|
اجهاض للمره الثانيه والاسباب مجهوله.. بعد استخدام الكلوميد
اللهم لك الحمد علا قظائك وقدرك فانك تعلم ولا اعلم
اللهم اني وكلت امري اليك وفوظت امري اليك فلا تكلني لنفسي ولا لغيرك طرفة عين السلام عليكمhwaml13 اخواتي انا سبق اجهضت قبل سنه ونص ومعي تكيس و قبل شهرين اخذت كلوميد 3 حبات باليوم من ثاني يوم الدوره الا الخامس وجتني الدوره ثلاث ايام وقطعت وكنت احسبها دوره بس خفيفه من الكلوميد لاكن لما رحت حللت بعد 5 ايام لقيت اني حامل مره فرحت تفائلت لاكن جاني خوف انه تتكرر معي مشكلة الاجهاض مره ثانيه جلست اراجع شهرين بالمستشفا الحكومي عند استشاري الكل يمدحه وحملت بعد ماراجعت عنده بشهرين بعد الله طبعا ومع الدعاء والاستغفار رحت ثلاث مواعيد ثلاث تحاليل هرموني وثلاث اشعه الترا ساون من المهبل مو علا البطن يعني المفروض تكون واضحه الهرمون بالشهر الاول 2000 بعدها باسبوع طااار وصار 8000hwaml03hwaml03 انهبل الدكتور قال انا مو قاعد اشوف شي جوا الرحم وحولني علا قسم الاشعه وكتب حاله طارئه رحت وسوت لي الدكتوره الفلبينيه اشعه وكل ما سالتها قالت اسالي الدكتور قلت خارج الرحم قالت لا جوا وقالت لي ان شكلهم تؤم فيه كيسين ورتني اياهم وكنت بالاسبوع الخامس رجعت للدكتور طااايره من الفرحه قلت يادكتور الهرمون مرتفع عشانهم تونز وكان 24 رمضان جلس يناظر بالاشعه ويعبط بوجهه كلم حقت الاشعه وماردت قالي انتظري وانا طلعت انتظر برا نص ساعه بعدين ناداني مره ثانيه قالي فين زوجك قلت قلي وش فيه !! انا اقوله قال لا بس انا حفهمه ان هاذا مو حمل هاذا حمل حويصلي عنقودي بوصي هاذي حويصلات ووراني دوائر انا اول مره اسمع عن الحمل الحويصلي قلت يالله مالي نصيب مدري وش السالفه وبعد مافجعني قالي بوصي انا موش متاكد لان بتاعت الاشعه ما ارفقت تقرير قلت هي تقول توؤم قال لا مووووش تؤم كسر خاطري وانا واثقه بكلامه لانه استشاري اد الدنيا قال تعالي السبوع الجاي وسوي تحليل ونسويلك اشعه ولازم نسويلك كحت وتوقفين الحمل سنه كامله بعده قلت لاحول ولا قوة الا بالله طبعا هو مو متاكد الاسبوع الي بعده ماقدرت اخذ موعد لانه العيد جا فتاخرت الا 8 شوال كل العشر ادعيي ان الله يكفيني شر الحمل العنقودي من شي قريت عنه تفجع وانه حمل نادر حسيتني مقروده وضاق صدري وكلت امري لله جلست اسبوعين علا اعصابي قلق قلق قلق تفكييييير وصداع وضغط وبعدها رحت لمه سويت تحليل الهرمون 10000 قال باسبوعين ما ارتفع الا الفين لا مو معقوله سوا لي الترا ساون وشاف كيس واحد صغير قلت عنقودي قال لا واقعد اهاوش قلت تدري انك عيشتني برعب انا واهلي وزوجي قال انا كنت شاك قلت لا انت وريتني بالاشعه اشياء قلت هاذي حويصلات وزعلت ومسكت اعصابي كنت ابي اظربه طبعا تجيكم الطامه الكبرا التشخيص الخطاء الثاني ههههههههههههههههه مقروده يوم رحت للحبيب سويت الترا ساون قالولي كيسين :( يعني كانوا تؤم والاستشاري ما شاف الا واحد وباخر شي الحمددلله علا كل حال بس قالت لي فاضين مافيهم شي والهرمون يوم الاربعا نزل لل 7000 والدم بدا ينزل قالولي تجين السبت نسوي تنظيف لك او تحاميل الحين عندي اسئله الي مثل حالتي تساعدني والي ماعندها خبره تدعيلي ان الله يعوضني ويشرح صدري ويييسر امري وما اتضايق زي المره الاولى 1:الدكتوره قالت لي نسويلك تنظيف او تحاميل الي تبين هل التحاميل تنظف زين ولا العمليه افضل ؟؟ هل التحاميل تسبب مغص والم شديد؟؟ الشي الثاني انا سبق سويت تنظيف اخاف تاخر الحمل زود ؟ واخاف انزله بالبيت عشانهم كيسين يصير نزيف قوي عاد انا من زين دمي ولا صحتي ؟ الشي الثالث ليه كيس بدون جنين وكل الثنين مو واحد وواحد لا يمكن من التوتر توقف نموهم ؟ مع العلم اني جتني حسسيه كان الدكتور بيعطيني ابرة كورتيزون لها بس انا رفضت قلت حامل اخاف تسبب تشوهات وقال ان الحسسيه سببها اجسام مضاده بالجسم يكون الي فيني اجسام مضاده واذا فيني وش الاجرائات المناسبه الي اتخذها بعد الاجهاظ ابر حبوب وش اسوي ؟ الشي الرابع اذا حملت مره ثانيه ودي اخلي رجلي يسكت وما يتكلم لانه فضيحه معلن عند كل الناس اني حملت انا ما اخاف من العين ولا همون اقرا وردي الحمدلله بس اشيل هم قرق الحريم يقعدون يحسبون لك كم مره اجهضتي ويكثر القرق ؟ ياكثر خرطي بس صدق بنات الي تقدر تساعدني لو بشي بسيط الله يسعدها ويوفقها يارب |
رد: اجهاض للمره الثانيه والاسباب مجهوله
شوفي حبيبتي انا حالتي نفس حالتك تماما بس اانه ماقالولي حمل عنقودي
بس مافي نبض بالجنين وبدا اول ايام العيد بنزول دم ومع هذا الدكتوره الله يسامحها اعطتني ابره مثبت والجنيين مافي نبض وبعدين الله لايوريك ذاك الالم والله مو طبيعي المهم ظليت اسبوع كامل اتعذب وقالت دكتوره ثانيه انه لازم اسوي تنظيف انا رفضت وقلت ماابغى تنظيف لان امي والله قالت لي انه بطانه الرحم تضعف والمهم نزل من نفسه ولله الحمد يوم الاربعاء والحمدلله على كل حال والدكتوره تقول يمكن فيني اجسام مضاده واني لازم اسوي تحاليل ادري طولت بس ماقول الا ربنا يرزقني ويرزقك بالذريه الصالحه |
رد: اجهاض للمره الثانيه والاسباب مجهوله.. بعد استخدام الكلوميد
ياقلبي الله يعوضك خير يارب العاليمن
الحمدلله على كل حال غاليتي عليك بالقران والله ثم والله ثم والله انه سبب في علاج اشياء كثيره لاتتركين سورة البقره ابدأأأأأأأ اختي سقطت وهو اربع شهور بالبيت اخذت عشبه المدينه لانها روووعه وتنظف الرحم مره بس مايكثر منها لانها تعمل كحت قوي للرحم يعني كاسه دافيه باليوم فقط الله يشرح صدرك ويفرج همك وييسر امرك ويرزقك من حيث لاتحتسبي وانا معك اذا ربي كتب الحمل لا تخبروا احد أقضوا حوائجكم بالكتمان انا ضد الاخبار بالحمل ترتاحين من اساله الناس _____________________ |
رد: اجهاض للمره الثانيه والاسباب مجهوله
اقتباس:
انشاالله على اجر ياقلبي الله يعوضك خير قادر ياكريم الحمدلله يارب انه جت علا الاجهاض بالشهور الآولى ماجت علا شي كايد انا طلعو تؤم مو عنقودي بس كيس فاضي بدون جنين وماكان معي نزيف ولا نقطه بس مع انخفاض الهرمون بدا ينزل علا خفيف والحين ماسكني الم بظهري كان احد عضه عاد جهزت شنطتي عشان بكرا او بعده يسوون لي تنظيف اخاف انزله بالبيت لانه كيسين اخاف يجيني غراق علا قولة امي يعني نزف شديد |
رد: اجهاض للمره الثانيه والاسباب مجهوله.. بعد استخدام الكلوميد
اقتباس:
والله اني كل يوم اقرا البقره والورد وادعي ربي من كل قلبي باوقات الاستجابه وعندي امل يعوضني خير اذا ربي كاتب لك رزق وين يروح ماله الا صاحبه بيجيك بس يبيلنا صبر والخيره فيما اختاره الله علام الغيوب يعلم ولا نعلم |
رد: اجهاض للمره الثانيه والاسباب مجهوله.. بعد استخدام الكلوميد
1:الدكتوره قالت لي نسويلك تنظيف او تحاميل الي تبين هل التحاميل تنظف زين ولا العمليه افضل ؟؟ هل التحاميل تسبب مغص والم شديد؟؟ مافهمت عليكك تحاميل قصدك طلق صناعي ؟؟ انتي مجربة العمليه استفسري منها عن التحاميل وشوفي الشي الثاني انا سبق سويت تنظيف اخاف تاخر الحمل زود ؟ واخاف انزله بالبيت عشانهم كيسين يصير نزيف قوي عاد انا من زين دمي ولا صحتي ؟ لا طبعااا خليك بالمستشفى اضممممن الشي الثالث ليه كيس بدون جنين وكل الثنين مو واحد وواحد لا يمكن من التوتر توقف نموهم ؟ مع العلم اني جتني حسسيه كان الدكتور بيعطيني ابرة كورتيزون لها بس انا رفضت قلت حامل اخاف تسبب تشوهات وقال ان الحسسيه سببها اجسام مضاده بالجسم يكون الي فيني اجسام مضاده واذا فيني وش الاجرائات المناسبه الي اتخذها بعد الاجهاظ ابر حبوب وش اسوي ؟ لا التفكير ماله دخل زوجه خالي كذا مرة صارت لها كذا تحمل بكيس فاضي وحملها طبيعي وتنزلة بعمليه تنظيف واللحين حملت وجابت ولد مثل القمر الشي الرابع اذا حملت مره ثانيه ودي اخلي رجلي يسكت وما يتكلم لانه فضيحه معلن عند كل الناس اني حملت انا ما اخاف من العين ولا همون اقرا وردي الحمدلله بس اشيل هم قرق الحريم يقعدون يحسبون لك كم مره اجهضتي ويكثر القرق ؟ الله يعوضك ياحبيبتي في القريب العاجل وايه انا معااااك لا تبشرين احد ابد الا اذا شفتي البيبي في السونار وسمعتي نبضه وقتها توكلي على الله وقولي والمرة الجايه اول مايصير معك شي زي كذا يعني خطا في السونار روحي اكثر من مستشفى وتاكدي لا تجلسين على اعصاااابك الله يعوووضكك ياررررب ويسهل عليككك .... وتقومين بالسلامه دامك بصحتك كل شي يتعوض |
رد: اجهاض للمره الثانيه والاسباب مجهوله.. بعد استخدام الكلوميد
اقتباس:
الله يسعدك ياااااااااارب علا هالرد ياحبيلك مررره شكرا طمنتيني الله يطمنك من جد غلطتي اني مارحت اتاكد من الالترا ساونت |
رد: اجهاض للمره الثانيه والاسباب مجهوله.. بعد استخدام الكلوميد
الله يعوضك بلحمل السليم
الحمدلله على قضاءه وقدره هذا الحمل فيه صالح لك ينزل وربك كفاك شر الحمل العنقودي ومثل ماحملتي ان شاء الله تحملي مره ثالثه ورابعه بحمل سليم وان شاء الله المره الجايه لا تخبري احد بحملك صح انتي عملتي الفحوصات والتحاليل حتى تعرفي سبب الاجهاض وتوقف النمو لان انا ثلاث اجهاضات وبعد كل اجهاض اعمل فحوصات داء القطط والفايروس والحصبه الالمانيه والجرثومه وتطلع التحاليل نظيفه واجهض الحمل البعده بس قبل فترة دكتوره نبهتني على تحليل تخثر الدم وعملته وطلع عندي تخثر بلدم المشيمه ويارب يعوضني ويعوضك بلحمل السليم |
رد: اجهاض للمره الثانيه والاسباب مجهوله.. بعد استخدام الكلوميد
انصحك بتحليل الغده لا نه سبب في توقف نمو الاجنه انا كنت اجهض لحد ما أكتشفت ان فيني خمول فالغده
وبديت فالعلاح والحمد لله |
| الساعة الآن 05:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .