد حلمه الرضاعه ممكن مقاسها كبير عليه او مشقوقه فيتدفق الحليب بزياده ويشرق البيبي فيها ، الله يحفظه لك وهو البدايه تخافين لكن مع الوقت راح تتعودين .. وحتى مستقبلا لو بكى وزرق او انكتم قفلي خشمه بيرجعله النفس طوالي ،، موفقه حبوبه ، |
رد: طفلي بغى يروح من ايدي لكن الله سبحانه لطف بحالنا
مايشوف شر يارب والله يحفظه ويخليه لك ..
مثل ماقالت الاخت افضل طريقه تقفيل الخشم لثواني بس ... |
رد: طفلي بغى يروح من ايدي لكن الله سبحانه لطف بحالنا
حبيبتي هذا شي عااااااادي
وسبحان الله كل الاطفال يسوون كذا انا في طفلي الاول كنت اتجنن عليه وكل شويه اروح اجري بيه المستشفى واصرخ وأقول ولدي بيموت والممرضات والدكتور يضحكوا عليا ويقولولي هذا اول بيبي عشان كذا تخافي والحمدلله الحين صرت متعوده خلاص وهذا ثالث طفل عندي ما شاءالله عليهم وهي بس الشهور الاول وبعدها يخف والله يحفظلك طفلك ياااارررب ولا تتوتري ولا تقلقي يــــا عسل |
رد: طفلي بغى يروح من ايدي لكن الله سبحانه لطف بحالنا
الحمدلله على سلامة ولدك
البنات كفو وفو ماقصرو |
| الساعة الآن 10:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .