|
مششكلتي مع زووجي الممعقد
السلام عليكم خواتي العزيزات بقول لكم مشكلتي قلت بسمع منكم ارائكم .. غير وجهة نظري انا واهلي
انا لي 9 شهور متزوجه ومن تزوجت دايم اتهاوش انا وياه ونقول ايه كل اثنين توهم متزوجين تصير معهم كذا بس احس طولت السالفه وانا على هالعذر ،زوجي غيرته قويه لدرجة الشك ..والله لو اقول لكم اسباب خلافنا بتضحكون مثلا . ليش وحنا راكبين السياره تلفين وجهك من ناحية الدريشه صيري زي الاله ثابته ..ليش تمشين بدلع وطبعا يحطهم مشكله ويكبرها .. وغير كذا عنده كبرياااء موب طبيعي انا اللحين قاعده عند اهلي وهو ساكت مو مهتم ولا فكر يدق او يرسل ..وانا تعبت من التعليق مادري انا وش عليه .. |
رد: مششكلتي مع زووجي الممعقد
طنشي وعيشي حياتك لا تتعبين نفسك
اذا قال لفي راسك قولي ابشر ان شاءالله لين يركد مو على كل سالفه تصير هوشه ونكد |
رد: مششكلتي مع زووجي الممعقد
صبري وطنشي تراك توك عرووسة
والغيرة علامة من ابرز علامات حب الرجل لزوجته فلا تحولين حبه لك لكره بانك تكبرين السالفة وكل يوم والتالي روحات لبيت اهلك بسبب الزعل وبعدين مع الايام والاولاد ان شاء الله بيخف هالامر وكلام رواسي عين العقل اهم سبب لان العلاقة تنتهي بين الزوجين تدخل الاهل الله يصلح حالكم ويوفقك |
رد: مششكلتي مع زووجي الممعقد
طيب إنتي ليش مصعبة الموضوع
زوجي لما كنا نسولف عن أحد من أهلي يقول طيب قفلي السالفة وخلينا من فلان وعلان أنا وبسسسس,,, يعني يبغاني أتكلم عنه وحده مايبغى سيرة أحد ثاني,, وبعد الزواج في حركات تلوع الكبد بس غييييرررة ومرات أرد مرات أطنش,, والحمدلله ألحين متفاهمين,, إرجعي لبيتك وإذا قالك شي طنشي ولا كأنك سمعتي وشوفي كيف يتعدل,, والله توكم عرسان حرام تفترقوا عشان مشاكل بايخة... |
رد: مششكلتي مع زووجي الممعقد
حبيبتي انتي الحرمة
لازم تاخذي زوجك بسياسه و تغرقيه بالكلام الحلو شوفي صحيح اول سنة زواج اصعب سنه و انا اشهد كله دموع و بكى و زعل من الطرفين بس صدقيني الرجال مو مثل الحرمة الرجال نحيييس ماينسى لو غلطتي عليه يسجل في ذاكرته و بعد فتره يقول انت قلاي لي كذا و مدري وشو و طبعا انتي تردي عليه حتا انت قلت لي كذا و تصير هوشه جديده ترا اغلب الهوشات سببها التذمر و بعدين كلمة انت و صبع السبابه و الله ياهي حاله ريحي مخك و طنشي اذا قالك يمين يمين يسار يسار .. او سايسيه بدلع و الكلام العذب و ذوبيه بلمساتك و كذا ترا حنا الحريم اغلبنا مساكين مانفهم ان معنا اسلحه تذوب الرجال مثل الكلام العسل و الدعاوي الطيبه و طبقات الصوت الجميله و اللمسات والله كل وحده قاعده مع زوجها كأنه اخوها وتعالي شري العشيقات الحقيرات حسبي الله عليهم تتفنن في تعذيب الرجل في الجنس و الحب لازم نلتفت لهناحيه و نجدد طريقتنا بتعامل مع ازواجنا و ننعش حياتنا و نرطبها ههههههه لأنه الرجل مثل الاطفال يبغى حنان و يبغى حرمه تطيعه يبغى كل شي و بذات الرجل الخليجي طماع فلازم تلمي نفسك و بيتك بكرا بيجونك اطفال محتاجه تلمي زوجك و اطفالك و الله يهدي زوجك و يسخره لك و يسخر زوجي لي دايم فولي اللهم اجعله ماء عيني و دم قلبي و جعلني ماء عينه و دم قلبه و سخره لي كما سخرت البحر لموسى عليه السلام و حذاري تطلعي اسارارك لحد غريب صدقيني راح يشيشونك ع زوجك و ترجعي مشحونه و تزيد و تكبر الهوشه و بعدها تندمي و تبكي اكثر و يالله الحين قومي دبري لك سالفه حلوه او شي غذر عشان تدقي لزوجك يجي ياخذك من بيت هلك انت خلاص الحين عرفتي زوجك مايجيب راسه انك تحقريه لو بقيتي ع هالوضع راح تتطور و كل ماتزعلون ماتكلمينه الين يصير الوضع عنده عادي ماعاد يهتم لك فلا تعيدي هالطريقه اذا زعلتي منه عاتبيه كلميه بزعل ابكي بحضنه بس لا تقاطعيه و ماتكلميه صدقيني بيتعود و بعد فتره يخليك عادي مايهتم لك و شوفي حبيبتي بيت اهلك ماتروحي وانت زعلانه الا في حالتين اذا زوجك لا سمح الله خانك او شفتي عليه شوفه هينا تروحي بيت اهلك و تنشديهم يدخلون بالموضوع لكن سوالف تافهه و غيره ومدري وشو اتغلبي عليها بسياسه و حافظي ع زوجك و ان شالله الله يرزقك منه احلا بيبيز و صدقيني نصحيتي لك من قلب والله يخليكم لبعض ي قلبي |
رد: مششكلتي مع زووجي الممعقد
أحكي معاه برواقه ..
و قوليله حلوه غيرتك بس كثرتها تخنقني.. و تسبب بينا مشاكل على و لا شي و بهذي الطريقه تبعدني عنك.. انت لك شخصيتك و انا شخصيتي مختلفه عنك.. عشان نعيش مع بعض برواقه لازم يكون في بينا صبر و تفاهم .. و انتي اصبري عليه بعد مو بيوم وليله يتغير الرجال بلذات ن الغيره .. جربي حرركات العباطه.. اركبي معاه مرره من المرات و طوول الطريق بس ناظري فيه و خلي ايدك عليه .. بنظرات هاديه رومنسيه .. و دلع بيستغرب .. و ممكن يقولك ايش فيك تناظريني قوليله توحشني و انت جنبي عيوني مشتاقه تشوفك اليوم بكثررررررررررررره ... ما ابي عيني تشوف غيرك الخ من هذا الكلام و الله يعينك اذا فيه اي تطوور و تقدم منه .. و نفعت اي طريقه تغيره .. احكي لنا و منكم نستفيد في حال مرينا بمثل هيك مواقف.. |
رد: مششكلتي مع زووجي الممعقد
و نصيحه تأجلي موضوع الحمل و تنتبهي لانك انتي تشوفينه معقد فا صعبه تنجبين من رجل انتي مو قادره تتحملين تصرفاته و لا اسلوبه معاك ..
|
رد: مششكلتي مع زووجي الممعقد
طنشيه ولا تجادليه في امور تافهمة
فكل ماتجادليه يزيد يعاند معاك فلاتردي عليه راح ينسي الموضوع |
رد: مششكلتي مع زووجي الممعقد
الله يسعدك معاه انتي باقي عروسة جديدة لسه ما شفتي شي في حياة الزوجية
اهم شي تفكري بعقلك مثل ماقالوا الاخوات الله يجزاهم خير ما قصروا في النصح وربي لا يفرقكم يارب |
رد: مششكلتي مع زووجي الممعقد
هي والله حتى أنا كل مرة عندنا عرس من الضرابه تعبت والله
|
| الساعة الآن 06:19 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .