منتديات حوامل النسائية

مرحبا خواتي كيفكم ان شاءالله بخير
خواتي انا حابه اتكلم وافضفض لان ماعندي احد اتكلم معه لاني مااثق بالناس حبايبي انا متزوجه وراح اكمل سنه مع زوجي بنهاية شهر 10 بس بنات انا ما احس اني متزوجه ابد ناقصني اشياء كثيره من زوجي عمري ماحسيت اني عروس ابد تخيلو اول ماتزوجت سافرنا اسبوع بس وكانت كل السفره تروح مقاهي لانه يشيش وكان يعيي اروح لحدايق ولملاهي يقول خلاص انا كبرت على (هو عمره 36وانا عمري 23)الاماكن هذي وحتى لو جلسنا بالمقهى كان كل وقته يكلم اخواياه وانا على جنب ماحسيت اني متزوجه الا اذا جيت على السرير بس وبعدها ياخذ اللي يبيه ويقوم وعمري مانمت بحضنه او باس راسي ويقول مشكوره وحتى لو كانا نتمشي مايحب يمسك ايدي واصلا انا ماكنت اطلب الشي هذا لاني ماخذت عليه وكنت استحي منه بعد مارجعنا من السفر كان يقوم المغرب يالله القهوه والحلى ووكل شي جاهز حتى انا اروح اصحيه بعدين اروح اتلبس واتمكيج واتعطر (احسس نفسي اني عروس)بعدين يصلي ويجي يجلس يتقهوى ويحط على برامج الكوره واذا حاولت اتكلم يقول اصبري شوي يعني متحمس العم وطول ساكته وبعدين يقوم يطلع ويروح للاستراحه لاخواياه ويجلس معهم الى 2او 3بالليل وانا جالسه بلحالي واذا جاء طيح اللي براسه ودق على واحد من اخواياه وقال تعال مرني خلنا نطلع للقهوه عشان يروح يشيش وطبعا على هالحاله لمدة شهر وانا اذا طلع امووووووت من البكي لاني ماحسيت باللي يقولون عن العروس جيت مره وقلتله اذا ماعجبتك او فيني شي يضايقك او ماتحب قولي قالي وحلف بالله واقسم اني كلي على بعضي عاجبته واني انا الانسانه اللي يتمناها بس هو مايحب يتكلم لاني انا مستغربه كل من عرف او شافني يقول انسانه تدخلين القلب بسرعه والحمدالله ربي معطيني جمال كلن يشهد لي فيه وخفت دم ومزح وطيبه وحنيه والله اني يابنات ما اكذب بس هو مدري وش فيه انا مليت من هالعيشه انا ماتعودت على كذا مدري وش اسوي فكرت بالطلاق وسبحان الله كنت حامل وقتها وانا ما ادري اهم شي سقطت بالشهر الثاني على بالكم حن علي وضاق صدره لابالعكس عادي االوضع عنده كل الحريم يسقطون وش فيها واذا قلتله عندي موعديجيني معصب يقول اخرتيني بنات عمره ماحن علي دايم قاسي واذا تكلمت معه قال انا احن عليك بس ما ابين بنات الحين انا حامل بالشهر الرابع من بعد ماسقطت هو لايعين ولا يعاون واذا قلتله اني ما اقدر تعبانه اوشي قال ليش الدلع وانا بيتي فوق كل يوم يبيني انزل واطلع لبيتي ماعنده مشكله اقوله فيها اخطار علي يقول ماضر الاولين بنات انا مليت من هالحاله مليت من هالعيشه مليت من زوجي احس اني اكرهه اكثر عجزت احبه احاول بس ماقدرت لانه انسان مايساعد اقوله ودي انام على صدرك او على يدك يقول انا ماتعودت على كذا لازم انام مرتاح اذا بغى يطلع اجي انااقوله ابي بوسه بعدين يرجع وتافاف ويقول تاخرت بنات مليت من الاشياءالرومانسيه وانا احاول فيه لدرجة الحين صرت ما اطلبه اي شي بنات خلاص حاولت معهاكثر من6شهوربس مافيه تقدم منه كل همه اخواياه حتى بالجماع والله يابنات والله ماحسيت بالنشوه اللي يقولون او الراحه عجزت احاول معه بس هو دايم مستعجل يقول ماله داعي اننا نطول اقوله حلاته اننا نعيش الاجواء قبل كل شي بس بالنهايه لاحياة لمن تنادي اصلا حتى الجماع معه تقل مفترس والله اذا خلص شفايف متجرحه لانه مايعرف بس اهم شي يخلص حتى والله كرهت السرير حتى يقول انتي اذا جيتي لهالمربع تصيرين انسان ثانيه مو طبيعيه لاني كرهت والله وفوق هذا كله بخيل يالله يالله يعطيني مصروفي ويطلعه مني بطلعت الروح يخليني اندم اني قلتله عطني وهي 500ريال في الشهر والله الحين ماتكفي وانا متعوده ببيت ابوي على الدلع والدلا بنات انا مليت والله مليت مدري وش اسوي في نفسي واذا قلتله شي قال انا اموت بترابك احبك موت بس انا مو قتنعه انا مليت والله ماتحمله حتى ماعنده اسلوب والله بنات وش اسوي دايم على سجادتي ادعي واصلي لدرجه صرت اختم القران كل شهر بس مافيه فايده منه الله يخليكم وش بيدي حتى الحمل مليته مليت اللي ببطني صح الحمدالله غيري يتمناه بس ماشفت منه شي لانه اذا ولدت ماراح اشوف منه اي شي وفوق هذا اذاتذكرت المصروف تضيق فيني الدنيالانه مايحب يدفع مدري وشلون بيدفع الحليب واللبس والبامبرز والله احس اني غلطلت يوم فكرت احمل بس قلت يملى علي هالبيت بنات ما اتحمل اكثر من كذا والله مدري وش اسوي مليييت من جد مليت واسفه طولت عليكم بس شي بنفسي وحبيت اقوله لاني ما اقدر اتكلم مع احد واسفه على بعض الكلمات المحرجه بس لاني حابه اوضح ..اسفه على الاطاله ..سلام