|
الفزعًٓه ياخواتي
السلام عليكم ورحمه الله وبركاته
مساء الخير يابنات انا كنت اتابع واتصفح المنتدى من قبل وسجلت عشان ان شالله الاقي حل او نصيحه للي ابقوله لاني من جد احس مومرتاحه لي يومين انا متزوجه لي 3 سنوات وحامل باول مولود والله يتمم لي علي خير وعلي كل مسلمه واخر سنه جامعه ان شالله وزوجي طلب. مني اني اوكله عشان يشتغل باسمي ووكلته هالكلام له سنتين وهو موظف حكومي وقبل يومين جاني وكلمني وقال انه خلال شهرين ناوي يفتح موسسه وباسمي وطلب مني اني افكر قبل لاارد له لانه ان شالله ان تخرجت ماقدر اتوظف ولااقدر اسجل بحافز ولااقدم عالخدمه المدنيه لان باسمي موسسه وعمال هذا اللي حيرني وخلاني ماقدر ارد له ع طول لاني كنت بانيه احلام ومخططه انه ماقعد ان شالله ع طول ابتوظف لان قسمي مطلوب ومتفوقه وانا نفسي مااحب اقعد فاضيه بدون هدف بالبيت وبنفس الوقت زوجي طموح ويحب يشتغل ووده يامن لنا بيت ويقول فيه رجال عرضو علي افتح الموسسه باساميهم بس هو خايف يقول مابغي اتعب وابني هالمؤسسه واذا طلعت جا الرجال واخذ كل شي وطردني عشانه اسمه وقلت له مابي اقعد بالبيت وابي اتوظف واشغل نفسي ويجيني راتب وعدني انه يعطيني نسبه من الموؤسسه كل 6 شهور وزوجي كريييم معي ولايقصر علي واذا طلبته 100 عطاني 200 ومعه ثانوي ولحين ناوي يكمل جامعه وبيني وبينه 10 سنوات خايفه اوافق واندم اذا تخرجت وجلست بالبيت وصعبه ارده وهو يشتغل عشاني وعشان عيالنا يعني عيب علي تكفوووووووون مادري وش اسوي وهو قايل ردي لي وينتظر ردي اليوم |
رد: الفزعًٓه ياخواتي
من راي توافقي على طلبه لانه ايريد مصلحتك وراحتك
وبعدين وراكي طفل ومسؤاليه وموفقه ياراختي |
رد: الفزعًٓه ياخواتي
حبيبتي عادي وافقي واذا ماشاء الله الموسسه ربحت استمري فيه حتى لوبعدين انتي تبدين بشغل باسمكم وتدرينه. .....واذا نا كتب له الله التوفيق بالموسسه عادي يلغيه من اسمك والعمال ينقلهم على اسم ثاني او يبيعهم وانتي تقدرين تسجلي اللي تبين حتى حافز
|
رد: الفزعًٓه ياخواتي
السلام عليكم ..
شوفي بمثل هذي الامور مافيها ثقه بكره يصير شي في الشغل في وجهك انتي مطالبات ماليه حد من العمال سوه شي كله انتي اللي بتتحاسبين .. اذا بتوافقين على هلموضوع .. يكتب لك ورقه توثقينها انتي وياه عند محامي و فيها شهود من اهلك و اهله عند المحامي ن انتي مجرد اسم و العمل هو اللي بيشتغل فيه و بموجب الاسم راح يتخصص لك مبلغ شهري من الأرباح .. و من بعد أول ست شهور يعطيك راتب شهري حددي مبلغ .. مو كل ست شهور .. يعطيك لا .. قولي له اول ست شهور ماراح اخذ شي منك عشان توقف على رجلك لكن بعدها لا راتب شهري مبلغ شهري ينزل بحسابي .. من دخل المؤسسه .. قوليله هلورقه ضمان لك و لي لان راس المل حقك و انت فقط بتستغل اسمي و استغللك لاسمي بكذا ماراح اقدر اشتغل و لا استفيد من اي شي لو بغيت لاني كا اسم عندي مؤسسه ما يحق لي شي .. لا سمح الله انت نكرة شي و لا انا نكرتك و لا انا توفيت و لا انت توفيت بعد عمر طول محد يجي يطالبك شي و لا انت تطالب حد .. و بس و انت فكرر... و الصراحه توصلت لهذا القرار لاني سمعت كم وحده تنسجن بسبب زوجها .. ان هي تكفله و ياخذ بأسمها و و و و و بلاخر يطلقها و هي بلسجن .. لا سمح الله بكره يصير شي الاوراق موثقه لك و لي عند المحامي .. |
رد: الفزعًٓه ياخواتي
يحدد لك مبلغ شهري كا راتب و لك مبلغ من الربح السنوي اذا تبين يعني و لا يكفي الراتب اقلها تطلبين مبلغ 5 الاف ..
|
رد: الفزعًٓه ياخواتي
جزاكم الله خير
بس أخت مشاعل فكرتك صعبه توثيق وأوراق لأني اعرف زوجي بيزعللللللللل بقولي مافيه ثقه وأساسا أنا واثقه فيه بس مشكلتي أشوف اللي حولي يتخرجون وعندها طفل واثنين وتقول طفشانه من قعدة البيت وانا مابي هالحركه هذي سالفه لطبخ وانظف واقابل الجدران وبعدين افكر بأربع سنين راحت من عمري تعب وسهر واجتهاد وتفوق وأخرتها يضيع كل شي |
رد: الفزعًٓه ياخواتي
انا مع الاخت مشاعل....اذا بتوافقين لازم يكون بينكم اوراق...
|
رد: الفزعًٓه ياخواتي
حبيبتي هو طلب منك تفكرين قوليله هذا اللي طلع معاي
قوليله الشغل مافيه مزح و حب و اخوان حتى .. واثقه فيك و احبك .. لكن بلشغل حالك حال اي حد .. و ما تدري ممكن انا فجأه أقلب عليك و اقولك كل شي بأسمي .. و يلا مع السلامه في حريم سوها في رجالهم على فكره .. و انتي الحين حامل .. و ما تدرين لا سمح الله يمكن ما تلاقين وظيفه على طول .. و ثانيا بتنشغلين بأول سنه مع البيبي اللي جاي بلطريق مافيها زعل هذا ضمان لك و له .. انتي جربي احكي معاه و قوليله و شوفي شنو ردة فعله .. لكن حاولي تدوورين الجمل و الكلام المناسب مو شرط عند محامي بس شهود اخوانك و اخوانه 2 من اخوانك و 2 من اخوانه .. و كل واحد يوقع يبصم .. الورقه اكتبوها نسختين و البصم و التوقيع على الورقتين .. |
رد: الفزعًٓه ياخواتي
حبيبتي
كل تأخيره فيها خيره .. و الخيره فيما اختاره الله .. مو شرط لو ما اشتغلتي تقعدين بلبيت .. لا ادخلي دورات عملي هوايات .. فنون مكياج و شعر و هيك شغلات ادخلي عمل تطوعي و و و و و امور كثيره فيه بس يعتمد على المنطقه اللي انتي عايشه فيها .. |
رد: الفزعًٓه ياخواتي
من كلامك اضن انك لازم توافقي زوجك ، و انت مش عارفة ماذا سيكون في المستقبل ، المهم انت عيشي مع زوجك هذه اللحظة و اوقفي معاه من اجلك و اجل ابنكما ، و اتركي عليك المستقبل ..فالله كفيل بأن يجعله في صالحك ، يعني انت اليوم افتحي باب لزوجك و الله سبحانه و تعالى ما راح يغفل عن ما قدمتيه من خير لزوجك و أكيييييييييييييد راح يكافئك بعدين على ايثارك ، و راح تلاقي نفسك باذن الله في المنصب اللي حلمتي بيه .. لذلك لا تتسرعي في الحكم على المستقبل .. قدمي ما عندك من خير لحاضرك ..واتركي المستقبل على الله ..والله ما عنده الا الخير ان شاء الله .. و الله أعلى و أعلم .
|
| الساعة الآن 08:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .