|
مشكلتي مع زوجي وصلت الطلاق أفيدوني جزاكم الله خير
بسم الله الرحمن الرحيم ....أنا متزوجه من سته شهور وعمري 22 وزوجي 31 سكنت في بلد وأهلي في بلد تاني او ل ما تزوجنا كنت احس أني غريبه مكان غريب والناس غير وطلبت منه يوديني عند أهلي طبعا رفض بحجت يقدم ماجستير وأنا تعبت نفسيا وطحت بالفراش جأت ماما عندي وجلست عشره ايام وهو بدأ يتضايق ويرمي كلام ومن هنا بدات المشاكل بعدين ماما راحت صار بقولي ممنوع تروحي لأهلك او اهلك يجوك حتى تلفون ماأكلموهم أنا انجنيت سكتت مرت الايام وجى زواج أختي وقال مافي روحه وما خلاني اروح وبالصدفة بعد كم يوم جى اخوي على البلد اللي أنا فيه شغل قالي بمر عليك اسلم جى وزوجي قام طردوا من البيت. وسكت وماقولت شي. في رمضان قالي بننزل نسوي عمره وبوديك عند اهلك بس يومين قولت تمام ومااعطاني ولا ريال طول الست الأشهر اللي عشتها معاه ولمن رحت عند أهلي طلبت منه فلوس رفض أنا مره انقهرت حتى هديه لأهلي ماجبت. لسه غير انو امه تتدخل في حياتنا لانها هيه ساكنه تحت وأحنا فوق بالعمارة المهم أنا لما جى موعد الحجز وبنسافر رفضت أسافر معاه والحين أنا عند أهلي صار لي شهر ونص ما كلمته ولا كلمني ولا حتى رساله وأهلي يقولي لاترجعيله ما يستأهل والحين اخوي بيرفع عليه قضيت طلاق وانا والله احبه ومابغى اطلق بس محتاره أيش اسوي حاسه راسي بتفجر وكلت امري لربي. يرأب اللي فيه خير اكتبه اللي عنده رد جزاكم الله خير...افيدوني
|
رد: مشكلتي مع زوجي وصلت الطلاق أفيدوني جزاكم الله خير
نصيحتي لك يــــا الغاليه
لاتستعجلي وترفعي قضيه لان راح يعتبرها أهانه له والأمور راح تصير اسوئ من كذا والقلوب رااااح تشيل والله يهدي النفوس ونصيحتي صلي واستخيري واستغفري الله كثير ولو تحبيه دقي عليه واتفاهموا وعرفيه ايش اللي يضايقك منه والحرمه ماليها غير بيتها وزوجها والله يرجع لك زوجك ويريح قلبك حبيبتي |
رد: مشكلتي مع زوجي وصلت الطلاق أفيدوني جزاكم الله خير
تحبينه بعد كل شي..؟؟؟؟؟؟؟؟؟؟
عجيب أمرك, لو مكانك مارجعت والمفروض أخوك مايستعجل بحكاية القضيه,, حتى لو تجلسي شهور يمكن يقر من نفسه ويرجع لعقله ويراضيكم بس ترجعين من نفسك لالالا...... |
رد: مشكلتي مع زوجي وصلت الطلاق أفيدوني جزاكم الله خير
اختي في الله ،اولا الله يفرج همك يارب،انا عندي لك حل وبحكم اني قدصارلي موقف مع زوجي ورحت ل اهلي وانحلت ولله الحمد،
اولا خلى اهلك يتشرطو يقولو ترجع لك لكن بشروط،الا تحترمها وتحترم اهلها وتعرف ان وراها رجال ثانيا مصروف شهري انتي تحدديه ثالثا ماتحرمها من اهلها ،وبس واحنا مانبغى توصل للطلاق لانه ابغض الحلال ،وياليت الي يتكلم معاه يكون رجل معروف عندكم بحلمه واخلاقه والتزامه عشان يتقبل الكلام ،والله ييسرها لك ياغاليه ويفرج همك ويكتب لك الي فيه الخير يارب،ولاتنسي الجئي الى الله وربي عنده كل خير اشكي همك لربي وادعيه في الثلث الاخير من الليل ، |
رد: مشكلتي مع زوجي وصلت الطلاق أفيدوني جزاكم الله خير
انا من رأي انك تتكلمي معاه و على قوله الكلمه الطيبه صدقه ترسلين واحد يتفاهم معاه بس مايكون من اخوانك وبصراحه هو اللي سواه مو شوي انو يطرد اخوك يمنعك من اهلك هو ماشراك علشان يسوي كذا بس ممكن يكون مايعرف للصح والخطأ ويبي من يفهمه
انا من رأي تاخذين جوالك وترسلين له رساله تفولين فيها ماتوقعت انك ترخصني لهاذي الدرجه وان الفلوس اغلى عليك من راحه بالك واستقرار حياتك مع زوجتك اذا كنت تبخل على زوجتك شريكه حياتك برأيك مين يستاهل انك تصرف عليه صدقني الفلوس مو هي كل شي في الحياة وحاول تشوف الدنيا من حولك كل رجال يدور على الفلس يدوره علشان يسعد انثى او يحظى بقلبها وحطي له تحت الرساله انتظر ردك |
رد: مشكلتي مع زوجي وصلت الطلاق أفيدوني جزاكم الله خير
اولا حبيبتي الله يفرج همك ويرح قلبك
ثانيا حبيبتي لاتستعجلو بطلب الطلاق خليه هو ياخذوقتو وانتي بعد خذي وقتك لانو الانسان لما يكون عنصر في المشكل مايعرف يفكر زين وحاولي تكلمو شخص من عندكم هو يحترمو ويقعد معاه ويقولو شروطك يلي اهمها زيارة اهلك لك واحترامهم و.... اذا وافق تمام وحاولو تفتحو صفحة جديدة مع بعض واذا ماوافق انا برئي لاترجعيلو لانو مع الوقت هتحسي نفسك كرهتيه وهذا من بعد ما تعدي فترة كبيرة تكوني خسرتي اهلك ومليتي من بخلو و تلاقي نفسك مربوطة بالعيال وضيعي انتي في الاخر سواءا ظليتي معاه عشان اولادك او تطلقي وتتحملي مسؤوليه اكبر منك والقرار الك حبيبتي استخيري وادعي ربك وانشاله تاخذي القرار الصح يلي يسعدك طول حياتك |
رد: مشكلتي مع زوجي وصلت الطلاق أفيدوني جزاكم الله خير
ادعي حبيبتي هذا الدعاء دايما وانشاله خير
اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يا من لا تضيع ودائعه اللهم اجعله لي قرة عيني الوحيدة واجعلني له قرة عينه الوحيد اللهم حببه فيه وحببني فيه اللهم اطمس على قلب زوجي وسمعه وبصره أن لا يرى من نساء الدنيا غيري اللهم سخره لي في سمعه وبصره وقلبه وماله اللهم استر عيوبي عنه وأقنعه فيه وجملني في عينيه واجعلني أجمل من الحور العين في عين زوجي اللهم أره الحق حقا واره الباطل باطلا يا رب العالمين ..... اللهم إجعله قرة عين لي وإجعلني قرة عين له ، اللهم أرضه عني وأرضني عنه ، اللهم وإزرع محبته في قلبي وإزرع محبتي في قلبه ، اللهم وإجعلني في عينيه أجمل من الحور العين ، اللهم وإجعل ريحي عليه عطرا وريقي عليه عسلا وضمتي اليه أحب اليه من الدنيا ومافيها الا منك ياذا العزة والجبروت ومن كتابك ونبيك ودينك ، اللهم وإجعلني عونا له على طاعتك وإجعله عونا لي ، اللهم وإجعله حنونا عطوفا حليما رحيما كريما بماله وعواطفه ،اللهم وإرزقني معه التوفيق والسعادة والذرية الصالحة ، اللهم وإشرح صدور أهله لي وإشرح صدري لهم، وسددني اللهم في كل أفعالي وأقوالي بحولك وقوتك |
رد: مشكلتي مع زوجي وصلت الطلاق أفيدوني جزاكم الله خير
أختي معليش انا اعتب عليك عتب كبــــــــــــــيــــــــــــــــر وهو ان ف اول الحياة الزوجيه كل شريك يبتدي يبين ايش يحب وايش يكره زي ما يقولوا ((حط النقط على الحروف)) .. طبعا العتب انك سكتي ولا بينتي رفض لتصرفاته ولا حتى ناقشتيه وبينتي وجهة نظرك واتخذتي موقف مثل الزعل مثلا من الاول كان المفروض تسوين كذا لانك لو جيتي بعدين تبيني راح يقابلك بالرفض تدرين ليش لانو سواها كثير وانتي سكتي ايش اللي جد..
انتي ما انكرتي عليه تدخل امو بحياتكم ولو حتى باسلوب لطيف وبالحنيه واقدر اقول لك انو هالشيء صعب تتخلصوا منو الا بامر ربي.. ثانيا:ما انكرتي عليه انو ما يعطيك مصروف .. ثالثا:كان ممكن مثلا تشتري هدية وتقول لي هذي من اخوي اللي تطردته مثلا شفت كيف هم يحبونك وانت ما تحبهم ليش تسوي كا ويبدا النقاش وسبحان الله ايش اللي فيه خلاك تحبينه ..المهم الله يديم المودة والحب من الطرفين وييسر لك امورك ويبعد عنك كل شر وكلام الاخوات مزبوط خلي احد عاقل يتدخل ويقولوا واحد اثنين ثلاثه وربقي معاك اختي الغالية.. |
رد: مشكلتي مع زوجي وصلت الطلاق أفيدوني جزاكم الله خير
اختى لاتستعجلي لان الخسران انتي
مادام تحبيه لازم تتفاهمين معه فعلا كلام اختي الكلمه الطيبه صدقه صح ولازم تسوينه الله ييسرلك امرك ويسخره لكي |
رد: مشكلتي مع زوجي وصلت الطلاق أفيدوني جزاكم الله خير
من اولها انتي غلطانه ليش سكتي بعد كل شي
مفروض من لما جت امك وبدى يتضايق تكلمينه ع رواق ليش متضايق ومن زعلك واذا قال امك قولي الله وصانا بالوالدين وامي جتني اطردها يعني اكيد مايرضيك وامتصي غضبه هذا زوجك تجيه اوامر من امه تعلمي تسايسه وتجيبين راسه مافي وحده يصعب عليها زوجهاا السياسسسسه والكلام الحلو والموزون تقدرين تجيبين راسه وغير كذا تعلمي تناقشيه وتحاجينه بالكلام الحلو وقبل كل نقاش اقعدي وكبري راسه انت ماشالله عليك اخلاق واهلي يمدحون فيك وخوالي يقولون والنعم ومن ه الامور صدقيني مايقدر بعدها يفشلك فيهم انتي غلطتي لما رضيتي ع امك واخوك كان قلتي له احترامهم من احترامي الغلط الاول يركبك انتي وما انكر انه صعب واخطئ كثير بس انتي سكتي ورضيتي والسكوت علامه الرضاا الحين انتظري الى مايدق ولاترفعين قضيه ولا شي اخاف يعند ويعلقك ي بنت الناسس انتظري مصيره بيحنن ويرجع لكي حبي ودعوه ف ظهر الغيب اختك مياا |
| الساعة الآن 05:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .