ابغى حل لشقاوة ولدي :(
 

السلام عليكم
شخباركم .. ان شاء الله بخير وصحه

ااااه ياني ياخرابي الحئئئئوني بئه دنا خلاص تعبت
ههههههههه

والله ماعاد اتحمل ولدي داخل في الخمس سنوات وعليه شقاوه الله لايوريكم ولا يبتلي مسلم

لاتقولون تكلمي معها فهميه او يلفت نظر لالالالا اسخدمت معاه الترغيب والترهيب ولا في اي فايده

يوسخ يكب يكسر يعدم يزعج كل هالعبارات في قاموس ولدي

اما يرتب ينظف يشيل يحمي يجلس هذي العبارات خارجه عن قاموسه

اخرتها قبل شوي اخذ بودرة الصراصير وعلى طاوله الكي ونثرها كنت مشغوله مع اخته الصغيره وغاب عني اقوم ادور له لقيته كاب البودره ويلعب فيها بيدينه
وفي شويه منها في فمه ومن الصدمه صرخت عليه وشدته على الحمام وانتوا بكرامه اغسله وادخل يدي بفمه ابيه يرجع

ااه وش اقول بس
تدرون ماروحت لامي بسبب شقاوة ولدي يخرب عليها كل شي
وانا من اول كنت ارفض الشغاله لكن الحين رفعت الرايه لبيضا واستسلمت قلت له يجيب
صح نسيت اخبركم حتى الكنب يرفعه ويقلبه والمخدات مايخليها والمراوح يشغلها والانوار يشغل ويطفي يلعب فيها ولا المويه والمغاسل يفتح المويه ويلعب يعدم نفسه ويكتب على الجدار هذا وانا احرص مايغيب عن نظري تخيلوا معي لو غاب عني وش يسوي
ومره لقى باب الشارع مفتوح وطلع ولا حتى خاف ولا فقدني ابد خرج ولا رده الا جارنا شافه رايح مدري على وين
الحقوني عمركم سمعتوا احد مثله ولا بس ولدي كذا ؟؟؟؟؟
بالله جاوبوني لانفع معه الضرب ولا المدح

رد: ابغى حل لشقاوة ولدي :(
 

ههههههههههههههههه

ولدك حاله ناادره اذا ماينفع معه لا ضرب ولا مدح

الله يخليه لك ويصلحه ياارب

مداام انو خمس سنوات دخليه روضه كذا بيناام طول الليل والصبااح بيريحك لانه في الروضه

وبعد حااولي تجيبيله اشيااء والعاب يحبها

نصيييييييييييييحه

الاشياء الخطره وادوات التنظيف ابعديهاا عن الاطفال

والله يكون في عونك ويصلحه لك ياارب

رد: ابغى حل لشقاوة ولدي :(
 

هناك أخطاء كثيرة شائعةأختي الفاضة بالنسبة لأولياء الأمور، وهى أن الضرب هى الطريقة المثالية لحل المشاكل وسماع الطفل للكلام، فهذه الطريقة خاطئة لأنها تربى سلوكيات سيئة لدى الطفل، لذلك يجب على الأبوين التعامل مع الطفل وتصحيح أخطائه من خلال التوجيه والتصحيح وليس من خلال الضرب لأن الضرب يخلق طفلاً عدوانياً.

كما يجب على الأب والأم معرفة أن الطفل طاقة وهذه الطاقة يجب توظيفها واستغلالها لأن فى بعض الأحيان يلجأ الأطفال للعناد نتيجة وجود طاقة غير موظفة ووقت غير مشغول، لذا يجب على الآباء والأمهات من شغل وقت فراغ الطفل بأشياء مفيدة، حتى لا نترك الفرصة للطفل للقيام بسلوكيات سلبية، ولذلك يجب أن يحرص الآباء استخدام العقاب المعنوى مع الطفل مثل الحرمان من المصروف أو زيارة الأقارب أو النزهة أو اللعب إذا أخطأ. وتضيف الدكتورة أميرة أن العقاب بالضرب يربى الجبن والخوف لدى الطفل، وفى أحيان أخرى يربى العدوانية لذلك يجب أن ننتبه أن نربى العقاب المعنوى لدى الطفل لا العقاب البدنى لأن العقاب البدنى قد يؤدى إلى مشكلات واضطرابات نفسية عند الصغار.وارجوا ان اكون قد افدتك أختي نسيم الصبا
للأمانة منقول

رد: ابغى حل لشقاوة ولدي :(
 

الله يعينك عندك وعندنا خير ... بنتي عمرها سنه ونص الله يهديها شقيه مره مدري وش اسوي بس تحوس زي حركات ولدك تقريبا تعبتني ...
اتمنى القى حل لها

رد: ابغى حل لشقاوة ولدي :(
 

ااه جيتي ع الجرح hwaml31 نفس حالة ولدي بس ولدي عمره سنتين وشهرين hwaml03 يعني مافي امل يعقل

رد: ابغى حل لشقاوة ولدي :(
 

مشكورات حبيباتي على الرد
وعلى فكره اللي كاتبه الضرب مايجيب نتيجه اصلا ماجاب ولا خوفو يوم انتي كاتبه يسبب الجبن والخوف بالعكس يخرب ويبتسم
وفي قمة السعاده كمان
وينضرب وتستمر الحياه
الكلام الفلسفي مامنو فايده وانا اختك مع هالجيل امسكي العصايه وبس
ههههههههههههههههه
اصلا مااقدر امسك اعصابي
الله يهديه ويصلحه ويهدي الجميع يارب

رد: ابغى حل لشقاوة ولدي :(
 

الله يعين يعني مطول ولدي ع هالحال
عمره سنه وشهرين وماقدر اسوي شي الا وهو نايم

حتى الحين جايبه له العابه بالصاله ومشغلة التلفزيون ع طيور الجنه

وولاسف جاي حاشرني ع اللاب توب مو مخليني اكتب غصب اكتب الكلمه >> الله يهدييييييييييييييهم

ياليت من البنات اللي ماشاءالله قدرت تهجد ولدها تساعدنا

رد: ابغى حل لشقاوة ولدي :(
 

ربي يحفظه لك ان شاء الله
حبيبتي
الطفل لاكانت شقاوته زايده عن الحد فهو بالاكيد يبي يجذب انتباهك له بأي وسيله
اقعدي معه ولعبي له بنفس مفتوحه واسمعي له ولاتطنشينه لانه بيزيد بحركاته
وشاركيه في كل شي حتى بشغلك بالبيت حشيه انه مسؤل الاطفال بهالسن يحبون هالاهتمام
وجيبي له العاب فكريه تخليه يحوس فيها
روحي لفناتير عندهم العاب تهجد البزارين هجده لانهم يعطون الطفل اللي يناسب عمره

والله يعينك يارب انا ماعندي الا بنوته وعمرها سنه وثلاث شهور
ومطلعتلي قرون هههههههههههه
عنيده في كل شي بس اسايسها وتضبط معي هع
والله يهديهم ويحفظهم من كل شر

رد: ابغى حل لشقاوة ولدي :(
 

رد: ابغى حل لشقاوة ولدي :(
 

اييييه شفت الاشطن ولد حماتي شيطااااان يفتح الثلاجة وايكب كل اللي فيها ومرة الديتول من الطابق الثاني على الطابق الاول وما ايرد على حد انتي اتصارخين علشان ايوقف واهو طنااااش وايقول حق امه اذاغ هاوشتيني باطق اخوي الصغير

حبيبتي حاولي اتقللين له من الحلويات لان تعطيهم طاقة وبعدين وديه واشتري له لعبة اتظيع طاقته يعني كورة أو صلصال أو الوان ودفاتر اعرف اذا قلتلج ابعدي الاشياء الخطرة بتقولين رافعتهم ما ادري من وين طلعهم مجربيييين hwaml15

الله ايعينج انشا الله