|
مرحباصبايا الا علي قرب ولادتها ونفاسها
سلام عليكم ورحمة لله وبركاته بدي اسألكم عن كم شغله لنفوسات والا علي قرب hwaml13ولادتكم hwaml13 شو هذه تجهيزات المهم حق نفااااااااااااس بليز لو عندكم صور سرير لببيبي ومفرشك نفاسك خلينا نستفيد وناخذ الافكار من بعضنا ومنين شريتي المفرش من اي سوق واي محل وبكم اسعار مفرش نفاسك او طقم كامل يلا خلونا نتساعد انا بدي احترة ما اعرفة شو اسوي بيوم نفاسي (بدله الاستقبال / ومفرش نفاسي / و سرير البيبي ) ارجوكم يا امهات ساعدوني صورو لي مفارشكم وشو الالوان الا عملتوها لو كان تفصيل انا احترة وشو تنصحوني اخذ سرير البيبي ويفيدني لو مرة اكثر من شهر وبعدها اغيره معكم اختكم صغنونه ماباقي الا اسبوعين وادخل شهر ثامن بدي اجهز بس مابعرف احترة ساااااااااااااعدوني hwaml9hwaml9hwaml9 |
رد: مرحباصبايا الا علي قرب ولادتها ونفاسها
ياااااااااااارب الاخوات يفيدوكي
حبيبتي |
رد: مرحباصبايا الا علي قرب ولادتها ونفاسها
اهلين اختي اناا في اليومين هاذي دخلت الثامن << الله يسسهلي ويسسهلك ي رب
بنسبة للبيبي اشتريتلو وخلاص قريب اخلص اما ليا ما اشتريت ولا شي دحين والمفرش مره محتاره ايش اسسوي فيه صراحة مره غاليه المفاارش مره بس انا فكرت اني اروح مع اختي واشتري قوممماس وكلفة لون بنكي واشتري مفرش سرير لحالو لون ابيض او بيج ونفس نوعية قومااش المفرش اشتري منها واخيط مهد وعلبة مناديل وزباله والبسس سرير النونو ونفس الكلفة البنكيه اركبها على مفرشي والزباله وعلبة المناديل وسرير النونو بس قبل هذا كلو ططططبببعا انا ما افهم في الشغلات هادي ابدنن ولا اعرف نوعية الاقمشه ابدن يعني ينضحك عليا بسسهولة بس الشي اللي مساعدني اختي عندها مشغل وتعرف ماشاء الله كل نوع قوماش وقم سعرو يعني مره ماشاء الله عندها خبرة في مجال الخياطة واكيد دامها اختي ي بتخيط لي ببلاش او بترااعيني عشان كيذا احس اني حسستفيد اكككثر وحااووفر كثير وبنسبة لسرير النونو اشتريتو من رد تاق وشكلو زي كده http://forum.hwaml.com/imgcache2/hwa...114301_903.jpg وحتى قوماشو حلو لونو بنكي بس انا بغيرو بخلية طقم زي مفرشي والمهد والزباله ووعلبة المناديل اما لبس النونو ولبسسي انا احس مو لازم يكون زي المفرش احسها خرابيط كيده مالها داعي وبعدينت السرير باخذو بيتي وبرجع بفصصلو قوماش نفس نوعية والوان مفرشي حق بيتي يعني مفرشي حق النفاس مفرشي حق بيتي لونو بيج وبني وارونج وزيتي واشتريتو مرة غالي يعني جودة وليا وللعمر وبفصل لنونو بس تلبيسسه كيذا نفس الوان مفرشنا عشان يجي طقم مع غرفة النوم واتوقع لين سته شهور وخلاص يسير خطر عليه السرير ممكن يقوم ويطيح منو ولا شي ويحركو وخلاص بعدها بشتريلو سرير جديد حق اطفال وهداك ارفعو لنونو الثاني وبنسبة لثياب النفاس في عند واحة الجلابية وفلوور اشكال مرة حلوة لاكنها غاليه :( يعني ثوب بعبايتو ب 300 وعليها وانا عشني بكرية وما عندي فكرة فاخواتي يقولو العبايه تضايق فعشان كيذا ماني مشتريتو بس عندو اشكال ثانية مرة حلوة قوب لحالو وسعرو حول الميه والخمسين بشتريلي ثنين منو يعني ثنين كشخه حقت لمن الناس يجوني وعندنا مجمعات كبيرة تبيع ثياب الرضاعه على 35 و 45 لاكن مو حقت كشخة يعني حقت بيت قلت باشتريلي منها 4 او 5 يعني لنووم ولمن اجلس مع اهلي بس لمن يجوني ناس البس من هذيك وفي كمان اشياء حلوة ادور عليها ما لقيت غير عند ستر بوينت اللي هوا ثوب حلو كيذه ازارير من قدام ولين الركبة والبس تحتو لقينز هذا برضو حلو لمن الناس تجيكي ولمن برضو تجلسي في البيت يعني مع امي وحريم اخواني واخواتي وبــــس عاد |
رد: مرحباصبايا الا علي قرب ولادتها ونفاسها
انا بنفاسي فصلت مفرش كامل لونه ازرق وابيض ب1400 ريال والسرير كان دائري ويمشي الين 6 اشهر وحاليا عارضته للبيع لانه بيتي صغير وما عندي مكان وهذا صور نفاسي
http://forum.hwaml.com/imgcache2/hwa...161216_279.png http://forum.hwaml.com/imgcache2/hwa...161215_750.jpg واشتريت ارواب وكل واحد على 200 وزينت بيتي بالسنافر واشتريت العاب للبنوتات والاولاد الي جوووه بيتي سنافر كمان وتوزيعات الكبار كانت شوكولاته من باتشي مع ميداليات سنافر وجبت كمان حلاوه وجالكسي للاطفال وهذه صورتها http://forum.hwaml.com/imgcache2/hwa...161215_171.png |
رد: مرحباصبايا الا علي قرب ولادتها ونفاسها
أختي صحفيه المستقبل
من فين اشتريتي الحلويات الي في الصورة الأخيرة حقت السنافر مررررره حلوه |
رد: مرحباصبايا الا علي قرب ولادتها ونفاسها
الحلاوة الي حاطتها بالفازة شريت جالكسيات وحلاوة عود وجلست الصق كل وحده بالثانيه ورتبتهم
اما الحلاوة الي مكتوب عليه رقم 1 الاستاند من مكان والسنافر اشتراها زوجي لي اشترى لي 70 حبه وكلفت والشوكولاته من باتشي 2 كيلو بـ 320 أو 360 ناسيه والله وتنسيق الاستاند زوجي عمله لي |
| الساعة الآن 07:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .