زوجي مد يده علي وقالي .........................
 

صباح الخير حبايبي بدخل في الموضوع بسرعه زوجي مد يده علي قبل يومين وقالي انتي ماتسوين الجزمه وقتها حسيت انه مو زوجي وانه انسان غريب دارت فيني الدنيا مقهوررره مررره والى الان وانا زعلانه منه ما اكلمه زين واطنشه رغم انه حاول يعتذر بس انا ماقبلت الاعتذار وامس طفش من الاعتذار وقالي ليش انتي ماده بوزك انا انقهرت منه ماكانه سوى شي ولا ورجع الغلط علي وهاذي ثالث مرره يمد يده علي ادري بتقولون هبلا ليش ماعلمتي اهلك لاني مابغى السالفه تكبر واخاف انه يطيح من عيون اهلي ابغا احل الموضوع بنفسي وادبه بنفسي بدون تتدخل حد ثاني ساعدوني والله طقت كبدي منه ابغا ابرد قلبي مقهوره حدي واهلي بيجون عندي بعد يومين يغيرو جو عندنا انا قلتله بروح مع اهلي ارتاح واريح نفسيتي الزفت قالي عادي روحي غيري جو بس تري اهلي بيلومونك لاني بروح واخته عندنا تدرس بيقولون ماتبغى بنتنا عندها ارشدوني يالحكيمات احس اني في دوامه دلوني على الحل الله يسعدكم

رد: زوجي مد يده علي وقالي .........................
 

ليه تسكتي ع الطراق هو منجد بيستمر ع كذا لأنه يده خفت

انا بنت خالي مجرد زوجها دفع راسها بقوه وهو معصب بلغت عليه ابوها و دغري خًذاها بيت اهلها و الين جو اهله اعتذرو

و تأدب


الحين انت لازم تبلغي اهلك ع الضرب و الكلمه بس يمكن انت بعد غلطانه و اعترفي بغلطك عند اهلك عشان يصلحو بالثنين بينكم انت و هوا و يتعاهد مايند يده

رد: زوجي مد يده علي وقالي .........................
 

حبيبتي انا خايفه على اهلي امي وابوي عندهم السكر ومو ناقصين مشاكل


وانا ماغلطت بس هو كذا دايما يحط الاخطاء علي ويطلع نفسه هو البري والمظلوم الي مايغلط على احد
والله محتاره اوقات اقول بروح مع اهلي ومعد برجع له والله تعبت حياتنا كلها هواش في هواش مستحيل يمر يومين مانتهاوش النفسيه دمار

رد: زوجي مد يده علي وقالي .........................
 

اختي انتي حلي مشكلتج ابييدج ماله دااعي دخليين اهلج ف المووضووع وبعدين بييطيح زوجج من عين اهلج بصراحه م حلووة .. م اقولج سكتي عن حقج حااولي م تقدري استخدمي كل الاسااليب معه اذا م تغيير دخلي احد من اخووانج ف المووضووع من دون م احد يدري ... كثري من الاستغفاار وادعي الله انه يهديه

رد: زوجي مد يده علي وقالي .........................
 

وينكم يالحكيمات ردو علي ولو بدعوة ليش تقرون وتمشون انا ماحطيت موضوعي للقراءه انا كتبته وكلي امل انكم تساعدوني في محنتي ماتوقعتكم كذا

رد: زوجي مد يده علي وقالي .........................
 

يا اختي ربي يعينك راح وين ما رحت تلاقين مشاكل اكثر من هكدا اصبري وابقي لحتى ما تبرد الامور بينكم وتصرفي كانوا ما في شي او ادا قلتها لاهلك راح يبقوا دايما خايفين عليكي او خاصة ابوكي مريض الله يشافيه بس ما اقول انك تسكتين على حقك افرضي شخصيتك او حاولي بطريقة ذكية تبيني انوا قيمتو طاحت عندك او انو تقوى على مراته وقولي له انا امانة عندك او ادا عطاك حدا امانة ايش تعمل فيها او شوفي رده او لا طنشيه كثير ترى الرجال بسرعة يمل حاولي تعملي تغيير او ما تعطيه اهتمام اكثر الرجال يتعبوا من هالطريقة وانشاء الله خير او بيتعدل حالوا وقولي لوا انا صبرت هالمرة ما ابي حياتنا تتحطم لكن المرة الجاية ما عاد في صبر يا تحترمني كيف احترمك يا خلاص بروح لاهلي بعيش بكرامتي ما تحسسيه انك ما تقدرين تعيشين من دونه ولو انت تموتين عليه او حاولي تاخدي عليه عهد في القران ما عاد يعملها
اتمنى اني نكون افدك ولو بقليل من تجربتي البسيطة انا والله اول زواجي كان يصير مشكل بيني وبين زوجي يقول لي خلاص ما ابغا نكمل ابكي او اقول ما اقدر اعيش من دونك مع المدة حسيتوا كانوا طلع فوق راس اصبح كي يصير مشكلة اقول بدي اجمع اغراضي او امشي مليت من هالعيشة بالرغم اني اقول في داخلي والله بحبك وما بروح وحتى في مرة جبت الفليزة او جمعت مو كل الاغراض او حطيتهم وسط المنزل لكن للامانة كانوا فرغانين عملتها كخطة من وقتها بدا يقول لا تتركيني ما عاد تسمعي مني ولا كلمة الحمد لله انت ربي زوجك بطريقتك لانوا كل زوجة اكيدة تعرف نقطة ضعف زوجها والازواج تتختلف لدلك اعتمدي على طريقتك الخاصة في تاديبه بدون ما يحس
اتمنى لك التوفيق او اصبري ان الله مع الصابرين سامحيني على الاطالة

رد: زوجي مد يده علي وقالي .........................
 

مشكوره عاشقة الاطفال2 الله يعطيك العافيه بس عندي سوال بسيط كيف افرض شخصيتي عليه وكيف ابين له انو قيمته طاحت والله ماافهم في هل الامور فهميني جزيتي خيرا

رد: زوجي مد يده علي وقالي .........................
 

والله ايش نقول لك انا ساعات تجيني افكار احكي لك جزء من تجربتي او اتمنى تسنفدي انا مثلا مرة صار مشكل بيني او بين زوجي غلط في كلمة معي ما قلت له شي لكن بديت اعامله ببرودة اصبح وجودا عندي عادي كيف كان كيف لا لحد ما دخل بعضوا قال ايش فيكي قلت تدكر الكلمة لي قلتها مازلات في عقلي وما تبي تخرج تعرف ليش لاني كنت حاطاك في مقدار اقول لو الناس كلها تغلط معاي الا انت وانا تزوجت بيك لاني شفت فيك حاجات غير شفتك انسان محترم شفتك تخاف الله ولي يخاف الله يعامل زوجته احسن معاملة مادمت هي معك طيبة وسكت راح يسكت ويقول يعني قيمتي طاحت عندك انت بينتيها لوا لكن لا تقوليها لو في وجهوا بالحرف قولي لو ا وقتها انت زوجي او تاج راسي لي نحبوا ولي نحترموا وبعمري ما قصرتوا منوا او صورتك او قيمتك عندي او عند اهلي فوق لا تخليها طيح لان الرجل مقامو بقيمتوا في وقتها راح تدخليه بعضوا ما راح بفهم انت تكرهينه ولا تحبينه والرجل دايما يحب المراة الغامضة او تتسمي طلعت قيمتوا او نزلتيها في نفس الوقت او هو راح يحاول يرجع قيتمتوا يعني الفكرة لي وضعتيها في بالوا يعني انت تتحكمي بعقلوا او ادا وصلت لهالمرحلة كوني اكيدة ما عاد في مشاكل الرجال ادا يلاقي المراة ذكية يخاف منها ولو يكون ما يكون
انا بقول هيك انوا زوجي يخاف مني لا لكن اصبح عاطيني قيمة وعامل لي الف حساب بعدما كنت كالغبية عامل في لي يحب او انا دايما اجري وراه الحمد لله على كل حال لكن ما اكذب عليك ساعات يقوم ويثور عليا اسكت ما اكلام وحتى يبرد اخد ليا احب عليه مو دايما تضبظ لكن اعلب الوقت ناجحة الحمد لله
دايما كوني انت الضحية وحسسه بتانيب الضمير وخاصة الدموع واللهي هي سر ضعف الازواج

بلغيني بالجديد اتمنى اني اعطيتك ولو حاجة بسيطة وارجع اقول لك مرة اخرى الازواج تختلف

رد: زوجي مد يده علي وقالي .........................
 

مشكوره عاشقة الاطفال كثير والله خجلانه منك تعبتك معاي كثير الله لايحرمني من طلتك

رد: زوجي مد يده علي وقالي .........................