|
الحياء ذبحني من أم زوجي
سلام عليكم أخباركم يأآحبايب المهم بتدي بالموضوع ع طول ياأخوات أنا متزوجه من ولد عمي ماكملت سنه من يوم تزوجات المهم أيام عمري كله مع أهل زوجي الشقه حقت أهلي في الدور الاول وعمي بالدور الرابع من يوم أنا صغيره لحد الان تخيلواhwaml53 يعني ساكنين معنا بالعماره ::: قبل الزواج كنت طبيعيه معهم واسولف واضحك مع ام زوجي والكل بس بعد الزواج ماأقدر أهرج بكلمه وحده يسالني زوجي ليه أقول أستحي وبكل المحولاات حاولات ولا قدرت ... أسولف مع أم زوجي بس تسالني وأنا أجاوب مقدر أسولف معها مررره أستحي منها ومن طبينتها ... الكل يقول وش مغيرك بعد ماتزوجتي والاهــــــــــــممم اني قبل الزواج وقبل الخطوبه وقبل ماعرف اني راح اتزوج ولد عمي.. كنت فرفوشه اسولف مع الكل واضحك وكنت أجتماعيه بشكل واضح وماخطبتني زوجة عمي لولدها الا عشان المحبه والقرابه وكمان عشان أخلاقي مع الكل وسوالفي وضحكي لكن بعد الزواج انقلب كل شي... وانا مرتاحه مع ولد عمي بالحيل ... تكفون كيف أغير نفسي والله تعبت من كلام الناس.. كيف ارجع مثل اول؟؟؟ |
رد: الحياء ذبحني من أم زوجي
بصراحه مشكلتك غريبه
يعني انتو قرابه اصلا وساكنين في عماره وحده يعني المفروض تكونين قريبه من عمتك وتكونين انتي اكثر وحده تمونين عليها وتعرفين هي واش تبغى وتسوينه لها |
رد: الحياء ذبحني من أم زوجي
الله يعطيك العافيه ياعسل ع المدخله
انا اقول لك تغيرت مليون ب 100 |
رد: الحياء ذبحني من أم زوجي
تكفون لاتبخلوا علي يمنكن يتغير اسلوبي بتعمل اي وحده فيكم
وين الردود |
رد: الحياء ذبحني من أم زوجي
هيا خطوووه وحده منك وزياده في الجراءه قدامها لمره وحده يرووووح كل هذا
حاااولي يووم ترجعي مثل اول وان شاء الله يطيح الحطب موفقه اختي |
رد: الحياء ذبحني من أم زوجي
السلام عليكم ..
حبيبتي عادي اللي تمرين فيه .. انا في بداية زواجي كنت استحي ادق على اهلي ما كنت اعرف و انا اكلم اخوي بلجوال اخبي وجهي و راسي نازل و حالتي حاله .. و نفس الشي مع بابا و ماما هيك ههههههههههه و ام زوجي كنت استحي منها .. و قعدت مع نفسي قلت لنفسي مشاعل اذا بتستحين من كل شي محد بيعرفك و الحياء هذا بيجي ضدك تجرأي شوي .. فا كانو اهل زوجي ساكنين جمبنا كنت اسوي العصريه حلى و اوديه لهم و اوقات اروح لهم من بدري و اطبخ العشاء عن ام زوجي و اخليها ترتاح هي من سالفة العشاء .. لان لو بستحي معناتها ماراح اطلع من شقتي ابد و بكذا بيكثر علي الكلام و بيقولون ما تحب تشوف حد شكلها انانيه و و و و وو الخ .. عرفتي فا الموضوع كله يبتدي بخطوة جرأه بلتنفيذ ... |
رد: الحياء ذبحني من أم زوجي
ارسلت لك رساله خاصه طمنيني اذا وصلت
|
رد: الحياء ذبحني من أم زوجي
جزاكم الله خير نبض الغيم\\\ وصلت الرساله تسلمووون يالغوالي |
رد: الحياء ذبحني من أم زوجي
ياحياتو من إللي تستحي,,
إيوه هذي حركات عشان ماخذه ولد عمك..؟؟؟ هههههههههههههههههه ........... عادي ياتسبدي ماعندك مشكله بس سولفي إضحكي عادي لاتحطين فبالك سالفة الحياء....مع إنو الحياء محمود شرعآ بس شوفة النفس هيا إللي مو زينه وإنتي بالعكس مو شايفه حالك,,,,, .................... وإن شاء الله تنحل معاك.... |
| الساعة الآن 11:46 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .