منتديات حوامل النسائية - قصتي لتحقيق حلم الإنجاب

http://forum.hwaml.com/imgcache2/hwa...615857_392.gif

اليوم بعد جهيد جهيد

صار عندي وقت حت اكتبلكم قصتي ومعاناتي مع الحمل

ويارب تعجبكم وتبث الامل بقلوب اعتصرت من ألم مايحس فيه

الا من مر بهذي التجربه المريره

ابدي من يوم زواجي

http://forum.hwaml.com/imgcache2/hwa...615856_314.jpg

تزوجت يوم 5/7/2007 واول مادخلت بيت زوجي زوجي كال ادعي ربي

ان تحملي بسرعه انا تفأجات لان بعدني بثوب العرس

بس دعيت وكانت امنيتي احمل بسرعه لان انا احب الصغار قبل لا اتزوج

وكنت اعتني باطفال اخواتي واخواني اموووووت عل الاطفال

مرت 10 ايام من زواجنا يوم 15/7 زوجي اخذني يسويلي تحليل حمل لان كنت

دايخه وتعبانه انا ماوافقت بس مخسرانه شي رحت سويت التحليل

واتصل زوجي بامي بان بنتك تعبانه ومسكينه امي اجت عل طول

وكانت نفس الشي تتمنى احمل بس بنفس اليوم نزلت الدوره انا ماهتميت

لاني عروس لي 10 ايام بس اما اهل زوجي فتضايقوا وحزنوا

وانا بداخلي اضحك عل الاستعجال ومرت الايام وصار حمل بنفس الشهر

وتأخرت الدوره يوم يومين ال ان صارت عشر ايام اخذني زوجي واخته

للدكتوره اول ماشافتني كالت حامل بس انا طلبت تحليل للتاكيد

سويت التحليل

مبرررررروك حااااااااااااااااااااااامل

http://forum.hwaml.com/imgcache2/hwa...615856_655.jpg

فرحت وطرت من الفرح زوجي واهله فرحوا وبسرررررررررررعه نشروا الخبر

اتصلت باهلي وخبرتهم وفرحوا

ولاني ماعرف بلحمل ولا حد نصحني عروس اشتغل واصعد وانزل واتحرك

بدون استراحه واستحي احد يطلب شي واتاخر عليه واستغلوا هذي الصفه

في وصارت الطلبات بدون ماحد يكول احذري انتي حامل

واذا صار الاسبوع السابع رحت لموعد الدكتوره وتسوي السونار

تكول الطفل ميت مافيه نبض ننتظر اسبوع واذا فضل على هذي الحاله

ننزله انصدمت من الخبر

http://forum.hwaml.com/imgcache2/hwa...615859_295.jpg

وانهرت وصارت دموعي تنزل ليل نهار

زوجي ماصبر ينتظر اسبوع صار يدور فيني من دكتوره لدكتوره

ونفس الكلام وبعدها صار ينزل دم وانا كان لي امل بان يبقى جنيني

بس الحمدلله نزل ورحت للمستشف سويت عمليه التنظيف

راح حلمي وحملي بعد ماكنت احلم بضمه وشوفته

عملت التحاليل وكلها نظيفه وماعندي سبب للاجهاض

وانتظرت شهر شهرين ثلاث رابع شهر زوجي ماصبر

اخذني لدكتوره اعطتني كلوميد ورحت يوم التبويض وكانت بويضه حجمها 18

وبشرتنه بان ان شاء الله يصير حمل هذا الشهر

لان كل شي سليم والحمدلله حملت نفس الشهر

لكن قدر الله وماشاء فعل

الجنين بدون نبض انهرت وبجيت وكنت خايفه من عمليه التنظيف

صرت ادعي ربي بان ينزله بدون عمليه تنظيف والحمدلله نزل

بدون عمليه ومنها بدت معاناتي

http://forum.hwaml.com/imgcache2/hwa...615859_121.jpg

تكيس هرمون الحليب مرتفع الرحم مقلوب واعالج شي يطلع شي

وتمر الايام وتتم سنه زواج وبدون طفل الي اتزوجوا معاي وبعدي حملوا وولدوا

والي حملوا معاي تم حملهم وولدوا بلسلامه وانا انا اسمع بان فلانه حملت وفلانه وولدت

وانتي ؟؟؟؟؟؟؟؟؟

كنت اكره السؤال والمقارنه بيني وبين اقارب زوجي

وصارت المعامله تسو معاي من قبل زوجي واهله وصرت اسمع الكلام الجارح

واصبر واصابر واكابر

لكن دون نفع ادخل غرفتي واصيح وابجي الا ان اتعب

http://forum.hwaml.com/imgcache2/hwa...615860_288.png

http://forum.hwaml.com/imgcache2/hwa...615859_597.jpg

صرت احب الوحده وكنت اتضايق من يزورنا احد لان اكيد راح اسمع كلام يجرحني

والكل يتكلم بان بعد مايصير عندي اطفال وصرت عقيم بنظر الجميع رغم اني حملت مرتين

اهل زوجي يكولون كذب مو حمل تدعي الحمل

والي تجهض بعد ماتحمل ابد

والي عندها هرمون الحليب ماتحمل ابد

وانواع واشكال الكلام الجارح

بعد سنه اخت زوجي زوجت اولادها وحملوا زوجاتهم

واسمع ام زوجي تكول لاتكلمني معاه لاتحسدهم ولا تخبريها بشي

انا اسمع وابجي ربي انتي الى رزقتهم ارزقني مثلهم

وربي ماحسدت احد بلعكس كنت ادعي ماحد يمر بتجربتي

صار زوجي معاملته جافه وقاسيه معاي وجت دكتوره ماياخذني يكول اهلك ياخذوك انا تعبت

صرت اتصل باختي واخي وياخذوني ماتركت دكتوره ولا اعشاب ولا شي ماستخدمته وبدون فايده

اخر مره اخذني اخي لدكتوره سوت السونار كالت متحملين انتي عندك تكيسات ساده

الرحم ومايصير حمل انصدمت وانقهرت ورجت من الدكتوره للبييت وانا ابجي وابجي واخي

يصبر فيني شافتني امي واخواتي وصاروا يبجون معاي

ورجعت لزوجي سئال هاااا شنو كلت لا الدكتوره تكول مافيك شي

خفت اخبره ويتركني ويتزوج او يسمعني كلام كذبت وكذبت
ن
حتا احمي نفسي من الكلام وبعدها تركت كل علاج وتركت الدكتورات

وسلمت امري لرب العالمين

وحملوا اخواتي وزوجات اخواني وولدوا وانا نفسي ماتغير شي

واكيد من تحمل وتولدوا من معارفنا زوجي واهله يسمعوني كم كلمه

وايس الكل مني حتى امي

تكول خلي الرجال يتزوج وانتي اصبري

تحطيم في تحطيم

قبل رجب بشهرين بعثنا جوازانتا حت نسافر للعمره

وكانت هذي فرصتي الاخيره

رحت للعمره http://forum.hwaml.com/imgcache2/hwa...615857_845.jpg

وصرت ادعي وادعي وامي تدعي معاي

كان عيد زواجنا الثاني واحنه بلعمره

رجعت ماشرفت انتظرت يوم يومين ثلاث ماكو فرررررررررررحت

وصار امل عندي زوجي كان مسافر ومايسمحلي اطلع

فاتصلت فيه وخبرته بان موعدها اتاخر واريد احلل

اتصل باخته وطلب منها تاخذني للمختبر رحت وكنت انتظر النتيجه وقلبي

يسرع بنبضاته وارتجف واذا

مبررررررررررررررروك

حاااااااااااااااااااااااااااامل

بجيت لكن هذي المره من الفرح

وبسرعه رسلت مسج لزوجي انا حامل حامل

مامصدقه نفسي واخت زوجي وزوجها كالوا اطلبي عل هذي البشاره

شنو بنفسك شكرتهم وكنت صايمه فما طلبت شي

بعد سنتين عذاب عذاب حملت

ياااااااااااارب كم انت رحيم

http://forum.hwaml.com/imgcache2/hwa...615859_478.jpg

انا حامل مامصدقه وعملت تحاليل للجرثومه والفايروس واداء القطط

حتا اتلافا الخطر على جنيني

وصارت الصدمه رجع زوجي واخذني للدكتوره

قرت التحاليل صاحت شلون تحملين وعندج هذا الفايروس

اكيد راح يقتل الجنين وتجهضيه انصدمت واتحطمت

وصرت ابجي والناس تتفرج علي الفايروس حللت قبل لا احمل ماكان موجود

ومن حملت صار موجود

رجعت عند اهلي وانا متحطمه وابجي اخي صاح فيني

شفيج ماعندك ثقه برب العالمين اذا الطفل لك مراح يصير فيه شي

ربك رحيم لاتياسين رجع عندي امل بعد الياس

رحت لغير دكتوره كالت لا مافيك فايروس النسبه قليله

وماتاذي الجنين وحتى علاج ماعطيك له

فرحت وحمدت ربي وشكرته بقيت عند اهلي نايمه عل ظهري

لا اشتغل ولا اتحرك رحت سويت السونار وكلبي يخفق

وجسمي يرتجف خايفه انصدم مثل المرات السابقه

لكن المفاجاه الجنين ينمو وهذا نبضات قلبه فرحت فرحت

بشرت زوجي ولما رجعت لاهلي كلهم ينتظرون على جمر

شافوني اضحك وصار الشكولاته تنرمي على راسي

والصلوات عل النبي كانت فرحه لا توصف

وتعرفون معاناه الحمل ومشاكله وتعابه

كانت درجات حرارتي دائما مرتفعه سئلت دكتورتي

سوتلي تحاليل سكر والتهابات مجاري بوليه وحمه مالطا

واهنا الصدمه طلعت عندي حمه مالطا

يارب يارب مت ارتاح صحت ودموعي تنزل

اعطتني علاج لها الدكتوره بس كنت اخاف من العلاجات

اختي صيدلانيه خذت عينه دم وراحت عند صديقتها تتاكد من التحليل

والحمدلله التحليل الاول كان خطا حمه مالطا

وبعدها انفتح عنق الرحم وعملت عمليه ربط عنق الرحم

وكنت طول فتره الحمل مريحه ونايمه على ظهري

الى ان مرت الايام وكانها شهور والتسه شهور صارت علي تسع سنين

اول يوم بشهر التاسع فتحت الربط

وصرت انتظر الولاده وكملت التاسع واول يوم من الشهر العاشر

انفجرت مويه الجنين والم الولاده ويااااااااااافرحتي راح اشوف بنتي

اخذني زوجي للمستشفى ودون علم اي حد كنت اتمنى اولد بدون ماحد يدري

واروح لاهلي مفاجاه لكن امي اتصلت وانا بلمستشفئ حست فيني

واول ماسمعت اني بلمستشفئ اجت مع اختي وابي بس انا انحرجت

من ابي وطلبت منهم يرحون وبقت عندي اختي وزوجي

ومن الساعه 7 الصبح للساعه 3 الظهر وانا الالم الولاده تزيد وتزيد

والرحم فاتح 2 سانتي بس

وزوجي كل شوي يكول خل يفتحون بطنك اريد اشوف بنتي

وجلس يناظر ويطالع الاطفال الصغار بغرفه الاطفال

واجت الدكتوره صارت تخوف فينا الطفل راح يتعب ويمكن بلطبيعي يموووت

وصارت تتكلم باشياء مرعبه حتى تسوي قيصري وتربح فلوس

انا اعرف همها الفلوس بس خوفا عل بنتي وافقت ودموعي تجري

خوف من العمليه الساعه 3 و45 دقيقه دخلت صاله العمليات

وشفت ايحضرون اغراض العمليه مقصات وسكاكين وانا ارجف من الخوف

والم الولاده صحت خدروني نسوني الالم تعبت

خدروني وماهي الا نص ساعه وصحيت اصيح اريد بنتي شوفوني بنتي

جابوا بنتي اشوفها واحلا لحظه بحياتي

http://forum.hwaml.com/imgcache2/hwa...615857_980.jpg

ضميتها ورغم الم العمليه نسيتها ونسيت كل التعب والمعاناه

حمدت ربي وشكرته بان ماتركني بمعاناتي

ربي يارحيم كريم وعظيم

ماتركني بالالمي ومعاناتي

الحمدلله الحمدلله

اسفه عل طول القصه بس انا اختصرت قد ما اقدر

ربي يرزق كل انسانه الحمل السليم

ودعواتكم ربي يرزقني بلحمل عاجلا غير اجل

لان مع الاسف معاناتي رجعت وزياده والتعب اكثر من اول

الحمدلله والشكر لله