|
مشكلتي طبخي ؟؟
السلام عليكم ورحمة الله وبركاته ** يااااابناااات انا مشكلتي مااحب اطبخ اعرف بس ميطلع حلو وله نكه يطلع عااادي جدا نفسي اصير احب الطبخ بس عشان زوجي لانه مره يعجبه ومليون مره يقول عادي نفسي ببهاراات ونكهات حلوه ايش الحل ؟؟؟؟؟؟؟؟؟ اخخخ تعبت
|
رد: مشكلتي طبخي ؟؟
والله ياعاشقه هالطبخ مشكلته مشكله
انا اوقات تضبط معيhwaml7 >>بالصدفه مدري كيف واوقااات لااااااااا يطلع خرااااااااب hwaml03 انا عدوي الرز مااعرف كيف يسوونه اوقات يطلع مو مستوي شوي واوقااات يطلع هريس ولا عمري ضبطته بس مسكين زوجي ياكل طبخي hwaml71 في جميع حالاته والحمدلله لا يشتكي ولا يقول شي وهذا الي يشجعني اني اسويه المرره الجايه احسن من كذا بس انا الي من النوع اذا طبخت مااكل من طبخي مايعجبنيhwaml9 بس الناس غيرك يعجبهم وان شالله ياعاشقه نطلع طباخين ماهرين hwaml7 |
رد: مشكلتي طبخي ؟؟
السبب الرئيسي عشانك ما تطبخين بنكهه حلوههه وشهيه هي انك ................
. ما تحبين تطبخين لو تحبين الطبخ وتحبين تبدعين فيه راح تصيرين طباااااااااااااااااااخه انا وربي ماعرف اطبخ كنت ولاشي بس خبرتي بالنظر كنت اشوف امي وكل ما اشوف احد يطبخ نفسي اطبخ بس ما تخليني ولما تزوجت اول شهرين في بيت اهل زوجي ما كنت اطبخ حسااافه ولما طلعت بيتي الخاااص صرت اطبخ ولما طبخت اول طبخه بحياتي كانت مكرونا وطلعت لذيذه مررررررررررررررررره انا ما صدقت اني طبختها وصرت اقرى كتب واسمع الحريم وهم يسولفون واقرى منتديات الطبخ وصرت اعرف اطبخ ممتاااز في مده لا تقل عن اسبوعين والسبب النفس الحلو وحب الطبخ وطريقه الطبخ يعني لازم تحمسين البصل وما تكثرين الزيت وما تحرقينه نص ونص لاء هههههههههه لازم مستوي حلو وتختارين الكسبره والبقدونس ورق الغار والدارسين والفلفل الحار والبارد والطماط لا زم يكونون بجوده ممتااازه وكميه المويا والبهارات الممتازه يعني للكبسه خذي بهارات الكبسه الخاصه والبرياني حطي بهاررات البرياني وظيفي النكهات الذيذه مثل البابريكا وغيرها والفلفل الاسود والكمون والهيل يفظل من الطازج المطحون مو من المعلبات وبث الله يوفقكم |
رد: مشكلتي طبخي ؟؟
حبيبتي جربي كذا وصفة ان شاء الله بتصيري بتحبي لما تلاقي أكلك عميطلع طيب
شوفي أنا حطيت موضوع منسف دجاج جربي أظن رح تنبسطي إنتي وزوجك فيه مرة على مرة بتصيري بتحبي تطبخي إلا اذا كنتي أول حملك هيك ساعتا ما بتطيقي الطبخ |
رد: مشكلتي طبخي ؟؟
والله كلام البنات مظبوووووووووووط
انا ماااااعرف اطبخ بس والله طفشت كل اكلي صار جنك وماله طعم بعدين نقحت كرامتي علي ليش ماعرف اطبخ وبجد قريت هنا من البنات مااااااااااشاااااااااء الله عليهم وبيجاوبوا ع الاسئلة برحابة صدر والله حبة حبة وراح تتعلمي انا صارلي تقريبا اسبوعين وماشي حالي حتى الرز كان عقدتي بس زبط معاي باخر اكله عملتها جربي والله الطبخ فن بس حبيه بالاول وراح تشوفي ممتع خصوصا لما تخربطي وتخربطي تحسي متنفس يعني تخربطي المقادير مو خربطة من عقلك يسلمو وان شاااااء الله راح تكوني طباخة ممتازة |
رد: مشكلتي طبخي ؟؟
قصة الخوات قبلي مشابهه لقصتي
انا محد علمني الطبخ قبل العرس وحتى الوالده كانت تطردني من المطبخ اذا شافتني دخلت ولو بالغلط! وكل تجاربي كانت بسيطه وبأبسط الأمور ! إسألي نفسج.. تعرفين تاكلين؟! يعني عندج ذوق في اختيار طعامج او اكلج؟! اللي يعرف ياكل.. يعرف يطبخ! يعني لما تاكلين شي.. تقعدين تفكرين شو محطوط فيها وشو مظاف لها؟!؟! حتى النكهات.. البهارات والخضار اللي لها نكات قويه.. شوي شوي بتشوفين نفسج تضبطين الطبخات إبدئي بأشياء بسيطه.. رز ابيض.. فوحي كوبين رز في لتر ماي وظيفي ملعقه ونص ملح.. وكل شوي شوفي نضج ولا لأ؟! أول ما تشوفينه يفور .. خفي على النار.. وارجعي زيدي بعد دقايق.. وارجعي شوفي النضج.. وشوفي شكل وحجم حبة الرز يتغير! (متعه) اول ما يصير ثلالث ارباع نضج طفي النار واشخليه ( يعني كبي الماي عنه)! ورجعيه في القدر وخليه على نار هاديه ينضج شوي.. لحد ما تشوفين انه نضج .. مش هريسه! اول مره سوي رز ابيض ساده بس ثاني مره .. قطعي بصله صغيره واقليها في سمنه او زبده مالحه ، زيدي عليها كمون وشوي كركم.. وبعد ما تشخلي الرز وتحطين في القدر رشي البصل المقلي فوق الرز قبل ما ينضج بس لا تقلبينه في الرز! وشوفي النتايج المذهله عند التقديم... وادعيلي.. وبعد مسبوع مثلا اقلي بطاطا دواير لوحدها وحطيها فوق الرز عند التقديم! وشوفي رسمة الاندهاش على وجه زوجج! أما باقي الطبيخ تراه حمسه بصل وخضار .. اقلي كل نوع خضار لوحدها اول عشان تعرفي اشكثر من الوقت تاخذ في النضج على حسب الجاز عندج وعلى حسب تاوة القلي عندج تيفال ولا لأ.. وبعدين اخلطيهم مع بعض وظيفي لهم الملح والبهار وورق الكاري الاخضر الفرش وصلصة الطماطم وشوي ماء.. نصيحه لا تستخدمين الماجي.. وايد مالحه! وبعد ما تتمكنين من الخضار وتتفننين فيها.. تزيدين ماي وتسوي نمرق .. او تقللين الماي وتصير صالونه ثقيله.. وبعد هذا يبالج درس في الدجاج واللحم والسمك... وبعد ما ينضج البصل في السمن |
| الساعة الآن 05:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .