|
لكل وحده بتتنفس في بيت اهلها تعالي ابيك شووي
السلام عليكم بنات اتمنى ربي يسهل عليكم ولادتكم جميعا ويحفظ لكل اطفالكم ويسخر لكم ازواجكم
موضوعي يتكلم عن الاشياء اللي يشتريها زوجك لك في نفاسك اذا رحتي لبيت اهلك يعني يجيب لكم مقاضي او ذبيحه ولا يعطيك مصروف وانتي تشتري اللي تحتاجيه ولا اهلك هما اللي يقوموا بكل شيء بدون مساعدة زوجك خلونا نستفيد ونتعلم من بعض انا والده لي 13 يوم وزوجي جاب لي ذبيحه في بيت اهلي وجاب لي خضروات وجاب لي شغاله ايجار نص شهر 15 يوم لين اخف شوي واتحسن واقدر اغسل ملابسي وملابس ولدي واخدم نفسي لان اهلي ماعندهم خدامه وانتم ابي كل وحده تقول وش سوت لما تنفست عند اهلها واللي لسى ماولدت وش مقرره تسوي بكل شيء يختص الضيوف والمقاضي وكل شيء نبي تفاعل يا امهات |
رد: لكل وحده بتتنفس في بيت اهلها تعالي ابيك شووي
هلا حبيبتي الحمدلله على سلامتك وعقبالنا يارب أنا بولادتي بولدي الاول مثلك جاب لي زوجي ذبيحه وقضى لي بيت اهلي وشغاله أنا عندي من قبل أولد الحمدلله وبولادتي بولدي هذا بيصير نفس الشي ان شالله ودمتي بود
|
رد: لكل وحده بتتنفس في بيت اهلها تعالي ابيك شووي
هلا بك ام فزو اسعدني تفاعلك بس وش قضا لك مابينتي لنا خضار يعني ولا ايش لان اهل ابوي يقضون لزوجاتهم في بيت انسباهم كل شيء قهوه وشاهي وهيل ودقيق وتمر وزبده وحليب وخضار وفواكه وذبيحه عشان كذا ابي اعرف الاغلبيه كيف يسوون
|
رد: لكل وحده بتتنفس في بيت اهلها تعالي ابيك شووي
زوجي سوا ذبيحتين واللي هي عقيقة ومساعدات لأهلي لأني قاعده عندهم ومايصير يجي يدة فاضية وبس وعن الخدامة ما أعترف فيها انا ولدي وبنتي سبحتهم وأهتم فيهم وأمي الله يخليها لي تعتني في أكلي
|
رد: لكل وحده بتتنفس في بيت اهلها تعالي ابيك شووي
السلام عليكم
انا لي والده شهر وسبوع انا زوجي جاب لنا ذبيحه بس مالها دخل بلعقيقه حق البيت وجاب مقاضي البيت كلها مشالله امي كانت تهتم باكلي واختي تهتم بولدي ياحلات الدلع ولحين رجعت بيت عمتي ام زوجي ونفس الشي ماتغير شي الحمدالله |
رد: لكل وحده بتتنفس في بيت اهلها تعالي ابيك شووي
اهلين حمدالله عسلامتك وعقبالنا يارب ،،
انا لسى ماولدة واول مره اولد بس عاداتنا المتعارف عليها اذا ذبح العقيقه يجيب لأهلي نصهالان نصها لأهله ويعطيني مصروف لي وللبيبي غير سلة حلويات للبيبي بس انا ناويه اسوي توزيعات بأسمه واخليه هو يجيبها معه وهو وكرمه يعني فاكهه خضره كذا بس عيب عندنا انو يقضي لأهلها كل شي. مثل السكر والشاي والقهوه والدقيق والسمن لان هذي بنتهم وبضيافتهم ومايصير يقصرون معها ،،اهلي عندهم خدامه سألني اذا احتاج خدامه يستأجرلي بس لا مااحتاج لان البيبي او حفيد وخواتي صغار ويعرفون للبيبي ماعندهم شغله غير الدراسه وامي الحمدالله موجوده |
رد: لكل وحده بتتنفس في بيت اهلها تعالي ابيك شووي
من عوايدنا يجيب الزوج كل شي كأنه يقضي لبيته وزود لبيت اهل الحرمة
خضرة وفاكهة والرز والسكر والشاي والزيت والطحين والهيل والقهوة والعصير كل شي وبالاغلب الاساسيات يعني وكذلك الذبيحه لان اغلب اكل النفاس لحم ويجيب شوكولاته وحلويات او يعطي حرمته مبلغ عشان اذا جو ضيوف تشتري الحلى والمعجنات وماتكلف على اهلها وبالاول والاخر كل شخص وكرمه او حالته الماديه وعلى حسب مدة ايده مثل ما نقول |
رد: لكل وحده بتتنفس في بيت اهلها تعالي ابيك شووي
انا ان شالله راح اقضي نفااسي عند اهلي
وزوجي راح يعطيني مصروف اكيد وانا واهلي صراحه مانعترف بالخدامات انا وامي وخواتي راح نتساعد مايقصرون فديتهم اما عن اغراض البيت اتفقنا على ذبيحة وفواكة وخضروات ان شاءالله زوجي يجيبها |
رد: لكل وحده بتتنفس في بيت اهلها تعالي ابيك شووي
الله يعطيكم العافية وتفاعلكم أسعدني ونبي تفاعل أكثر من الكروشات
|
رد: لكل وحده بتتنفس في بيت اهلها تعالي ابيك شووي
حلو ما شاء الله عليكم انا باقي كثير تقريبا على ما أولد بس مادري وش بيجيب واستحي اطلب منة
|
| الساعة الآن 02:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .