|
عاااجل انا في التاسع واستفسر عن نزول راس الجنين في الحوض
السلام عليكم
اخواتي انا دخلت شهري التاسع والحمد لله..رحت مراجعه للدكتورة وقالت لي كل اسبوع لازم تيجي وعملت تحاليل الولاده..وسئلتها ابغى اسافر عند زوجي لانو مسوي عملية وابغى اروحله وحرجع معاه بعد كم يوم او اسبوع بالكثير مسافة 150 كيلو تقريبا بالسيارة قالت لي عااادي روحي وقالت كل يوم امشي نص ساعه او ساعه الا ربع ...بس سؤالي هو انا مستغربه اختي اكبر مني بسنتين وعندها بنت تقولي الدكتورة ماتعرف ان عندك ولاده قريب الا بالكشف من اسفل وانا ماكشفت عليه..كيف تعرف انو ماعندي ولاده قريب ؟؟؟ بس تقولي انتي بكرية وماحتيجيكي الولاده في دقايق..حتروووح الآلآم وترجع يعني تلحقي تجيني... ووحده قالت لي لو حسيتي راس البيبي نزل في الحوض معناته بقي عليكي اسبوع او اسبوعين بالكثير عالولاده..واستحيت اسئلها كيف اعرف نزول الراس بالحوض؟؟؟ اللي تعرف لا تبخل عليه بمعلوماتها ...خصوصا اني شاكه انو نزل بالحوض لاني سمعت انه لو الحامل اذا نامت على جنبها وحست بآلآم وضغط شديد في الرحم اسفل لمن تلم رجولها على بعض دا معناتو البيبي نازل في الحوض وانا عندي نفس الشئ ..حتى الحركه احس البيبي احيانا يتحرك مررررره تحت وكأنه بين رجولي...انا من النوع اللي حركتو كثيره والمشي مررره كثير من زمااان..هل له دخل تعجيل الولاده من اول التاسع؟؟ افيدووووووني انا خايفه تيجيني الام الولاده وانا بعيد عن مامتي ومااالحق اجي المستشفى..وهل البيبي طبيعي ينولد وهو لسى بأول اسبوع او ثاني اسبوع بالتاسع؟؟؟وهل وزن البيبي طبيعي في بداية التاسع يكون 2 كيلو ونص؟؟ولا يحتاج حضانه؟؟لاني يمكن اولد قبل مااخلص التاسع ويكون دا وزن الجنين...لان الستات الكبار بيقولو لي بطنك نازل على تحت وماراح تاخذي التاسع كااامل.. اسفه اني كثرت اسئله بس ياليت تجاوبوني الله يسهل لكل حامل وتشوف جنينها طيب وسليم ومعافى دون زيادة او نقصان وتفرح قلبها وقلب ابوه بشووووفته... |
رد: عاااجل انا في التاسع واستفسر عن نزول راس الجنين في الحوض
وااااي ياقلبي والله انج نفس حاالتي بالضبط
بس اتوقع حركة الجنين اسفل البطن عادية صج انها تؤلم بس عاادي ان شاء الله الاخوات يفيدونج ويفيدوني والله يسهل علينا وعلى كل حامل يااارب |
رد: عاااجل انا في التاسع واستفسر عن نزول راس الجنين في الحوض
طبيعي دا لان مستعد يطلع
|
رد: عاااجل انا في التاسع واستفسر عن نزول راس الجنين في الحوض
الله يعيننا يا ام علي بس ان شاء الله يردون علينا بسرررعه لاني خلاص نسيت النوم على جنبي من الالم ...تسلمين على مرورك وردك ياعسوله الله يسهل ولادتك وولادتي وولادة كل ام عانت بحملها يااارب...من جد دايما نسمع الستات الكبار يقولو (الام محد يأجرها..اجرها عند الله كبير)ومافهمت معناها الا لمن حملت ...الله يكتب لنا الاجر
|
رد: عاااجل انا في التاسع واستفسر عن نزول راس الجنين في الحوض
اميره بدنيتي تسلمين على ردك بس مااحد رد عليه بخصوص ولادته بأول التاسع وكمان وزنه...
|
رد: عاااجل انا في التاسع واستفسر عن نزول راس الجنين في الحوض
شوفي حبيبتي عادي في بكريات وبولدو باول التاسع ولاتخافي الولد مابدو حضانة ولاشي
وبالنسبة لسؤالك كيف تعرفي البيبي نزل الحوض بتحسي بثقل اسفل البطن خاصة بس توقفي وبيكون مكان معدتك فاضي وبعدين عن الكشف من تحت الدكتورة لما كشفت بالجهاز بتكو نشافت انو الجنين بعدو مانزل فبتعرف بدون ماتفحص انو مافي ولادة اما اذا لاقتو نازل بالحوض بتفحص من تحت لتتأكد انو في توسع ولا لأ |
رد: عاااجل انا في التاسع واستفسر عن نزول راس الجنين في الحوض
تسلمين توأم كوكو على ردك...والله انك عسوله كنت متأكده انك حتردي عليه ...تسلمين ياقلبي والله يسعدك ان شاء الله
|
| الساعة الآن 12:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .