منتديات حوامل النسائية - قصة ولادتي بجوري .. والخطأ الطبي .. وغرفة العمليات ...

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

قصة ولادتي بجوري .. والخطأ الطبي .. وغرفة العمليات ...

السـلام عليكم ورحمة الله وبركاتهـ ..

كيفكم شخبااركم ..

راح احكي لكم قصة ولادتي بأول حمل لي(ببكري) جوري الله يخليها لي ..

اول شي يوم 24_5_1432

انا من اهل جده تزوجت وسكنت بنجران بالجنوب

المهم .. الساااعهـ 6 الصبااح يوم الخميس جاتني الالالم مو طبيعيه مثل مغص الدوره بالبدايه

قلت يمكن مو ولاده الم عادي .. حاولت انام ماقدرت كل شويه الالم يززززيد

المهم خرجت من غرفتي زوجي كان نام قلت ما ابغى ازعجه

رحت المجلس حاولت انام هناك ماااقدرت الالم مررره تزيد عليه ..

ومن قوة الالم ماقدرت انسدح او اجلس

صرت امشي في بيتي رايحه جااايه

ومرت الساعه 6 و7 و8 و9 وانا ما ادري انها ولاده قلت الم عادي يجي بالتاسع

لانهم قالو لي: لما ينزل دم او مويه اعرفي ولاده وانا مانزل عليه شي

وطول الساعات هذيك بس امشي في بيتي

طبعا امي نايمه عند اختي ماكانت عندي كانت يومين عندي ويومين عند اختي الثانيه

المهم ...جات السااعه 10 وماقدرررت اصبررر بكيت من قوة الالم وبطني نااازل عرفت انها ولاده وكل شويه اوصل لباب

الغرفه ابغى اصحي زوجي قلت اكيد بروح المستشفى بيرجعوني يقولون : 1 سانتي او 2

بصبر شوي ... المهم صحي زوجي سالني قال وش فيك؟ قلت تعبانه شوي قال ليش انتي هنا

قلت ما ابغى ازعجك قال اوديك المستشفى قلت لا مو اللحين شوي ...

ورجع الغرفه .. وجاااات السااعه 10 ونصصص ماقدرت امشي ولا قدررت اسوي شي

رحت للغرفه وقلت لزوجي انا ماعاد اقدر اتحمل وديني المستشفى ..

ونزل يشغل السياره وخبر امه واخواته لانهم ساكنين تحتي

وطلعو عندي قالو نزل عليكي شي قلت ولاشي لكن مو قادره اصبرررر

ورحت المستشفى معانا اخته ... لان امي زوجي كانت بالعدهـ ..

وصلت المستشفى وكشفو عليه وقالو : الررررحم 9 سانتي يلا غرفه ولاده بسررررعه

طلعوني بالسرير حق الطواري وقالو خليك على جنب ... وهم فكو لي المويه

المهم جلست يمكن ربع ساعه وبسرررعه ولدت وجات احلى بنوته جوري الله يخليها لي ...

....مشكلتي بدت من هنا بعد ولادتي بجوري الدكتور لما سوا لي توسعه وسع على عرق

وسبب نززيف قوي ولما سوا التوسعه تعدآ المكان المسموح فيه ...

سوا لي خياااطه وهو مو مرتاح حس انه توهق راح نادى دكتور ثاني

جاء الدكتور الثاني فك الخياطه بالمقصص وسوا خياطه مره ثانيه ..

نادو الاستشارري قال: الخياااطه كلها غلط في غلط .. والنزيف ماوقف ولازم غرفة عمليات

وتخدير كاااااااااااامل وقتها انفجعت قلت لهم : حسسبي الله ونعم الوكيل فيكم لعبتو فيني

وكنت ادعي عليهم معاي ممرضات سعوديات يهدون عليه ويقولون هذي قدرة ربي

وتخاصمت مع الاثنين الدكاتره طررت فيهم وكمان هو تخاصم معايه قال محد معصوم من الغلط

محنا ملائكه ..قلت حسبي الله عليككككم كلللللللللكم

ورضيت بصمت باصبعي بالاوراق على غرفة العمليات ودخلت غرفة العمليات

يسون لي اعادة خيااااطه...بنج كاااامل

لما دخلت غرفة العمليات ماتوقعت اني بخررج منها وانا بخير ...

اعطوني بختين اكسجين مع بنج وبعدها ماعاد دريت بنفسي الا الساعه 3 العصررر

تخيلوو من الساعه 12 الين 3 العصررر

حطوني في غرفة الملاحظه بنتي ماشفتها ولا ادري عنها

وعندي ممرضه طووول الوقت عندي حتى الحمام تتدخل معااي (الله يكرمكم)

وكل بعد ساعتين يجيني دكتور يشوف النزيف وقف ولا لا ..

لمدة يومين انززف قالو لي :الرحم عندك هابط ولازم يرتفع عشان يوقف الزيف

قالو لازم تحميله وافقت وامري للربي ..

وبصمت باصباعي على الاوراق عشان التحميله

والحمدلله توقف النززيف

وخرجت على مسؤوليتي من المستشفى قلت البيت اريح منهم ..

وشفت بنوتي بعد يوميــــــــــــن ....

الحمدلله على كـــــــــــــــــــــــل حال ....

ولادتي كانت جدآ سهله ... لكن الخطأ الطبي هو اللي بهذلني ...