|
مخنوقه وماحد حاس فيني
اخيرا وبعد صبر طويل بحج هذي السنه جمعت فلوس حافزريال ريال عشان بس احج المشكله اني بحج مع سلفاتي بدون ازواجهم ومعاهم اخوهم وزوجته صراحه سلفاتي شجعوي قلت يالله نقضيها وكنت متردده سالت زوجي قالي روحي معاهم مو اجانب عيال خالتك وعزمت ودفعت المبلغ والحين زادو عيال خالتي وبيروحو عيالهم وزوجاتهم واحس الوضع اختلف علي بصير انا الوحيده بينهم بيصيرو عائله كامله اخوان وانا بوسطهم واليوم طلعت مع زوجي بنتمشى قلت افاتحه بالموضوع قلت روح معاي عشان الخوف اللي فيني يروح احس ماراح اخذ راحتي بوسطهم قالي لاتتحججي انا رحت من قبل وماعندي فلوس تكفي لشخصين قلتله شوف حافز كم فيه انا وانت فيهم ونزيدهم من راتبك مارضى وانفعلت قلتله ليش كذا المهم صارت هوشه كبيره بينا في السياره ورجعني البيت ولاتعشينا برا ولا تمشينا وحز بنفسي ليه كذا لاهو راضي يوديني احج ولا يبي يروح معاي وعصبت عليه وسمعته كلام المفروض اقوله له من قبل 7 سنه بس سكوتي خلاه يتمادى علي يقول اصلا انتي مع الحريم لو رحت انا شنهو بسويلك احسه كل شي عنده عادي اهم شي لايبتلش فيني شوورو علي خواتي كيف اقنعه يروح معاي مابي احج وزوجي غضبان او ماخذ بخاطره علي او انا ماخذه بخاطري علي ابي احج وبالي مرتاح مرات احس اني توهقت ومرات اقول اروح احج حالي خلق الله بليييز نصحوني نصيحه لوجهه الله اختكم في الله ام رانيا
|
رد: مخنوقه وماحد حاس فيني
الله يهديه حبيبتي
ويريح قلبك خذيه بالكلام الحلووووووو المعسوووووول بيني له انك خااااااايفه وانك اول مرررره تبعدين عنه ومن هذا الكلام اسحريه بشويه كلام وياااااارب يقتنع موووووووووووووووفقه حبيبتي |
رد: مخنوقه وماحد حاس فيني
يا أم رانيا حجي فرصة وجتك لا تضيعيها
وزوجك واعتذري له ....وفي بيت الله ادعي الله يصلح حالك اللي سكتي عليه سبع سنوات الموضوع عادي وهذا حج اصلا بتنشغلين عن كل اللي حولك انا كنت مثلك الكل مع ازواجهم وانا مرمية تحت رحمة افكاري ليش اروح مع الناس وكل الحريم مع ازواجهم ...وضاع العمر ولا حج ولا عمرة ولا طلعة ولا شئ اتمنى افدتك |
رد: مخنوقه وماحد حاس فيني
والله مدري وش أقولك بس اللي اقدر عليه اني انصحك
ماتفوتين روحة الحج مو كل مره بتحصل لك وزوجك الله يهديه راضيه وطيبي خاطره وكلميه بهدوء اذا رضى يروح معك الحمدلله مارضى خلاص لاتسوين لنفسك مشاكل وروحي حجي ووسعي صدرك بعض الأزاج وانا اختك مايرضى يودي زوجته ولايجيبها وفوق كذا مايرضى تروح مع احد من قرايبها أنتي وضعك الحمدلله احسن منهم زوجك راضي فحمدي الله بهالنقطه والله يوفقك ويصلح مابينكم يارب |
رد: مخنوقه وماحد حاس فيني
يالغاليه روحي وحجي ليش مكبره الموضوع إذا انتي مع اهلج احد فخلاص لاتقلقين ..
لاتكلفين على زوجج اكبر من طاقته واكيد لو يستطيع ماقصر وياااج .. فستهدي بالله وادعيه التساهيل بهذا الحج والقبول .. وربي يسسر لج كل عسير ويتقبل الله حجج وسعيج ,, |
رد: مخنوقه وماحد حاس فيني
حبيبتي اذا لك محرم لاتفوتين الحج اما اذاكانو مو من محارمك فمايجوز لك وهذا من باب عدم الاستطاعه.فلاتخسرين وتتعبين على الفاضي.الله يسخر لك زوجك
|
رد: مخنوقه وماحد حاس فيني
أن رأيي غير
انتظري للسنه قادمة وتكوني جمعتي لك ولزوجك مبلغ الحج و تروحي مع محرم رجل أفضل لك و الدين يسر و فريضة الحج لمن استطاع إليه سبيلا و عند عدم توفر المحرم معك تكوني من الغير مستطيعين . ولا توتري نفسك والله لو تشوفي كم سنه وأنا اعزم على الحج و ما يكون ربي كاتب ..... ألين ما انكتب لي رحت بكل سهولة وبدون زن لاني حجيت مع بابا . |
رد: مخنوقه وماحد حاس فيني
يسلمووو حبايبي ريحتو قلبي بردودكم وماراح يصير الا المكتوب باذن الله
|
رد: مخنوقه وماحد حاس فيني
نصيحتي لك روحي حجي لحالك انتي رايحه لرب العالمين ادعي لزوجك الله يهديه ويروقك بالك وتعيشو حياه سعيده حطي هدفك كله انك رايحه تتقربي لرب العالمين مو لازم مع مين والله والله غيرك بيتمنى لو يطلع بس لحاله من دون اي احد بس ينكتبله حجه عند الله وهيموووووووووت عشان يروح مره في عمره وانتي احمدي ربك ان اتوفرتلك الفرصه وان معك اي احد تعرفيه لو احتاجتي شيء مو لازم مين هذا الشخص بس قبل لاتروحي او اليوم اللي انتي رايحه فيه ودعي زوجك وقوليله قبل لاتمشي علطول ما ابغى اروح وانت زعلان او غضبان او شايل في قلبك مني عشان ربي يتقبل منك
|
رد: مخنوقه وماحد حاس فيني
ما يجوز لك تحجين بدون محرم...ال فهمته انك بتحجين مع عيال خالتك وهم مو محارم ...
الله يهديك اذا ماعندك محرم لاتحجين... |
| الساعة الآن 12:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .