|
ساعدوووني الله يخليكم
السلام عليكم
انا بنت عمري 14 سنة مسجله في في المنتدى لان احسكم راح تفهموني و راح تحلون مشكلتي و ترفعون معنوياتي .. بصراحة مشكلتي مع امي ... امي واجد قاسيه عليي و دايما تجرحني و تخليني اصيح و كله تدعي عليي و من يوم اني صغيرة في صف الرابع تخليني انظف البيت و اذا ترحع من الشغل و تجوف البيت وصخ تعصب عليي و تقعد تصارخ علييي و الحين اني كبرت و كله تصارخ عليي و كله تدعي عليي بالموت و تقول لي عساش النومة الا ما تقعدين منها او تقول لي ان شاء الله افتك منش انتين و ابوش و اخوش في يوم واحد .. اني تعبت واحد واني اخبي و امس مو من النوع الا اقدر افهمها بخطأها امي ما تبي اناقشها في اي موضوع و اذا اقول لها كلمة احاول ادافع عن روحي تقول لي قليله ادب .. رغم ان الكل يقول عني مؤدبه و الكل يحبني لان اخلاقي زينة و اني هادئه بس هذا كله مو باين في عيون امي ... و اني اقعد في البيت سنة كامله و الله العظيم سنة كامله ما اطلع حتى الكل يحاول يطلعني من الغرفه اللي قاعده فيها الا امي عاجبنها وضعي بحجه ان البنيه ماليها الا بيتها .. امي مخلتني اعيش حياه كبار اني توني صغيرة و انظفةو اغسل و ارتب و ظهريةما اقدر منه بسبب التنظيف انظف بيت كامل فوق و تحت و اذا رجعت امي ما يبين فيىعيونها و تقول لي ان اني ماةانظف عدل .. صدقونيةاني صغيييرة على التنظيف و الطباخ غيري تزوج و هو ما يعرف الا اني اعرفه !! اني للحين مو فاهمه لي امي تعامني حذيي ! اني احتاج لها تدلعني و تقعد معاي و تكلمنني .. ما اشوفها الا شوي و في هذا الوقت تصارخ عليي و تطلع ،.. كل يوم تطلع من البيت مع صديقاتها و اني اذا اطلع تتصل له تقول له رجعها .. ابويي طييييب غير عن امي و هو الا مصبرنا عليها لاني جم مرة اعرض عليه فكره ان هو يطلقها بس هو يرفض و ما يهتم لكلامها و معاملتها لانه يحبها ..، ابو عن جد معوضني عنها هو الا يقعد الصبح يسوي لنا اني و اخوي الفطور و هو الا يصك مريولي و هو الا يطلعني يخليني اشوف الدنيا ...، و اني ما انام الا اذا حضنت صورتة و كل يوم اصيح لان اخاف افقده لان اذا فقدتة عن جد بضيع ..، امي تعتبر حب ابويي لنا هو كله مجامله و فشار و عندها ان مستحيل احد يحب ولادة جذيي و امي واجد تعصب عليي لان احب ابوي اكثر و دايما تقول لي ان اني اشتري ليش جدي و جداك ما تدري ان انيزما ابي لا هذا ولا ذاك اني ابيها تعطف عليي شوي ! ساعات اصيح و اقفل على روحي الباب و تجي لي جدتي تراضيني و تبيني اصبر على امي بس اني تعبت ! و من كثر ما تعبت استغفر الله افكر انتحر !! امي واجد مأثره على نفسيتي ابي ابتعد عنها بأي طريقه بس مو قادره ...، كل يوم انام مجروحه و اصيح و السبب هي ..، عندي عمه صغيره دايما اشكي لها هي الوحيده الا تفهمني ..، الكل يقول لي المفروض اصبر و اتحمل بس اني ما اقدر تعبت منها تعبت لدرجه اني ما اتحمل اي شي .. صرت حساسه من كل شي اتحسسس ...، اني دايما احلم بأمي انها تقتلني او انها تصارخ عليي و تسبني و تهينني ..، حتى في احلامي مو قادرة اطلعها ..، تعبت و ما عندي احد اقول له باللي فيني نزلت قصتي في كذا منتدى و الك مو حاس فيني اني اما اقدر احس ان خلاص في يوم من الايام بنفجر !! مو قادره استحمل ولا شي ! اني اكره امي و كل يوم كرهي لها يزيد و السبب افعالها هي بأمكانها تكسب حبي بس هي ضيعت هالفرصه و الحين مستحيل احبها لان اسلوبها ما راح يتغير ..، اني واجد افكر اكلم اهلي ان يودوني لدكتورة نفسيه ابي اشكي ليها الا اني فيييه بس اتردد ..، و دايما احلم بأم مثاليه تحبني و تكون مثل صديقتي ..، ابيكم تساعدوني الله يخليكم قولي لي حل ..، اني الغلط مني والله من امي ؟! ليش تعاملني بقسوه ؟! اني ما عمري غلطت عليها اخليها تصارخ عليي و تهمينني و اسكت و اخبي في قلبي و اصيح لمن انام ! و بعدين اكلمها عادي ^ الله يخليكم ساعدوني و قولي لي ردود تفتح النفس اني واجد تعبانه نفسياً hwaml79hwaml85hwaml85 |
رد: ساعدوووني الله يخليكم
ياعمري الله يعينك اصعب شي ان الواحد يحس بهالاحساس بالوقت الي المفروض الام تكون صديقه بنتها امك صارت عدوتك للاسف...
مالك الا الصبر او خلي احد من اقاربك يكلمها مثلا خالتك او جدتك... بعدين كل ماعصبتي منها تذكري فضل الام وان الجنه تحت قدميها..وان شاء الله تكبري وتتزوجي بالشخص الي ينسيك حياتك .. بس حاولي قدر الامكان ان حياتك هذي ما تاثر على نفسيتك وتفكري بالطرق الشينه او المحرمه كالانتحار سوال ...امك هذا طبعها مع الناس كلهم او بس انتي؟؟؟ |
رد: ساعدوووني الله يخليكم
تسلمين ع الرد و ان شاء الله راح اصبر
امي معانا اني وواخوي و ابوي تتصرف هاالتصرفات اما مع صديقاتها تتصرف عادي |
رد: ساعدوووني الله يخليكم
لا حول ولا قوة إلا بالله
الله يصبرك ويعينك أختي ماعليك إلا بالدعاء لها بالهداية وإن ربنا يسامحها ع أخطاءها لأن هي مالها غيركم إنت وأبوك وأخوك، أعذريها أختي وحتى إذا لم يوجد عذر أعذريها دائما لأنها أمك أمك أمك وحاولين كلما صرخت أو ظلمتك تستغفرين الله وتدعين لها بالهداية يمكن هي كده لأنها عانت في صغرها من الحرمان والحنان ولا ماتحب تبين حبها لكم حتى ما تحس بحالها ضعيفة وياكم الله يحفظلك أبوك وأخوك وأمك وكل عزيز عليك وأرجوك أختي لا تفكرين في الإنتحار أو شيء آخر لأن الشيطان يستنى أي فرصة ضعف لبني آدم وأنت ماشاء الله عليك مبين من كلامك إنك ع خلق وتربية حسنة الله يصلح شأنك ويفرج همك ويسهل أمرك وينور دربك |
رد: ساعدوووني الله يخليكم
ياقلبي عليك ... والله كلامك حسيت انك بنت 20 سنه ... شكلك جد من كتر ماانتي تعاني يطلع منك هالكلام والتعبيرات
ربي يصبرك ... حبيبتي دام ابوك معك كويس وجدتك وجدك خلاص لاتهتمي كتير لامك أعرف انها صعبه بس حاولي تتأقلمي لاتخلي النفسيه تاثر عليك وعلى دراستك ... والله باذن الله ربنا حيعوضك بزوج ينسيكي الدنيا كلها واعتبري عمتك الصغيره هيا امك وصديقتك وخليكي قريبه منها وفضفضيلها حترتاحي لاتتركي نفسك لوحدك |
رد: ساعدوووني الله يخليكم
ياقلبي
انا عمري 19 سنه انا اكبر منك ب5 سنوات اعتبريني صحبتك اقلك شي ووانا في سنك كانت امي تقسى عليه وتضربني وا>ا عصبت كانت تدعي عليه بالموت ومرت الايام وكبرت وكنت الوم امي كنت اقول امي ماتحسسني بالحنان ولا تدلعني طيب ليش جابتني على الدنيا وكبرت وتزوجت وتغير اسلوب معي امي حنونه وطيبه مره بس كنت افكر اقول امي مسكينه عاشت في ضروف صعبه يوم كانت في سني ماكنت تعرف العاب ولا مدرسه ولا حنيه كانت تنضرب وتنهان وكانت تكرف ليل نهار ليش الومها وهيه ماعرفت طعم الحنان ولا السعاده ماتعرف اسلوب الحنان عشان تعاملني فيه ثانيا احمد ربي لان امي قست عليه لانها ربتني احسن تربيه والكل يمدحها في اخلاقنا وحجابنا ويوم حملت وخلفت حسيت بمعاناة امي وجلس ابكي من الظروف الي مرت فيها امي امي عندها السكر وتعصب غصب عنها سرت اتحملنه وبعد ما تعصب عليه اقول والله يامي لو تدعسين على رقبتي ابوس رجلك انتي تعبتي عليه وسهرتي حسيت قد ايش تعبت تحملي والدتك ياقلبي ه>ي امك زي ماوصى الرسول وصدقيني ماراح تعرفي قيمتها وحبها لك الا لمن تفقديها اصبري حبيبتي وربي بيرزقك بولد الحلال الي يعوضك بالحنان والحب بس احتسبي عند ربك واصبري واستني يوم الفرج ياقلبي وا>ا تبغي مني شي ولا تفضفضي كلميني على الخاص حبيبتي |
رد: ساعدوووني الله يخليكم
ياحياتي
انا حاسسه فيك لانه بنت جيرانه كذا مع امها كانت قسيه مرره بس تزوجه صارت امه مرره طيبه الله يهدي امك يارب قولي لخالتك تكلم امك يمكن تحن عليك |
رد: ساعدوووني الله يخليكم
ياعمري عليكي
الله يهديه يارب ماعليكي ياقلبي الا صبر مهما كان هذا امك نفس معنا بنت خالتي كانت امه قاسيه عليه من يوم كان عمره 16 كنت جدا قاسيه يوم كبرت وتزوجة البنت تغيرت الام سبحان الله صارت طيبه وحنونه على بنتها الله يسعدك يارب |
| الساعة الآن 02:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .