هل يجوز تجهيز البيبي بالشهر الخامس ؟؟؟
 

مرحبا بنات عندي سؤال يصير ابدا اجهز من الشهر الخامس ولا لا رجلي واهل رجلي يكولون فال مو زين خلي على السابع وانا بكريه وكثير متحمسه اجهز للبيبي من اعرف جنس الجنين ممكن تجاوبوني

رد: هل يجوز تجهيز البيبي بالشهر الخامس ؟؟؟
 

عادي انا من أل ما عرفت ايش في بطني وانا اجهز

بس اذا بديتي الحين بعدين في اشياء جديدة بتنزل والوان احلى وتخفيضات وبتشترين زيادة وحتى علشان ما تتمللين بعدين في الشهور الأخيرة

رد: هل يجوز تجهيز البيبي بالشهر الخامس ؟؟؟
 

لاعادي مره بس لاتشترين اي شي اشتري اشياااء مره تعجبك لآنو بينزل اشيا جديده
وكمان فكري في هالوقت في مفرش الناس وسرير البيبي لان يبي لها وقت الله يسهلك *

رد: هل يجوز تجهيز البيبي بالشهر الخامس ؟؟؟
 

ياحوبي لك قلبوووو ...من رايي لسه بدري

انا بكريه وصاكه الشهر الثامن والى الان ما شريت شي

ناس يحمسوني ... وناس لا ..

نصيحه لسه بدري من جد ..فكري بس بتغذيتك انت و جنينك عيوني .

والله يوفق الجميع .

رد: هل يجوز تجهيز البيبي بالشهر الخامس ؟؟؟
 

عادي حبيبتي مو تو الناس اشتري اشياء خفييفه للبيبي انا بديت اشتري اشياء خفيفه من الشهر الخامس وبديت في التجهيز الكامل من الشهر السادس ومره تعبت في التجهيز لاني بديت اثقل .. والحمدلله مادخلت التاسع الا وكل شيء جااهز والحمدلله ارتحت وبالنسبة للأخوات الي يقولون ان في اشياء تنزل في السوق جديده فعلا انا شريت وبعد فترة شفت اشياء حلوه جديده بس بالعكس قلت عاادي الايام جايه وراح اطلع واشتري للنونو ملابس ثانيه وحتى لو شريت الجدد مارح يلبسهم غير شهر او اقل لان النونو معرووف يكبر بسرعه.. اتمنى اكون افدتك حبيبتي دعواااتكم اني اولد وينولد البيبي بكل صحة وسلامة

رد: هل يجوز تجهيز البيبي بالشهر الخامس ؟؟؟
 

حبيبتى..

جهزي للبيبي .. واستانسي مو صاير الا المكتوب ..

هشوم جهزت له من الشهر السادس تقريبا..
والحيين انشاء الله راح اجهز للبيبي ..

ونصيحة آختاري اللون الابيض والبيج والبينى والتفاحي والاصفر الفاتح

لانو تناسب الجنسيين احتمال يكون خطاء في السونار..

رد: هل يجوز تجهيز البيبي بالشهر الخامس ؟؟؟
 

عني بديت اجهز من الشهر الرابع كل مانزلت السوق اخذ قطعه خفت اولد بالسابع لما وصلت السابع اغلب الاشياء الي شريتها جهزته فيهاا شنطة المستشفى واغراض تريها كثيره صعب تشترينها دفعه وحده والان دخلت التاسع ولسا باقي حاجات بسيطه والله يسهلك ويسهل لي وللجميع ان شالله

رد: هل يجوز تجهيز البيبي بالشهر الخامس ؟؟؟
 

كل وحده حبوبه بحكم ظروفها

انا انكسرت رجلي في السادس وظليت شهرين بالجبيره والشهر الاخير ثقيله وتعبانه

كويس اني جهزت من قبل من فرحتي بالنونو بس فيه شغلتين

الاولى انك راح تحسين انك خلصتي كل شي وماباقي الا شوفة النونو وهالشي بيحسسك انك مليتي والوقت طوييييييييييييل ماعندك شي تتسلين فيه ويلهيك

الشي الثاني بتاخذين شغيلات يمكن تصير عليها تخفيضات او تلاقين مع الفراره احسن منها في البدايه الوحده تخم وبس

وكل وحده واللي يريحها بس عادي مافيها اي شي

انا سمعت بعد ان العدد الزوجي يعني الرابع والسادس والثامن كويس بس الثالث والخامس والسابع مايصلح بس مافي شي توكلي على الله وماعليك من هالكلام

موفقه وربي يسهل عليك << ثرثاره ههههههههه

رد: هل يجوز تجهيز البيبي بالشهر الخامس ؟؟؟
 

انا من عرفت جنس تؤامي الله يحفضهم من الشهر السادس
وانا باديه في التجهيزات شوي شوي
وبداية السابع جهزت نفسي وجهزت شنطة المستشفى وشنطة عيالي
وخلصت أغراض الصيدليه وكل شي
لأني تؤام وخفت أولد بالسابع
المهم الثامن والتاسع ماعندي شي مرتاحه مغير اكل ونوم
واطلع اتمشى وأغير جو
لين جاء موعد ولادتي ولله الحمد

رد: هل يجوز تجهيز البيبي بالشهر الخامس ؟؟؟
 

نسيت بقول شي بالنسبة للي يقولون فال مو زين تجهيز البيبي المسبق
ماعندهم سالفه

ماصاير الا اللي كاتبه رب العالمين

اعرف وحده تفكر كذا دخلت المستشفى ماجهزت ولا شي حتى أغراض المستشفى وبعد الولاده صارت توصي اي احد من اهلها جاي للزياره جيبو كذا وجيبو كذا
وش حادك على هالحاله على الاقل كم غيار للبيبي في المستشفى