|
شرح لباترون التريكو ، باترون التريكو ، شرح باترون التريكو المرسوم
شرح لباترون التريكو ، باترون التريكو ، شرح باترون التريكو المرسوم شرح لباترون التريكو ، باترون التريكو ، شرح باترون التريكو المرسوم شرح لباترون التريكو ، باترون التريكو ، شرح باترون التريكو المرسوم شرح لباترون التريكو ، باترون التريكو ، شرح باترون التريكو المرسوم حبيباتى الغاليات السلام عليكم ورحمة الله وبركاته كتير منكم حبيباتى سالوا عن شرح الباترون المرسوم والحقيقة ان تعلم قراءة الباترون المرسوم ضرورة لاى واحدة فينا حابة تحترف التريكو وتبدع فيه عشان معظم المجلات ده ان ما كانش كلها بتعتمد بشكل اساسى على الباترون المرسوم وكتير جدا من بنشوف غرز جميلة جدا مش نقدرش ننفذها لاننا مش بنعرف نترجم الباترون المرسوم والحقيقة انا فى رايى المتواضع باعتقد ان الباترون المرسوم اسهل كتير فى قراءته وترجمته من الباترون الكبير لدرجة ان اى غرزة مكتوبة باحولها الى باترون مرسوم وعندى دفتر للغرز باحط فيه كل الغرز بعد ما اترجمها الى رموز وده له اكتر من ميزة اولا: بيوفر وقت كبير ومساحة كبيرة وخصوصا لو الغرزة عدد سطورها كتير ثانيا: وده الاهم انك تقدرى تترجمى اى غرزة وتطبقيها بغض النظر عن اللغة اللى هى مكتوبة بيها يعنى مثلا انا ما باعرفش المانى ولا اسبانى خالص انا ثقافتى عربى هههههههههههه ومعروف ان اشهر مجلات التريكو بتكون المانى زى "البوردا"، "فيرنا" وكمان فيه "ساندرا" وهى تقريبا اسبانى يعنى المهم ان انا باقدر بانفذ منهم موديلات من الباترون المرسوم ان شاء الله هاحاول فى الموضوع ده انى اشرحلكم ترجمة الرموز المختلفة للغرز وهاحاول ان شاء الله انى اغطى كل الغرز او على الاثل اكثرها شيوعا نبتدى على بركة الله بصوا يا جماعة طبعا الرموز بتختلف من لغة للغة او دولة لدولة يعنى لفترة طويلة جدا فى بداية تعلمى للتريكو كانت الرموز ثابتة فى مجموعة كبيرة من المجلات لكن للاسف بعد كدة فى الكام سنة الاخيرة ابتدت كل مجلة تعمل رمز مختلف هنحاول بقدر الامكان نغطى الاشكال المختلفة لنفس الغرزة طبعا الباترون المرسوم بيكون عبارة عن مربعات كل مربع يمثل غرزة الغرزة العدلة وهى طبعا اساس شغل التريكو بيكون رمزها فى معظم الباترونات عبارة عن مربع اسود مصمت http://forum.hwaml.com/imgcache2/hwa...120355_410.gif واحيانا بيكون عبارة عن شرطة راسية جوة المربع كالتالى http://forum.hwaml.com/imgcache2/hwa...120372_702.gif أما الغرزة المقلوبة وهى برضه الاساس اللى بيتبنى عليه اى شغل يعنى التريكو كله اما عدل او مقلوب فيكون عبارة عن مربع فاضى http://forum.hwaml.com/imgcache2/hwa...120373_364.gif واحيانا بتكون شرطة عرضية داخل المربع http://forum.hwaml.com/imgcache2/hwa...120373_799.gif واحيانا تالتة بيكون شكلها كدة http://forum.hwaml.com/imgcache2/hwa...120368_834.gif اما اللفة فبيكون رمزها عبارة عن دائرة مفرغة داخل المربع (اتفقنا ان المربع هو الغرزة) http://forum.hwaml.com/imgcache2/hwa...120374_314.gif واحيانا تانية بيكون رمزها عبارة عن حرف U http://forum.hwaml.com/imgcache2/hwa...120373_259.gif وطبعا برضه من الغرز الاساسية جدا الـ 2 عدل معا اللى بيتعمل بيها التنقيص وغالبا اى لفة بيكون مقابلها 2 عدل معا وبيكون رمزها كدة http://forum.hwaml.com/imgcache2/hwa...120373_914.gif ومن الغرز الاكثر شيوعا برضه وهى بتكون عكس الـ 2 عدل فى الاتجاه 1 سلت – 1 عدل – اقلبى المسلوتة على العدلة (وهى برضه من طرق التنقيص) وعادة بتكون مصاحبة للفة وده رمزها http://forum.hwaml.com/imgcache2/hwa...120373_387.gif وبما اننا باة بنتكلم عن التنقيص فلسة فيه التنقيص المزدوج اللى هو 3 عدل معا وهى لها اكتر من شكل حسب الطريقة اللى بنعمل بيها التنقيص المزدوج خلينا دلوقت نقول تشهرها اللى هى اننا بناخذ الـ 3 غرز على الابرة (يعنى بنغرز الابرة اليمين فيهم كلهم) ونشتغلهم غرزة واحدة عدل معا ودى يتكون زى حرف الـ U المقلوب http://forum.hwaml.com/imgcache2/hwa...120361_642.gif اما دى بأة فغرزة الحافة اللى بتتعمل فى بداية ونهاية كل سطر وبتكون دايما عدل بغض النظر عن شغل بقية السطر وهى ليها ميزة كبيرة فى ضبط بدايات ونهايات السطور وبيكون شكلها زى علامة الـ + http://forum.hwaml.com/imgcache2/hwa...120358_930.gif طبعا فيه غرز تانية كتير لكن خلونا دلوقتى نكتفى بدول عشان ما تتلخبطوش ماشى يا قمرات ودلوقتى بأة مثال عملى على الباترون المرسوم http://forum.hwaml.com/imgcache2/hwa...120365_972.gif ده باترون سهل جدا الارقام اللى على اليمين بتبين عدد سطور الغرزة يعنى هنا غرزة مكونة من 4 سطور اللى باين منهم طريقة السطر الاول والسطر الثالث معنى كدة ان السطور الزوجية بتتعمل كلها زى ما بتبان يعنى العدل عدل والمقلوب مقلوب واللفة دايما مقلوب على فكرة دى قواعد ثابتة فى اى باترون طيب ده بالنسبة لعدد السطور لمعرفة عدد الغرز نعد المربعات بحيث كل مربع يمثل غرزة أما السهمين الموجودين دول فبيحددوا تكرار الغرز مش فى البترون المكتوب بنقول (يكرر ما بين القوسين) او (يكرر حتى نهاية السطر) هنا بنقول يكرر ما بين السهمين يبقى لما نعد المربعات هنلاقيهم 10 (8 بين السهمين +2) يعنى نفهم من كدة ان الغرزة تكرار 8 + 2 حافة طيب يلا باة نترجم السطر الأول (ما تنسوش كل مربع بيمثل غرزة واحدة) غرزة حافة ]2 مقلوب – 2 عدل معا – لفة – 2 عدل – 2 مقلوب [ يكرر ما بين القوسين (اللى همة السهمين فى الرسم) وينتهى السطر بـ غرزة حافة اما السطر الثالث: غرزة حافة ]2 مقلوب – 2 عدل – لفة – (1عدل – اسلت – اقلبى المسلوتة على العدلة) – 2 مقلوب [ يكرر ما بين القوسين وينتهى السطر بـ غرزة حافة طيب والسطور الزوجية زى ما اتفقنا نشتغله حسب ما يظهر يعنى العدل عدل والمقلوب مقلوب واللفة نشتغلها مقلوب |
رد: شرح لباترون التريكو ، باترون التريكو ، شرح باترون التريكو المرسوم
♥ ♥ ♥الله يعطيك العافية ♥ ♥ ♥
|
| الساعة الآن 06:59 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .