|
ارجوكم اختي بأمس الحاجه لرأيكم . .!
السلام عليكم ورحمة الله وبركاته
اخواتي انا ماطرحت مشكلت اختي الا وانا ارجو اني الاقي حل لها بأسرع وقت لانها تعبت نفسيتها كثير ومالقينا حل لمشكلتها النفسيه والصحيه اللي دامت لعشر سنوات او اكثر اختي اكبر مني بسنتين عمرها الان 27 سنه وغير متزوجه مشكلتها من قبل عشر سنوات اصابها داء الثعلبه بشعر رأسها مما سبب لها اضطراب بنفسيتها وخوفها من كلام البنات اللي حولها من ظهور الثعلبه واحنا نعالجها بكل الطرق مانفعت خسرنا بالمستشفيات الشي الكثير ومالقينا للان اي نتيجه واحنا حالتنا الماديه بالحضيض وبعض المستشفيات تطلب فوق المعقول يعني باحد المستشفيات قررو لها ابر يوميه ب 400 ريال لحد مالقينا مستشفى اسعاره نوعا ما جيده وتكفل بها مدير المستشفى جزاه الله خير ادري كثرت عليكم هرج بس اعذروني مابه احد اشكيله واحنا بس وحيدات امنا وابونا المهم مشكلت اختي الحين في ابر الكرتوزون اللي تاخذها اسبوعيا صار عند اختي اضطراب بالدوره الشهريه يعني تجيها سبع ايام بعدين تقطع اسبوع وترجع مره ثانيه مع الام شديده امي خافت بالاول من هالمشكله وقالت اكيد من الابر وراحت لدكتورة نسا وولاده وقالت لها ان الكرتوزون ماله علاقه ابد بالدوره هنا استغربنا وكشفت عليها وسوت لها تحاليل وقالت ان ماعندها اي مشكله وهذا نتيجه من توترها وحالتها النفسيه مع اني انا وامي نحاول نخليها بأحسن حال وندعمها بالكلام الزين وزرع الثقه والبعد عن كلام الناس والحمد لله مستجابه هي لكلامنا واجتماعيه والكل يدري ان ماعندها شعر وانها تلبس باروكه بس هي ماتبي احد يتكلم عن هالموضوع واذا سمعت اي احد قالها ليه شعرك كذا يقصدون الباروكه تتغير ملامحها وتضطرب وتطلع وتبكي وانا ما الومها على هالشي بس ابي الحل وش ممكن نسوي عشان توترها ونفسيتها تهدا ويرجع لها شعرها حتى العلاج مو راضي يعطي نتيجه والدكتوره كل شوي تقول انتبهي لنفسيتك نفسيتك نفسيتك اختي تقول انا وش اسوي الحمد لله مريحه نفسي بس ماتدري وش المشكله اللي تخليها تعيق من علاجها والحمد لله على كل حال الدوره عند اختي جدا متلخبطه ودكتورة النسا اعطتها منظم للدوره هل فيه خطر عليها اختي الوحيده وخايفه عليها من كل شي وهل ابر الكرتوزون مضره مع الاستمرار لان اختي كانت نحيفه مره والحين ماشاء الله امتلا وجهها وصارت دبدوبه مع ان الكتوره تقول ماللابر اي دخل احترنا واحنا نشوف بعد كل فتره حاجه تطلع والمعذره عالكلام الكثير والله اني بامس الحاجه لنصحكم او اذا احد عنده خلفيه عن الكرتوزون واضطراب الدوره والنفسيه يفيدني والله يجزيكم عنا خير الجزاء محبتكم |
رد: ارجوكم اختي بأمس الحاجه لرأيكم . .!
الله يشفيهآ يارب
حبيبتي عادي تاخذ منظم الدوره مافي ضرر ان شاءالله والكورتزون ينفخ الجسم معروف بس لاتكثر منه عليهاا بقراءة القرأن والصدقه (( داووا مرضاكم بالصدقه )) واقروا عليها الرقيه الشرعيه كل يوم مره والدعاء في صلاة الليل فالسجود له اثر عظيم وانصحهآ بالحجامه والحبه السوداء ماتشوف شر يارب |
رد: ارجوكم اختي بأمس الحاجه لرأيكم . .!
الله يطمنك بالعافيه
بس الدكتوره اللي تعطيها الابر تقول ماله علاقه بسمنتها لانها تاخذ الابر بالرأس لتنشيط بصيلات الشعر وتقول مايروح لباقي الجسم ولا ينفخه . !! الحمد لله هي تروح عند راقيه ونفسيتها نوعا ما مرتاحه بس الشعر اول مايطلع ويجي بيكثر يطيح والله يعين يارب صدقتي بأمر الصدقه والحجامه جربتها بس ماقدرت تتحملها وتاخذ سفوف الحبه السودا دعواتك ربي يسعدك وربي يعطيك الف عافيه |
رد: ارجوكم اختي بأمس الحاجه لرأيكم . .!
ممكن سمنتهاا من النفسيه والقلق
ربي يشفيهااا ويبلغكم عااافيتهاا دعواتك لي بالذريه |
رد: ارجوكم اختي بأمس الحاجه لرأيكم . .!
اللهم اشفيها شفاء لا يغادر سقما تجتهد بالقران والرقية وحجامة كويسه ربي يريح نفسيتها
|
| الساعة الآن 12:44 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .