|
ساعدوني للولاده
السلام عليكم ورحمة الله وبركاته
كيفكم ان شاء الله تمام اممم انا دخلت التاسع وخذت منه 2ونص تقريبا المهم يعني اسبوعين ونص او ثلاث هذا الخامس بعد اخر واحد تسقيط ابي اعرف عندي مشكله عندكم حل تفيدوني الرحم فاتح 1من اسبوع او اكثر امس فتح واحد ونص وعلى العشا من بعد المشي اللي تقطعت منه رجولي وانا عندهم فتح 3 قالو روحي وتعالي لا اشتد المهم رحت لهم الساعه 10وكان مافيه فرق غير دقيقه وماقمت اشوف زين وحالتي حاله والالم خلاص فجسمي وما اعرف اتحرك كثير ومع ذلك الرحم سكر حتى النص راحت مع اني امشي واكل تمر وشربت قرفه كذا مرة بس يوم شفت ان مامنها فايده خليتها تولي والتمارين اعملهم الجماع يصير لكن الليوم كان بيصير بس انا ماتحملت ابي حل يساعدني اولد هم يقولون حتى طلق مافيك مع ان المؤشر راقي للنص بس كان زحمه ويبون الغرفه فطلعت ومالي خلق هواش ذاللحين موجود كل 10دقايق ونفس الم امس قلت مراح اروح اذا رحت بيسوون نفس امس والعجيب يفكروني العب زوجي الشغل ضغط عليهم هاليومين 12ساعه واحيانا ياخذون اكثر ومايقدر يطلع اجازه ابي طريقه اولد فيها لعلمكم اهلي بعاد ساعه على مانوصل لهم وهو شغله اكثر من ساعتين على بال مايوصله ساعدوني باللي تعرفووووووووون وجزاكم الله خير |
رد: ساعدوني
يمكن فيك شمم .. شمي حلتيته او اشربي خروووووع بأذن الله يفتح الرحم معاك أكثر
بس اذا فيك ألم ويجي كل 10 دقايق لااااااااااازم تكونين بالمشفى .. الله يهووووووون عليك |
رد: ساعدوني
رحت امس لهم مرتين اول مرة علشانه واحد ونص قالو امشي انا رحت 10 ومشيت من 2الين 7تقريبا كانت امشي واقعد 10دقايق
فهلكت حتى الاكل منعو يدخل لين وحده اشتكت الساعه 6ودخلو لها اكل انا كنت ماخذه تمر قالو بيجيبون اكل اوكيه الاكل موجود بس ماوزعوه كل اللي عطونا حبه لوزين وعصير الله يهديهم انا كل ولاداتي عندهم بس هالمرة مدري شقول احين يوم فتح 3طلعتي العذر ان ماعندهم غرف وان فيه حالات ولاده جات قعدنا نحوس برا ليمن صار كال دقيقه وقلت خل نرجع ورجعنا طلع مسكر مع اني الام ولاني قادره امشي من رجولي بس سبحان الله طبعا على طول طلعوني لانه زحمه ماعندهم غرف قلت لارحت مرة ثانيه وسوو نفس الحركه بشتكيهم تحت صدق خاص بس يتحملون المريض ومفروض يعاملونه زين مو علشان زحمه يطلعونه فيه غرف ثانيه بالقسم اللي جبنا مايفصل غير باب بس مايبون الله يهديهم إذر ا قعدت اهذر واهذر بس مشكورة وبحاول ادور حلتيته ماعندي الله يسهل وييسر واللي عندها شي ثاني ياليت تساعدوني |
رد: ساعدوني
حبيبتي نصيحه مجرب اقري ع طول سورة مريم والله لها اثر عجيب في تعجيل الطلق وفتح الرحم
والله يهون عليك يارب |
رد: ساعدوني
سورة الزلزلة ويس وداومي ع الزلزله
امشي ع الرمل حافي انا مثلك قطعت المشي بس امانه بيوم مشيت ع الرمل جاني الطلق وطاحت السدادة مدري صدفه والا له علاقه عبي لك البانيو بماي ساخن واسترخي فيه نص ساعه بين فترة والثانيه واذا حسيتي بطلق بسررعه تحممي بماي سااخن وركزي ع اسفل ظهرك وبطنك هذي باذن الله تساعد الرحم يفتح وبدون الم كمان توكلي ع الله وادعيي |
رد: ساعدوني
الله محدد لك يوم تولدين فيه وخليها على ربك و ان شاء الله تبشرينا بولادة سهله وفرج من الله
|
رد: ساعدوني
اخذي نص كوب عسل مع موية واشربيهم
بإذن تتسهل ولادتك |
رد: ساعدوني للولاده
جزاااااااااااااااااااكم الله خير
لسه ماولدت وحاولت قد ما اقدر انسى الولاده ابشركم العمل عطو زوجي اجازة فما عدت خايفخ زي قبل من بيكون معي ومين بيوديني صدق الاجازة 16 يوم بس لكن اهم شي انه موجود ويعاوني الطلق لسه نفس ماقلت لكم رحت بس نفس الشي واحد فطنشت انا احين باقي لي على الموعد اللي عاطيتني الدكتورة 8 ايام احاول قد ما اقدر انسى الولادة واعيش يومي الاشياء اللي استخدمها احين 1-قراءة سورة مريم والزلزله والشرح ويس والبقرة لا قريتهم اسمعهم بوقت ثاني برضو 2-اكل التمر 3-شرب مجموعه من الاعشاب زعتر ويانسون وحبه سوداء وحلبه وكمون وشمر كل واحد ملعقة صغيرة على كاس ماي مغلي تخلينه يفتر بعدين تشربينه 4-التبخر بالمرة لمدة 5 دقايق 5- المشي بس ما اهلكت نفسي زي قبل 6- احاول قد ما اقدر يكون فيه جماع لو مرة كل يومين وبس وبأذن الله اولد وكل الكروشات بسلامه لا ولدت بكتب لكم تشكرااااااااااااااات للجميع |
| الساعة الآن 12:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .